Еремей 4:12 - Коми Библия 2023

¹² Татшӧм ён тӧвныр локтас Менам кӧсйӧм серти, кор Ме понда мыждыны тайӧ войтырсӧ.

Еремей 4:12 Kruisverwysings

Псалтыр 11:6

Но Господь висьталӧ: «Ме сувта, медым мездыны коньӧръясӧс дзескӧдӧмысь, медым отсавны гӧльяслы налӧн шог дырйи. Доръя сійӧс, кодӧс кӧсйӧны кыйны».

Еремей 1:16

Ме понда мыждыны Иуда муын олысьясӧс став налӧн лёк вӧчӧмысь, ӧд найӧ эновтісны Менӧ, сотісны висьяс мукӧд енъяслы да копрасисны асланыс киӧн вӧчӧмторъяслы.

Еремей 4:11

Сійӧ кадас тайӧ войтырыслы да Ерусалимын олысьяслы лоӧ висьталӧма: «Овтӧминса керӧсъяс вывсянь сотысь тӧвныр пондас пӧльтны Менам войтыр вылӧ. Татшӧм тӧвныр дырйи он вермы тӧлӧдны-весавны шобді тусь.

Еремей 4:13

Вӧрӧг кыпӧдчас кымӧр моз, сылӧн тарантасъясыс тӧвныр кодь тэрыбӧсь, сылӧн вӧвъясыс кутшъяс дорысь на тэрыбджыкӧсь. Сэки ті горӧданныд: ”Курыд шог миянлы! Миянӧс лоӧ бырӧдӧма!”»

Еремей 51:1

Господь тадзи висьталӧ: – Ме кыпӧда бырӧдан тӧвныр Вавилон да сэні олысьяс вылӧ, Меным паныд сувтысьяс вылӧ.

Езекиль 5:8

Та вӧсна Господь Ыджыдыс тадзи висьталӧ: Ерусалим, Ме сувта тэныд паныд да мыжда тэнӧ мукӧд войтыръяслӧн син водзын.

Осий 13:15

Мед кӧ Ефрем аслас вокъяс пӧвстын вайӧ вотӧс, но петас асыв тӧв, овтӧминсянь пондас пӧльтны Господьлӧн тӧвнырыс, и Ефремлӧн юкмӧсыс кушмас, ва петаніныс косьмас. Сылысь озырлунсӧ петкӧдасны, став донаторсӧ мырддяласны.

Аввакум 1:11

Сійӧ тӧвзьӧ ыджыд тӧвныр моз, мунӧ ыджыд ӧдӧн да ставсӧ бырӧдӧ, сылӧн енмыс – аслас выныс.