Еремей 4:2 - Коми Библия 2023

² Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Еремей 4:2 Kruisverwysings

Олӧм 22:18

Сыысь, мый тэ кывзысин Менсьым, тэсянь чужысьяс пыр вуджас бурсиӧмыс быд войтырлы».

Ӧксыяслӧн 3 небӧг 3:6

Соломон воча шуис: «Тэ вӧлін зэв бур сьӧлӧма менам Давид бать дінӧ, Аслад кесйӧг дінӧ, ӧд сійӧ оліс Тэнсьыд кывзысьӧмӧн да веськыда, ставсӧ вӧчис сӧстӧм сьӧлӧмӧн. Ассьыд ыджыд буралӧмтӧ Тэ эн вешты сы дінысь, Тэ сетін сылы пиӧс, коді ӧні пукалӧ сылӧн юралан пуклӧсын.

Псалтыр 72:17

кытчӧдз ме эг пыр Енлӧн вежаинӧ и эг гӧгӧрво, мый виччысьӧ лёк вӧчысьясӧс.

Псалтыр 99:4

Локтӧй Сылӧн дзиръяяс дорӧ Сійӧс аттьӧалӧмӧн, пырӧй Сылӧн йӧрӧ Сійӧс ошкӧмӧн. Аттьӧалӧй Господьӧс, ошкӧй Сылысь нимсӧ,

Исай 45:23

Менам вомысь петӧны збыль кывъяс, вежсьывлытӧм кывъяс, Ме Ачым кыв сетӧмӧн шуа, мый быд морт пидзӧсчанясяс Ме водзӧ да кыв сетӧмӧн кӧсйысяс кесъявны Меным.

Исай 45:25

А Израильсянь чужысьясӧс Господь вӧчас веськыдӧн, и найӧ кутасны ошйысьны Сыӧн.

Исай 65:16

Коді бурсиас асьсӧ тайӧ муас, сійӧ бурсиас асьсӧ збыль Ен нимӧн. Коді кыв сетас тайӧ муас, сійӧ кыв сетас збыль Ен водзын. Важ шогъяссӧ лоӧ вунӧдӧма, водзӧ найӧ оз нин лоны Менам син водзын.

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Еремей 12:15

Но нетшыштӧм бӧрын Ме бара бурсьӧлӧмтча тайӧ войтыръясыс дінӧ да быд войтырӧс бергӧда аслас муӧ.

Еремей 12:16

Найӧ кӧ велӧдчасны овны, кыдзи Ме тшӧкті овны Аслам войтырлы, велӧдчасны кӧ кыв сетны ловъя Господь водзын, кыдзи найӧ велӧдісны Менсьым войтырӧс кыв сетны Ваал идол водзын, сэки найӧ вужъясясны Менам войтыр пӧвстӧ.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Еремей 3:17

Сійӧ кадас Ерусалим карсӧ шуасны Господьлӧн юралан пуклӧсӧн. Став войтыръясыс чукӧртчасны Ерусалимӧ, медым ыдждӧдлыны Господьлысь нимсӧ. Найӧ оз нин кутны овны асланыс лёк да чорыд сьӧлӧмныс серти.

Еремей 33:9

Мувывса став войтыръяс водзын тайӧ карыс ваяс Меным нимкодьлун, ошкӧм да нималӧм. Кор войтыръяс кыласны бурыс да лӧньлуныс йылысь, мый Ме сета тайӧ карас олысьяслы, найӧс полӧм-дзӧрӧм босьтас.

Еремей 5:2

– Найӧ кыв сетӧны ловъя Господь водзын, но налӧн кыв сетӧмныс – пӧръясьӧм.

Еремей 7:5

Ті кӧ збыльысь веськӧданныд ассьыныд туйяснытӧ, вӧчанныд бурсӧ да веськыда мыжданныд ӧта-мӧднытӧ,

Еремей 9:24

Но ошйысьысь мед ошйысьӧ сійӧн, мый сылӧн эм гӧгӧрвоӧмлун тӧдны Менӧ. Ӧд Ме – Господь, Ме бурсьӧлӧмтча да веськыда мыжда му вылас. Ті кӧ тшӧтш тадзи вӧчанныд, тіян уджъясныд лоӧны Меным шогманаӧсь, – висьталӧ Господь.

Осий 2:19

Ме кӧсйыся босьтны тэнӧ гӧтырӧ пыр кежлӧ, чунькытшӧда тэнӧ веськыдлунӧн да веськыда мыждӧмӧн, муслунӧн да буралӧмӧн.

Йоиль 2:12

– Бергӧдчӧй Ме дінӧ став сьӧлӧмнаныд, видзалӧй да сыркъялӧмӧн бӧрдӧй, – висьталӧ Господь весиг талун.

Закар 8:8

овмӧда найӧс Ерусалимӧ. Найӧ лоӧны Менам войтырӧн, а Ме лоа налӧн Енмӧн – эскана да веськыда вӧчысь Енмӧн.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

1 Коринфӧ 1:31

Тадзи инас тайӧ гижӧдыс: «Ошйысьысь мед ошйысьӧ Господьӧн».

2 Коринфӧ 10:17

Ӧд шуӧма: «Ошйысьысь мед ошйысьӧ Господьӧн».

Галатӧ 3:8

Гижӧдас водзвыв висьталӧма, мый эскӧм вӧсна Ен шуас веськыдӧн мукӧд войтыръясысь эскысьясӧс. Медводз Ӧвраамлы вӧлі юӧртӧма: «Тэ пыр вуджас бурсиӧмыс быд войтырлы».

Индӧд 10:20

Полӧй Господьысь, асланыд Енмысь, Сылы [ӧтнаслы] кесъялӧй, Сы дінӧ кутчысьӧй да Сылӧн нимӧн кӧсйысьӧй.

Индӧд 4:30

Шогыс да сьӧкыдалӧмыс суӧм бӧрын ті бӧр бергӧдчанныд Господь Енныд дінӧ да кутанныд кывзысьны Сылысь.

Индӧд 6:13

Полӧй Господьысь, асланыд Енмысь, Сылы [ӧтнаслы] кесъялӧй, [Сы дінӧ кутчысьӧй да] Сылӧн нимӧн кӧсйысьӧй.

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,

Руфа 3:13

Войсӧ узь тані, а аски тыдовтчас, кӧсйысяс оз сійӧ кывкутны тэ вӧсна. Кӧсйысяс кӧ, бур. Оз кӧ, – ловъя Господь водзын кыв сета – ме босьта тэ вӧсна кывкутӧм. Узь тані асылӧдзыс».

Ӧксыяслӧн 1 небӧг 20:3

Давид эскӧдӧмӧн шуаліс: «Тэнад батьыд бура тӧдӧ, мый ме тэныд муса. Сійӧ оз висьтав тэныд ассьыс мӧвпыштӧмсӧ, мед тэ эн шогсьы. Но ловъя Господь водзын да тэ водзын шуа: кулӧмӧдзыс меным ӧти воськов».