Еремей 31:11 - Коми Библия 2023

¹¹ Господь вештысяс Яковлӧн рӧд вӧсна, мездас найӧс вынаджыклӧн киысь.

Еремей 31:11 Kruisverwysings

Псалтыр 142:6

Ме нюжӧда Тэлань ассьым киӧс, косьмӧм му моз менам лолӧй виччысьӧ Тэнӧ.

Петӧм 15:16

Мед дзӧрӧны-полӧны найӧ! Тэнад вына киыд из сюръяӧ пӧртлӧ найӧс, кытчӧдз Тэнад войтырыд оз мун на дінті, войтырыд, кодӧс Тэ ньӧбин Аслыд.

Исай 44:23

Нимкодясьӧй, енэжъяс, ӧд Господь вӧчис тайӧс. Гораа горӧдӧй, му пыдӧсъяс, гораа нимкодясьӧй, керӧсъяс, нимкодясьӧй, вӧр да вӧрса пуяс, ӧд Господь ньӧбис Яковӧс, Господьӧс лоӧ нимӧдӧма Израильӧс мездӧм пыр.

Исай 48:20

Петӧй Вавилонысь, пышйӧй Калдеяысь! Гораа нимкодясьӧмӧн юӧртӧй, висьтавлӧй та йылысь, паськӧдӧй тайӧ юӧрсӧ му помӧдзыс. Висьтавлӧй тадзи: Господь мездіс Ассьыс Яков кесйӧгсӧ.

Исай 49:24

Вына тышкамортлысь ӧмӧй позьӧ босьтны тышын мырддьӧмасӧ? Вермысьлысь ӧмӧй позьӧ мырддьыны пленӧ босьтӧмаясӧс?

Исай 49:25

Но Господь тадзи висьталӧ: – Ӧні вына тышкамортлысь лоӧ мырддьӧма пленӧ босьтӧмаясӧс, дзескӧдысьлысь лоӧ босьтӧма мырддьӧмасӧ. Ме Ачым кута вермасьны тэныд паныд сувтысьяскӧд, Ме мезда тэнсьыд челядьтӧ.

Исай 51:11

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Еремей 15:21

Ме мезда тэнӧ лёк йӧзлӧн киысь, нетшышта тэнӧ дзескӧдысьяслӧн кабырысь.

Еремей 50:33

Господь Саваоф тадзи висьталӧ: – Израиль да Иуда войтыръясӧс дзескӧдӧны, пленӧ нуӧдысьяс чорыда чабыртӧмаӧсь найӧс, оз кӧсйыны лэдзны.

Еремей 50:34

Но найӧс Мездысьыс вына, Сылӧн нимыс – Господь Саваоф. Сійӧ доръяс найӧс да налӧн мулы сетас лӧньлун, а Вавилонын олысьяслы ыстас полӧм-тіралӧм.

Бӧрданкыв 3:58

Тэ дорйин менӧ, Господьӧй, мездін менсьым олӧмӧс.

Осий 13:14

Мезда-ӧ Ме сійӧс кулӧмыслӧн кабыр улысь, ньӧба-ӧ сійӧс кулӧмыслысь? Кулӧм, кӧні тэнад чушканыд? Кулӧм, кӧні тэнад вермӧмыд? Жалитӧмыс Менам оз ло.

Закар 9:16

Сійӧ лунӧ Господь, налӧн Ен, мездас найӧс, чукӧртас Ассьыс войтырсӧ ыж чукӧрӧс моз. Юркытшса дона изъяс моз найӧ пондасны дзирдавны Сылӧн му вылын.

Матвей 12:29

Вермас-ӧ кодкӧ пырны вына мортлӧн керкаӧ да сійӧс кӧртавтӧг босьтны сылысь эмбурсӧ? Сӧмын сійӧс кӧрталӧм бӧрын вермас петкӧдны сылысь эмбурсӧ.

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Матвей 22:29

Исус вочавидзис: «Гижӧдъяссӧ да Енлысь вынсӧ ті онӧ тӧдӧй, та вӧсна ылалӧмныд.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.