Еремей 30:24 - Коми Библия 2023

²⁴ Господьлӧн яр скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті гӧгӧрвоанныд тайӧс.

Еремей 30:24 Kruisverwysings

Олӧм 49:1

Яков корис ассьыс пиянсӧ да шуис: – Чукӧртчӧй, ме висьтала, мый виччысьӧ тіянӧс быдӧнӧс.

Исай 14:24

Господь Саваоф кыв сетӧмӧн шуис: – Ставыс лоӧ сідзи, кыдзи Ме мӧвпышті. Менам шуӧмӧй збыльмас.

Исай 46:11

Асыввывсянь Ме чукӧсті варышӧс, ылі муысь Ме чукӧсті сійӧс, коді збыльмӧдас Менсьым мӧвпыштӧмӧс. Ме шуи, и вӧча тайӧс, Ме мӧвпышті, и вайӧда помӧдз.

Еремей 23:19

Со, Господьсянь кыпӧдчӧ ыджыд тӧвныр, Сылӧн скӧрлуныс локтӧ тӧвныр моз, гартчӧ лёк вӧчысьяслӧн юр весьтын.

Еремей 23:20

Господьлӧн скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті тырвыйӧ гӧгӧрвоанныд тайӧс.

Еремей 4:28

Муыс пондас бӧрдны, выліын енэжыс пемдас. Ме шуи тадзи, и ог веж Ассьым кывйӧс.

Еремей 4:8

Та вӧсна пасьталӧй ассьыныд шогалан паськӧмнытӧ, сыркъялӧй-бӧрдӧй, ӧд Господьлӧн яр скӧрлуныс абу вешйӧма миян дінысь.

Еремей 48:47

Но бӧръя лунъясӧ Ме бергӧда моав войтырӧс пленысь, – висьталӧ Господь. Та вылын помасьӧ Моавӧс мыждӧм.

Еремей 49:37

Ме шӧйӧвошта эламсаясӧс налӧн вӧрӧг водзын, коді кӧсйӧ босьтны налысь олӧмсӧ. Ме мӧдӧда на вылӧ шог, кисьта на вылӧ Ассьым яр скӧрлунӧс, – висьталӧ Господь. – Ме вӧтла найӧс шыпуртӧн, дзикӧдз бырӧда найӧс.

Еремей 49:39

Но бӧръя лунъясӧ Ме бергӧда эламсаясӧс пленысь, – висьталӧ Господь.

Бӧрданкыв 1:12

Туй вывті ветлысь-мунысьяс, тіянкӧд тадзи мед оз ло! Видзӧдлӧй, эм-ӧ менам кодь дойыс, кутшӧм менӧ суис! Господь ыстіс меным сійӧс Аслас скӧралан лунӧ.

Езекиль 38:16

Бӧръя лунъясӧ тэ, Гог, уськӧдчан Менам Израиль войтыр вылӧ, кымӧр моз вевттян налысь мусӧ. Ме вайӧда тэнӧ Аслам муӧ, медым войтыръяс тӧдмаласны Менӧ. Тэ пыр Ме петкӧдла Ассьым вежалунӧс войтыръяслӧн син водзын.

Даниил 10:14

Ӧні ме локті, медым юӧртны тэныд, мый лоӧ тэнад войтырыдкӧд бӧръя кадӧ. Ӧд сійӧ, мый тэ аддзылін, висьталӧ бӧръя кад йылысь».

Даниил 2:28

Но енэжас эм Ен, коді восьтӧ гусяторъяс. Сійӧ петкӧдліс Навукодоносор ӧксылы, мый лоӧ бӧръя кадӧ. Со мый тэ аддзылін вӧтнад, кор тэ куйлін вольпасяд.

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Микей 4:1

Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс.

Лыд 24:14

Со, ме муна аслам войтыр дінӧ. Ӧні тэ кывзы, и ме висьтала, мый Израиль войтыр вӧчас тэнад войтырлы локтана кадӧ».

Индӧд 31:29

Ме тӧда, мый менам кулӧм бӧрын ті сетчанныд лёкас, кежанныд туйсьыс, кытчӧ ме веськӧді тіянӧс. Локтана кадӧ тіянӧс суасны шогъяс, ӧд ті кутанныд вӧчны Господь [Ен] водзын шогмытӧмсӧ. Асланыд уджъясӧн ті дӧзмӧданныд Господьӧс».

Индӧд 4:30

Шогыс да сьӧкыдалӧмыс суӧм бӧрын ті бӧр бергӧдчанныд Господь Енныд дінӧ да кутанныд кывзысьны Сылысь.

Ӧксыяслӧн 1 небӧг 3:12

Сійӧ лунӧ Ме водзысяньыс помӧдзыс збыльмӧда ставсӧ, мый шулі Илий да сылӧн рӧд йылысь.