Еремей 39:2 - Коми Библия 2023

² Седекейлӧн дас ӧтиӧд веськӧдлан воӧ нёльӧд тӧлысьлӧн ӧкмысӧд лунӧ карса стенсӧ жугӧдісны.

Еремей 39:2 Kruisverwysings

Еремей 1:3

Господь юӧртліс Ассьыс кывсӧ Еремейлы тшӧтш иудаса Ехояким ӧксылӧн, Иосей пилӧн, веськӧдлан кадсянь да иудаса Седекей ӧксылӧн, Иосей пилӧн, дас ӧтиӧд веськӧдлан во помӧдзыс. Сэки витӧд тӧлысьнас ерусалимса олысьясӧс вӧлі нуӧдӧма пленӧ.

Еремей 32:1

Иудаса Седекей ӧксылӧн дасӧд веськӧдлан воӧ, а Навукодоносорлӧн дас кӧкъямысӧд веськӧдлан воӧ Еремейлы вӧлі Господьсянь кыв.

Еремей 34:22

Ме бӧр вайӧда найӧс тайӧ карыс дорӧ, – висьталӧ Господь. – Менам тшӧктӧм серти найӧ уськӧдчасны тайӧ карыс вылӧ, босьтасны сійӧс да сотасны биӧн. Иудаса каръясӧс Ме вӧча овтӧминӧн, сэні оз коль олысьыс».

Еремей 37:8

А калдеяса тышкайӧз бӧр локтасны татчӧ, кытшаласны тайӧ карсӧ, босьтасны сійӧс да сотасны.

Еремей 5:10

– Мунӧй виноград йӧръясӧ да пазӧдӧй найӧс, но энӧ дзикӧдз. Кералӧй вожъяссӧ, ӧд найӧ абу Господьлӧн.

Езекиль 33:21

Миянӧс пленӧ нуӧдӧмсянь дас кыкӧд вонас дасӧд тӧлысьлӧн витӧд лунӧ локтіс ме дінӧ морт, коді вӧлі пышйӧма Ерусалимысь. Сійӧ шуис, карыд пӧ киссис.

Езекиль 4:3

Босьт кӧрт лист, сувтӧд сійӧс тэа-кар костӧ кӧрт стен пыдди да видзӧд карыс вылӧ. Карсӧ кытшӧ босьтӧмыс Израиль войтырлы лоӧ индысьпасӧн.

Езекиль 5:2

куим пельӧ. Кор помасясны Ерусалим карӧс кытшалан лунъясыд, ӧти пайсӧ биын сот кирпич вылӧ серпасалӧм кар шӧрас. Мӧд пайсӧ керав шыпуртӧн кар саяс, а коймӧд пайсӧ шыбит, мед тӧлыс разӧдас. Ме перъя шыпуртӧс да вӧтӧда коймӧд пайсӧ.

Софоний 1:10

Сійӧ лунӧ, – висьталӧ Господь, – Чери дзиръя дорсянь кутас кывны ойзӧм, мукӧд дзиръя дорсянь – ырзӧм-бӧрдӧм, а керӧсъяс вывсянь – грыма-грамакылӧм.

Закар 8:19

– Господь Саваоф тадзи висьталӧ: нёльӧд, витӧд, сизимӧд да дасӧд тӧлысьясӧ видзалан лунъясыс лоӧны нимкодясян лунъясӧн, шуда гажӧдчан лунъясӧн Иуда войтырлы. Кутчысьӧй збыляс да лӧнь олӧмас!