Еремей 30:8 - Коми Библия 2023

⁸ Сійӧ лунӧ, – висьталӧ Господь Саваоф, – Ме жугӧда налӧн сьылі вылысь сийӧссӧ, орӧда налысь кӧртӧдъяссӧ. Найӧ оз нин кутны кесъявны мукӧд войтырлы,

Еремей 30:8 Kruisverwysings

Псалтыр 107:14

Енмыскӧд ми вӧчам ыджыд уджъяс, миянӧс дзескӧдысьясӧс Сійӧ талялас.

Исай 10:27

Сійӧ лунӧ тіян пельпом вылысь усяс Ассурлӧн сьӧкыд нопйыс, тіян сьылі вылысь жугалас сылӧн сийӧсыс.

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд

Исай 14:25

Аслам му вылын Ме пасьварта Ассур тышкайӧзӧс, Аслам керӧсъяс вылын Ме таляла найӧс. Менам войтырӧй мынас Ассурлӧн сийӧс улысь, налӧн пельпом вылысь усяс сьӧкыд нопйыс.

Исай 14:3

Господь мездас тэнӧ сьӧкыдалӧмысь, полӧмысь да сьӧкыд нартитана уджысь. Сійӧ лунӧ

Исай 9:4

Найӧс личкысь сийӧссӧ Тэ жуглан, найӧс нӧйтысь бедьсӧ чегъялан, найӧс дзескӧдысьлысь орссӧ орйӧдлан, кыдзи вӧчин мадиан войтырӧс пасьвартан лунӧ.

Еремей 2:20

Ме важӧн нин жугӧді тэнсьыд сийӧстӧ, орйӧдлі тэнсьыд кӧртӧдъястӧ. Тэ шулін, мый он кут юрбитны идолъяслы, но став джуджыд керӧс вылын, быд пашкыр пу улын тэ куйлін кырсалысь ань моз.

Еремей 25:14

Вавилонсаяслы ковмас кесъявны вына войтыръяслы да ыджыд ӧксыяслы. Тадзи Ме мынтыся налы лёк вӧчӧмсьыныс».

Еремей 27:2

Господь меным тадзи висьталіс: «Вӧч кӧртӧдъяс да сийӧсъяс. Пукты сийӧссӧ аслыд сьылі вылад.

Еремей 27:7

Став войтыръясыс пондасны кесъявны сылы, сылӧн пиыслы да пиыслӧн пиыслы, кытчӧдз оз во кад, кор сійӧ аслас войтырыскӧд кутас кесъявны мукӧд войтыръяслы да вына ӧксыяслы.

Еремей 28:10

Хананей пророк босьтіс Еремей пророк сьылі вылысь сийӧссӧ да жугӧдіс.

Еремей 28:13

«Мун да шу Хананейлы, мый Господь тадзи висьталӧ: тэ жугӧдін пу сийӧс, но та пыдди тэ вӧчан кӧрт сийӧс.

Еремей 28:4

Иудаса Еконей ӧксыӧс, Ехоякимлысь писӧ, да ставнысӧ, кодъясӧс Иудаысь вӧлі нуӧдӧма пленӧ Вавилонӧ, Ме бӧр вайӧда тайӧ муас, – висьталӧ Господь, – ӧд Ме жугӧда вавилонса ӧксылысь сийӧссӧ».

Езекиль 30:18

Тафнис карын луныс пемдас, кор сэні Ме жугӧда Египетлысь сийӧссӧ. Сэки бырас Египетлӧн выныс, мыйӧн сійӧ ошйысьӧ. Кымӧр вевттяс карсӧ, и сэтысь нывъяссӧ нуӧдасны пленӧ.

Езекиль 34:27

Пуяс кутасны вайны вотӧс, муыс сетас ассьыс быдтас. Менам войтырӧй кутас повтӧг овны аслас му вылын. Ме жугӧда налӧн сьылі вылысь сийӧссӧ да мезда найӧс нартитысьяслӧн кипод улысь. Сэки найӧ тӧдмаласны, мый Ме – Господь.

Наум 1:13

Ӧні Ме босьта тэнад сьылі вылысь налысь сийӧссӧ да жугӧда сійӧс, орӧда тэнсьыд чепъястӧ.