Еремей 30:3 - Коми Библия 2023

³ Воасны лунъяс, – висьталӧ Господь, – кор Ассьым Израиль да Иуда войтыръясӧс Ме бӧр бергӧда пленысь. Господь висьталӧ: Ме бӧр вайӧда найӧс сійӧ муас, мый Ме сеті налӧн батьяслы. Найӧ бара босьтасны сійӧс аслыныс».

Еремей 30:3 Kruisverwysings

Ездра 3:1

Сизимӧд тӧлысьнас став Израиль войтыр локтіс асланыс каръясысь да чукӧртчис Ерусалимӧ.

Ездра 3:12

Олӧма попъяс, левитъяс да рӧдкутысьяс пиысь унаӧн, кодъяс аддзылісны воддза крамсӧ, выль крамлӧн подув вылӧ видзӧдӧмӧн сыркъялӧмӧн бӧрдісны, а мукӧдыс нимкодьнысла гораа горзісны.

Ездра 3:8

Ерусалимӧ Енлӧн крам вӧчанінӧ локтӧмсянь мӧд во мӧд тӧлысьнас Шеалтиэллӧн Зоровавель пиыс да Иоседеклӧн Исус пиыс, нӧшта налӧн вокъясыс – попъяс да левитъяс – да пленысь Ерусалимӧ локтӧмаяс босьтчисны вӧчны крам. Уджнас веськӧдлыны пуктісны кызь арӧса да ыджыдджык арлыда левитъясӧс.

Псалтыр 126:4

Том пияныд – вына морт киын ньӧвъяс кодьӧсь.

Псалтыр 53:6

Енмыс – меным отсӧг сетысьыс, Господь ёнмӧдӧ менсьым лолӧс.

Еремей 16:15

а кутасны кыв сетны ловъя Господь водзын, коді петкӧдіс Израиль войтырӧс войвыв муысь да мукӧд муясысь, кытчӧ Сійӧ вӧтліс найӧс. Ме бӧр вайӧда найӧс асланыс муӧ, мый Ме сеті налӧн батьяслы.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Еремей 27:11

Сійӧ войтырыслы, коді лэдзас аслас сьылі вылӧ пуктыны вавилонса ӧксылысь сийӧссӧ да пондас кесъявны сылы, Ме лэдза кольччыны аслас муӧ, – висьталӧ Господь. – Найӧ пондасны вӧдитны видз-му да овны сэні».

Еремей 27:22

ставсӧ тайӧс нуасны Вавилонӧ да колясны сэтчӧ сійӧ лунӧдзыс, кор Ме бара кута тӧждысьны тайӧ вӧчӧмторъясыс вӧсна, – висьталӧ Господь. – Сэки Ме ставсӧ бӧр бергӧда тайӧ карас».

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Еремей 29:14

и аддзанныд, – висьталӧ Господь. – Ме бӧр вайӧда тіянӧс пленысь, чукӧрта тіянӧс быд войтыр пӧвстысь, быд муысь, кытчӧ Ме вӧтлі тіянӧс, – висьталӧ Господь, – и бӧр вайӧда сэтчӧ, кытысь Ме мӧдӧді тіянӧс пленӧ.

Еремей 3:18

Сійӧ лунъясас Иудалӧн чужанкотыръясыс да Израильлӧн чужанкотыръясыс ӧтвылысь локтасны войвыв муысь сійӧ муас, мый Ме вичмӧді тіян батьяслы».

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Еремей 30:18

Господь тадзи висьталӧ: – Ме выльысь сувтӧда Яковлысь чомъяссӧ, бурсьӧлӧмтча сылӧн оланін дінӧ. Карсӧ выльысь лоӧ лэптӧма аслас керӧс вылӧ, изкарыс кутас сулавны аслас местаын.

Еремей 30:4

Со, Израиль да Иуда йылысь Господьлӧн кывъясыс.

Еремей 31:16

Господь тадзи висьталӧ: – Дугды бӧрднытӧ, тэнад синмысь мед оз визувт синваыд, ӧд уджъяссьыд тэныд лоӧ тырдон, – висьталӧ Господь, – тэнад челядьыд бергӧдчасны вӧрӧглӧн муысь.

Еремей 31:23

Господь Саваоф, Израильлӧн Ен, тадзи висьталӧ: «Кор Ме бӧр бергӧда Иуда войтырӧс пленысь, Иуда муын да иудаса каръясын бара кутасны шуавны: ”Мед Господь бурсиас тэнӧ, вежа керӧс, веськыдлуныслӧн оланін!”

Еремей 31:27

«Воасны лунъяс, – висьталӧ Господь, – кор Израиль да Иуда муын Ме рӧдмӧда йӧзӧс да пемӧсъясӧс.

Еремей 31:31

Воасны лунъяс, – висьталӧ Господь, – кор Ме кӧртала Израиль да Иуда войтыркӧд выль йитӧд.

Еремей 31:38

Воасны лунъяс, – висьталӧ Господь, – кор тайӧ карсӧ выльысь лоӧ лэптӧма Меным. Сійӧс лэптасны Хананел башнясянь Пельӧс дзиръяӧдз,

Еремей 32:37

тайӧ карас олысьясӧс Ме чукӧрта быд муысь, кытчӧ Ме вӧтла найӧс ёна лӧгалігӧн да скӧралігӧн. Ме бӧр вайӧда найӧс тайӧ карас, и найӧ кутасны повтӧг овны.

Еремей 32:44

эзысь вылӧ видз-му, аддзылысь-висьталысьяс дырйи кутасны гижавны видз-му ньӧбӧм йылысь кабалаяс да тупкыны найӧс сёйысь вӧчӧм печатьӧн. Тадзи кутасны вӧчны Венямин муын, Ерусалим кар гӧгӧрын, иудаса, негевса, керӧсвывса да керӧсбердса каръясын. Ӧд Ме бӧр бергӧда найӧс пленысь, – висьталӧ Господь».

Еремей 33:26

сідзи жӧ Ме ог ӧтдорт Яковсянь чужысьясӧс да Менам Давид кесйӧгсянь чужысьясӧс. Давид рӧдысь Ме кута бӧрйыны юралысьясӧс, медым веськӧдлыны Ӧвраамсянь, Исааксянь да Яковсянь чужысьясӧн. Ме бергӧда Ассьым войтырӧс пленысь да бурсьӧлӧмтча на дінӧ».

Еремей 51:60

Еремей гижис гижӧд тубрасӧ став сійӧ шогыс йылысь, мый суас Вавилонӧс,

Езекиль 20:42

Ті тӧдмаланныд, мый Ме – Господь, кор Ме вайӧда тіянӧс Израиль муӧ, мый киӧс лэптӧмӧн кӧсйыси сетны тіян батьяслы.

Езекиль 34:13

Ме вайӧда найӧс мукӧд войтыръяс пӧвстысь, чукӧрта найӧс мукӧд муясысь асланыс муӧ. Ме кута видзны найӧс Израиль керӧсъяс вылын да визувтысь ва дорын – быдлаын, кӧні найӧ кутасны овны.

Езекиль 36:24

Ме босьта тіянӧс мукӧд войтыръяс пӧвстысь, чукӧрта быд муысь да вайӧда асланыд муӧ.

Езекиль 47:14

Сетӧй быд чужанкотырлы ӧтыджда му. Ме киӧс лэптӧмӧн кӧсйыси сетны тайӧ мусӧ тіян батьяслы, та вӧсна сійӧ вичмас тіянлы.

Йоиль 3:1

– Сійӧ лунъясӧ Ме бара сета Иудалы да Ерусалимлы воддза кодьыс бур олӧм.

Софоний 2:7

Сійӧ муыс вичмас Иуда чужанкотырлӧн коляслы, сэні найӧ пондасны видзны ыж-мӧснысӧ, войнас найӧ пондасны узьны-шойччыны аскалонса керкаясын. Ӧд Господь Ен кутас тӧждысьны на вӧсна, Сійӧ бара сетас налы бур олӧм.

Софоний 3:20

Сійӧ кадас Ме чукӧрта тіянӧс да бӧр вайӧда гортаныд. Ме нимӧда тіянӧс, и войтыръяс кутасны ошкыны тіянӧс, кор бара сета тіянлы бур олӧм. Асланыд синмӧн ті аддзанныд тайӧс, – висьталӧ Господь.

Лука 17:22

Исус шуис велӧдчысьясыслы: «Воас кад, кор ті кӧсъянныд аддзывны Морт Пилӧн лунъясысь ӧтиӧс, но онӧ аддзылӧй.

Лука 19:43

Воас лун, кор тэнад вӧрӧгъяс лэптасны тэ гӧгӧр тымӧд, кытшаласны тэнӧ да быд боксянь дзескӧдасны.

Лука 21:6

«Воас лун, татчӧ из вылӧ из оз коль, ставсӧ жугӧдасны».

Индӧд 30:3

сэки Господь, тіян Енныд, бурсьӧлӧмтчас тіян дінӧ да вайӧдас тіянӧс пленысь. Господь, тіян Енныд, чукӧртас тіянӧс мукӧд войтыръяс пӧвстысь, кытчӧ разӧдліс тіянӧс.

Индӧд 30:5

да вайӧдас батьясныдлӧн муӧ, и ті бара босьтанныд сійӧс аслыныд. Сійӧ вӧчас тіянлы бурсӧ, батьясныдлы дорысь тіянлы унджык чужысьӧс сетас.

Еврейяслы 8:8

Но Енмыс аддзис йӧзлысь кывзысьтӧмлунсӧ, та вӧсна шуис налы: – Воасны лунъяс, – висьталӧ Господь, – кор Ме кӧртала Израиль да Иуда войтыркӧд выль йитӧд.