Еремей 4:4 - Коми Библия 2023

⁴ Иудаын да Ерусалимын олысьяс, вундыштчӧм пыр сиӧй асьнытӧ Господьлы, вундыштӧй ассьыныд сьӧлӧмнытӧ, медым тіян лёк вӧчӧмныд вӧсна Менам скӧрлунӧй эз ыпнит би моз, и сійӧс кусӧдны некод эз вермы.

Еремей 4:4 Kruisverwysings

2 Каднебӧг 34:25

Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй киссяс тайӧ карыс вылӧ да оз куслы”.

Исай 10:17

Сійӧ Ачыс, Израильлӧн Югыдыс, лоӧ биӧн, Израильлӧн вежа Енмыс лоӧ ыпъялысь биӧн, Сійӧ сотас йӧнсӧ да ёг турунсӧ, ӧти лунӧн бырӧдас Ассурӧс.

Исай 30:33

Ассурлы важӧн нин дасьтӧма сотанін, сотӧмыс виччысьӧ тшӧтш ӧксыӧс. Джуджыд да паськыд гуын дасьтӧма уна пес, ыджыд бипур. Ыпнитысь тэгйӧс моз Господьлӧн ловшыыс ӧзтас бипурсӧ.

Исай 51:17

Садьмы, садьмӧдчы, чеччы, Ерусалим! Господьлӧн киысь тэ босьтін Сылысь скӧрлуна дозсӧ, юин сэтысь, юин кушӧдзыс да кутін довъявны.

Еремей 15:14

Тэнӧ Ме мӧдӧда пленӧ, тэныд тӧдтӧм муӧ вӧрӧг нуӧдас тэнӧ, ӧд Менам скӧрлунӧй ыпъялӧ би моз, сійӧ сотас тэнӧ.

Еремей 21:12

ті, Давидлӧн рӧдыс! Господь тадзи висьталӧ: водз асывсяньыс мыждӧй веськыда, увтыртӧмаӧс мездӧй дзескӧдысьлӧн киысь, медым Менам скӧрлунӧй эз ыпнит би моз, медым тіян лёк вӧчӧмъясныд вӧсна Менам скӧрлунӧй эз паськав кусӧдны позьтӧм яр би моз.

Еремей 21:5

Ме Ачым понда тышкасьны тіянлы паныд вына киӧс кыпӧдӧмӧн, скӧрлунӧн, ярлунӧн да ыджыд лӧглунӧн.

Еремей 23:19

Со, Господьсянь кыпӧдчӧ ыджыд тӧвныр, Сылӧн скӧрлуныс локтӧ тӧвныр моз, гартчӧ лёк вӧчысьяслӧн юр весьтын.

Еремей 36:7

Гашкӧ, найӧ кевмысясны-шыасясны Господь дінӧ да бергӧдчасны асланыс лёк туй вылысь, ӧд Господь ёна скӧралӧ да лӧгалӧ тайӧ войтырыс вылӧ».

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Еремей 9:25

Матыстчӧны лунъяс, – висьталӧ Господь, – кор Ме кута мыждыны вундыштчӧмаясӧс и вундыштчытӧмъясӧс.

Еремей 9:26

Ме мыжда Египетын, Иудаын да Эдомын олысьясӧс, мыжда аммон войтырӧс, моав войтырӧс да овтӧминын олысьясӧс, кодъяс шырӧны юрсинысӧ пель боксьыныс. Тайӧ войтыръясыс – вундыштчытӧм войтыръяс, а израильсаяс – сьӧлӧмнаныс вундыштчытӧмӧсь.

Бӧрданкыв 4:11

Господь койыштіс Ассьыс скӧрлунсӧ, кисьтіс Ассьыс ярлунсӧ, ӧзтіс Сионын би, сотіс сійӧс подулӧдзыс.

Езекиль 16:38

Ме мыжда тэнӧ верӧс вывті ветлысь гӧтырӧс да морт виысьӧс моз. Скӧралӧмӧн да вежӧгтӧмӧн кисьта тэнсьыд виртӧ.

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

Езекиль 20:33

Ме Ачым кыв сетӧмӧн шуа, – висьталӧ Господь Ыджыдыс, – мый Ме кута ӧксыавны скӧрлунӧн, Ассьым вына киӧс да ён сойӧс лэптӧмӧн.

Езекиль 21:17

Ме тшӧтш скӧрысь ки пыдӧсӧ вачка, став Ассьым скӧрлунӧс койышта. Тайӧс висьтала Ме, Господь».

Езекиль 24:13

Тэнад пежыд зывӧктана. Ме сӧстӧммӧдлі тэнӧ, но тэ эн сӧстӧммы аслад пежсьыд. Кытчӧдз Ме став скӧрлунӧс тэ вылӧ ог кисьт, тэ он сӧстӧммы.

Езекиль 24:8

Ме коли вирсӧ изъяс вылас, эг вевттьы сійӧс, медым скӧрмӧмӧн водзӧс перйыны Ерусалимын олысьяслысь.

Езекиль 44:7

Ті вайӧданныд Менам вежаинӧ йӧз муысь локтысьясӧс, сьӧлӧмнас да вир-яйнас вундыштчытӧмъясӧс. На дырйи Меным гос да вир вайӧмӧн ті пежаланныд Менсьым крамӧс. Асланыд пеж уджъясӧн ті торканныд йитӧдӧс, мый Ме кӧрталі тіянкӧд.

Езекиль 6:12

Ылі муын олысьяс пӧрӧс висьӧмысь куласны, матын олысьяс шыпурт помысь усясны, ловйӧн кольӧмаяс тшыгнысла куласны. Ме кисьта на вылӧ став Ассьым скӧрлунӧс.

Езекиль 8:18

Та вӧсна Ме кисьта на вылӧ Ассьым скӧрлунӧс, ог жалит найӧс да ог бурсьӧлӧмтчы на дінӧ. Мед гораа горзӧны Меным, но Ме ог кыв найӧс».

Левит 26:28

Ме скӧрмӧмӧн тіянлы паныд сувта да сизим пӧвстӧн мыжда тіянӧс мыжъяссьыныд.

Левит 26:41

мый вӧсна Ме [скӧрмӧмӧн] налы паныд сувті, вӧтлі найӧс вӧрӧг муӧ. Сэні найӧ мынтысясны мыжсьыныс, и налӧн вундыштчытӧм сьӧлӧмныс раммас Ме водзын.

Амос 5:6

Корсьӧй Господьӧс, и ловйӧн колянныд. Онӧ кӧ корсьӧй, Сійӧ биӧн уськӧдчас Ӧсиплӧн рӧд вылӧ, и биыс ньылыштас ставсӧ, сотчас Вефиль – и сійӧс кусӧдысьыс оз ло.

Софоний 2:2

кытчӧдз оз во индӧм кад, кытчӧдз лунъясыс оз лэбны кыд моз, кытчӧдз оз киссьы тіян вылӧ Господьлӧн яр скӧрлуныс, кытчӧдз оз су тіянӧс Господьлӧн скӧралан луныс.

Римӧ 2:25

Вундыштчӧмыд бур, олан кӧ Индӧдыс серти. Он кӧ ов Индӧдыс серти, сэки тэнад вундыштчӧмыд нинӧм.

Индӧд 10:16

Вундыштӧй ассьыныд сьӧлӧмнытӧ да водзӧ энӧ асныралӧй.

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,

Индӧд 32:22

Менам скӧрлунысь ӧзйис би, пыдӧстӧминӧдз сійӧ сотӧ ставсӧ. Мусӧ ньылыштӧ став быдтас-вотӧснас, керӧсъяс чишкалӧ подулӧдзыс.

Колосӧ 2:11

Сы пытшкын тіянӧс вундыштӧма, но вундыштӧма абу морт киӧн. Кристослӧн вундыштӧмыс мездіс тіянӧс мыжа тшыкӧм вир-яйысь.