Еремей 32:18 - Коми Библия 2023

¹⁸ Сюрсъяслы Тэ петкӧдлан Ассьыд буралӧмтӧ, а батьяслӧн лёк вӧчӧмысь Тэ мынтысян налӧн ныв-пилы. Тэ – ыджыд да вына Ен, Тэнад нимыд – Господь Саваоф.

Еремей 32:18 Kruisverwysings

Олӧм 49:24

но ньӧввужйыс сылӧн эз личавлы, ки сӧнъясыс колины крепыдӧсь, ӧд сылы отсаліс Яковлӧн вына Ен, сійӧс Видзысьыс, Израильлӧн зумыд Изйыс.

Ӧксыяслӧн 4 небӧг 9:26

”Тӧрыт Ме аддзылі Навотлысь да пияныслысь вирсӧ, – висьталӧ Господь. – Тані Ме водзӧс перъя тэнсьыд на вӧсна, – висьталӧ Господь”. Сідзкӧ, босьт да шыбит Иорамлысь шойсӧ тайӧ видз-му вылас».

Неемий 1:5

Ме шуи: «Господьӧй, енэжвывса Енмӧй, Тэ ыджыд да повзьӧдана Ен! Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Псалтыр 50:1

Сьылысьясӧн веськӧдлысьлы. Давидлӧн псалом.

Псалтыр 89:9

Тэнад скӧралӧмысь миян лунъясным бырӧны, миян олӧмным помасьӧ ышлолыштӧм моз.

Петӧм 34:6

Господь муніс Мӧисей водзті да шуис: «Ме, Господь – мелі да бур сьӧлӧма, дыр терпитысь, буралысь да эскана Ен.

Петӧм 34:7

Ме видза [веськыдлунсӧ да восьта] буралӧмсӧ сюрс чужанвужйӧдз, прӧстита лёк вӧчӧм да мыж, но мыжаӧс ог коль мыждытӧг. Батьяслӧн мыж вӧсна Ме водзӧс перъя челядьныслысь да водзӧ чужысьяслысь коймӧд да нёльӧд чужанвужйӧдз».

Исай 10:21

Коляс войтырыс бӧр бергӧдчас, Яковсянь чужысьясысь ловйӧн кольӧмаяс бӧр бергӧдчасны вына Ен дінӧ.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Еремей 10:6

Господьӧй, Тэ кодь мӧдыс абу! Тэ – ыджыд Ен, Тэнад нимыд вына.

Еремей 20:11

Но мекӧд Господь, Сійӧ дорйӧ менӧ вына тышкасьысь моз. Та вӧсна менӧ дзескӧдысьяс крукасясны, найӧ менӧ оз вермыны. Найӧ ёна яналасны, ӧд вӧчисны мывкыдтӧма, найӧс янӧдӧмсӧ некор оз ло вунӧдӧма.

Еремей 31:35

Господь пуктіс шонді югзьӧдны луннас, тшӧктіс тӧлысьлы да кодзувъяслы югзьӧдны войнас, Сійӧ гызьӧдӧ саридз, медым гыясыс ыджыд шыӧн бузгисны. Сылӧн нимыс – Господь Саваоф. Сійӧ тадзи висьталӧ:

Еремей 33:2

«Господь тадзи висьталӧ: Ме вӧчи мусӧ, сеті сылы мыгӧр да зумыдмӧді сійӧс. Менам нимӧй – Господь.

Еремей 50:34

Но найӧс Мездысьыс вына, Сылӧн нимыс – Господь Саваоф. Сійӧ доръяс найӧс да налӧн мулы сетас лӧньлун, а Вавилонын олысьяслы ыстас полӧм-тіралӧм.

Даниил 2:45

Сійӧн тэ и аддзылін, мый изйыс чуктіс керӧсысь морт ки отсӧгтӧг да жугӧдіс кӧртсӧ, ыргӧнсӧ, сёйсӧ, эзысьсӧ да зарнисӧ. Ыджыд Ен сетіс тӧдны ӧксылы, мый лоӧ локтана кадӧ. Тайӧ вӧтыс збыль, и сійӧс гӧгӧрвоӧдӧмыс веськыд».

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Лыд 14:18

”Ме, Господь – дыр терпитысь, буралысь [да эскана]. Ме прӧстита лёк вӧчӧм да мыж, но мыжаӧс ог коль мыждытӧг. Батьяслӧн мыж вӧсна Ме водзӧс перъя челядьныслысь коймӧд да нёльӧд чужанвужйӧдз”.

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Лука 6:38

Сетӧй, сэки тіянлы сетасны. Сетасны бур муртӧсӧн, топыда тувкӧдӧмӧн, моздор тырныд сӧвтӧмӧн. Асланыд мурталӧм серти тіянлы мурталасны».

Индӧд 10:17

Ӧд Господь, тіян Енныд, – енъяслӧн Ен да ыджыдъяслӧн Ыджыдыс. Сійӧ ыджыд, вына да повзьӧдана, Сійӧ оз видзӧд чужӧм вылӧ, козинъяс оз босьт.

Индӧд 7:21

Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.