Еремей 4:21 - Коми Библия 2023

²¹ Дыр-ӧ на меным видзӧдны дӧрапас вылӧ, кывны буксан шы?

Еремей 4:21 Kruisverwysings

2 Каднебӧг 35:25

Еремей сьыліс Иосей йылысь бӧрдан сьыланкыв. Сьылысьяс талунъя лунӧдз сьылӧны Иосей йылысь бӧрдан сьыланкыв. Тайӧ сьыланкывсӧ пыртӧма бӧрдан сьыланкывъяс лыдӧ, Израильын ӧнӧдз сійӧс сьылӧны.

2 Каднебӧг 36:10

Во заводитчигас Навукодоносор ӧксы мӧдӧдіс ассьыс йӧзсӧ, медым вайӧдны Еконейӧс Вавилонӧ. Господьлӧн крамысь Вавилонӧ нуисны дона дозмук-кӧлуй. Иудаын да Ерусалимын юравны Навукодоносор пуктіс Еконей рӧдысь Седекейӧс.

2 Каднебӧг 36:17

Господь мӧдӧдіс калдеяса ӧксыӧс, медым сійӧ уськӧдчис Иуда войтыр вылӧ да виис шыпуртӧн вежа крамын налысь зонъяссӧ. Господь эз жалит [Седекейӧс,] зонъясӧс, нывъясӧс, пӧрысь да олӧма йӧзӧс, Сійӧ ставнысӧ сетіс калдеяса ӧксы киӧ.

2 Каднебӧг 36:3

Ерусалимын египетса Неко ӧксы чӧвтіс Иохазӧс юралан пуклӧсысь [да вайӧдіс сійӧс Египет муӧ]. Иуда войтырлы египетса ӧксы тшӧктіс мынтыны вот – сё талант эзысь да ӧти талант зарни.

Еремей 4:19

– Меным зэв сьӧкыд, менам сьӧлӧмӧй висьӧ дойысь, сійӧ ставнас тіралӧ, ме ог вермы чӧв овны. Ме кыла буксан шы – тыш вылӧ чуксалӧм.

Еремей 4:20

Выльысь и выльысь локтӧ бырӧдӧм, мусӧ ставнас куштӧма. Виччысьтӧг пазӧдісны менсьым чомъясӧс, ӧти здукӧн косялісны чом дӧраясӧс.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Еремей 42:14

мунам пӧ да овмӧдчам Египет муӧ, кӧні оз ло тыш, кӧні огӧ кутӧй кывны буксан шылысь чуксалӧмсӧ да огӧ кутӧй тшыгъявны,

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.