Еремей 3:7 - Коми Библия 2023

⁷ Ме чайті, мый тадзи вӧчӧм бӧрас сійӧ бергӧдчас Ме дінӧ, но сійӧ эз бергӧдчы. Ставсӧ тайӧс аддзыліс Иуда войтыр, сылӧн ылӧдчысь чойыс.

Еремей 3:7 Kruisverwysings

2 Каднебӧг 17:4

а корсис аслас батьыслысь Енсӧ да оліс Енлӧн тшӧктӧмъяс серти, а эз израильсаяс моз.

Еремей 12:1

– Господьӧй, кор ме вая ассьым могӧс Тэ водзӧ, Тэ веськыда вӧчан. Но ме юала Тэнсьыд веськыда мыждӧм йылысь. Мыйла лёк вӧчысьяслӧн ставыс артмӧ, мыйла Енсӧ эновтысьяс бура олӧны?

Еремей 33:24

«Тэ ӧмӧй он аддзы, мый тайӧ йӧзыс шуалӧны, Господь пӧ ӧтдортіс сійӧ кык чужанкотырсӧ, кодӧс водзынджык бӧрйис. Тадзи найӧ увтыртӧны Менсьым войтырӧс, весиг войтырӧн оз лыддьыны.

Еремей 5:11

Израиль войтыр да Иуда войтыр эновтісны Менӧ, – висьталӧ Господь. –

Езекиль 16:46

Ыджыд чойыд – Самария, коді олӧ аслас нывъясыскӧд тэсянь войвылын. А ичӧтджык чойыд – Содом, коді олӧ аслас нывъясыскӧд тэсянь лунвылын.

Езекиль 16:47

Тэ ветлін налӧн туйӧд, тэнад уджъясыд вӧліны налӧн кодь зывӧкӧсь. Но тайӧ тэныд вӧлі этша на, и тэ наысь унджык пежсӧ вӧчин.

Осий 11:7

Менам войтыр пыр бергӧдчӧ Меысь. Налы шуӧны: «Шыасьӧй Медвылыссаыс дінӧ», но найӧ оз шыасьны, оз нимӧдны-кыпӧдны Менӧ.

Осий 14:1

Самарияӧс лоӧ мыждӧма, ӧд сійӧ кыпӧдчис аслас Енлы паныд. Сылӧн йӧзыс усясны шыпурт помысь, кагаяссӧ налысь виаласны, нӧбасьысьяслысь кынӧмсӧ вожӧдасны.

Амос 4:8

Кык-ӧ-куим карысь йӧзыс ветлісны орчча карӧ, медым ва юны, сӧмын пӧттӧдзныс юны налы эз вӧв ваыс. Но ті энӧ бергӧдчӧй Ме дінӧ, – висьталӧ Господь. –

Малакий 2:11

Иуда войтыр пӧръясьӧ, Израиль муын да Ерусалим карын вӧчсьӧны зывӧкторъяс. Господь радейтӧ Ассьыс вежаинсӧ, но Иуда войтыр пежаліс Сылысь вежаинсӧ, ӧтувтчис идолкӧд.