Еремей 29:26 - Коми Библия 2023

²⁶ ”Софоний, Господь пуктіс тэнӧ попӧ Иодай поп пыдди, медым Господьлӧн крамын тэ видзӧдін йӧйталысьяс бӧрся, кодъяс кӧсйӧны пророкавны, дорин найӧс чепъясӧн да топӧдін кокнысӧ тшемилӧ костӧ.

Еремей 29:26 Kruisverwysings

Ӧксыяслӧн 4 небӧг 11:15

Иодай поп ӧлӧдіс тышкайӧзӧн веськӧдлысьясӧс Господьлӧн крамын Аталияӧс виӧмысь. Сійӧ тшӧктіс веськӧдлысьяслы петкӧдны Аталияӧс крамысь, а быдӧнӧс, коді мунас Аталия бӧрся, тшӧктіс вины шыпуртӧн.

Ӧксыяслӧн 4 небӧг 11:18

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас. Иодай поп индіс йӧзӧс видзны Господьлысь крамсӧ.

Ӧксыяслӧн 4 небӧг 9:11

Кор Еху бӧр бергӧдчис ӧксылӧн киподувса веськӧдлысьяс дінӧ, найӧ юалісны сылысь: «Ставыс-ӧ тэнад бур? Мыйла воліс тэ дінӧ тайӧ выжывыс?» Еху вочавидзис: «Ті ӧд асьныд тӧданныд, мыйсяма тайӧ морт, и мый сійӧ вермас висьтавны».

2 Каднебӧг 16:10

Аса ёна скӧрмис пророк вылӧ да йӧртіс сійӧс дзескыдінӧ. Войтырысь ӧткымынӧс Аса тшӧтш дзескӧдіс сійӧ кадас.

2 Каднебӧг 18:26

Шуӧй налы, мый ӧксы тшӧктӧ йӧртны Микейӧс дзескыдінӧ да сетны сылы сӧмын нянь да ва, кытчӧдз ӧксы бӧр оз лок тыш вылысь».

Еремей 29:27

Сідзкӧ, мыйла он ӧлӧд Анатотысь Еремейӧс, медым сійӧ дугдіс пророкавны тіян пӧвстын?

Еремей 38:28

Еремей оліс ӧксы керка видзысьяслӧн йӧрын сійӧ лунӧдзыс, кор калдеяса тышкайӧз босьтісны Ерусалим кар.

Еремей 38:6

Найӧ босьтісны Еремейӧс да гезйӧн лэдзисны сійӧс Малкийлӧн юкмӧсӧ. Малкий вӧлі ӧксылӧн пиыс, и сылӧн юкмӧсыс сулаліс ӧксы керка видзысьяслӧн йӧрын. Ваыс сэні эз вӧв, вӧлі сӧмын нюйт. Еремей вӧйис тайӧ нюйтас.

Осий 9:7

Воис мыждан лун, матысмис мынтысян лун – Израиль мед тӧдӧ тайӧс. Ме, пророк, лои вежӧртӧм, ӧд ті уна лёк вӧчанныд, ме, Ловсянь сёрнитысь, лои йӧй, ӧд ті пыр меным паныд сувтанныд.

Закар 13:1

Сійӧ лунӧ Давид рӧдлы да Ерусалимын олысьяслы воссяс ва петанін, медым мыськавны найӧс мыжысь да пежысь.

Матвей 21:23

Исус локтіс крамӧ. Сэні велӧдігас Сы дінӧ матыстчисны аркирейяс да юрнуӧдысьяс. Найӧ юалісны: «Кутшӧм вынӧн Тэ ставсӧ тайӧс вӧчан? Коді Тэнӧ пуктіс тайӧс вӧчнысӧ?»

Марк 3:21

Та йылысь кылісны Исуслӧн матыссаясыс. Найӧ локтісны Сыла, ӧд сёрнитісны, Сійӧ пӧ абу Ас вежӧрас.

Иоан 10:20

Унаӧн на пӧвстысь шуалісны: «Сійӧс пеж лов кутӧма, Сійӧ йӧйталӧ. Мыйла Сійӧс кывзанныд?»

Иоан 10:33

Иудейяс вочавидзисны: «Огӧ бур уджысь Тэнӧ изъялӧй, изъялам Енмӧс омӧльтӧмысь. Тэ морт, а Енмӧ пуксян».

Иоан 8:53

Тэ ӧмӧй Ӧвраам батьным дорысь ыджыдджык? Сійӧ куліс, пророкъяс тшӧтш кулісны. А Тэ нӧ Асьтӧ код туйӧ пуктан?»

Ап. уджъяс 16:24

Сійӧ тойыштіс найӧс медпыдіас да топӧдіс кокъяснысӧ тшемилӧ костӧ.

Ап. уджъяс 26:11

Ме унаысь чорыда нӧйтлі найӧс синагогаясын, медым найӧ омӧльтісны Исусӧс. Ме вӧлі тырӧма скӧрлунӧн, вӧтлыси на бӧрся весиг мукӧд каръясӧдз.

Ап. уджъяс 26:24

Кор Павел тадзи дорйысис, Фест гораа шуис: «Тэ дзикӧдз йӧймӧмыд, Павел! Ыджыд тӧдӧмлуныд вӧсна вежӧртӧ воштӧмыд».

Ап. уджъяс 26:25

Павел шуис: «Ме эг йӧймы, пыдди пуктана Фест. Ме бур мывкыдсянь висьтала збыльсӧ.

Ап. уджъяс 4:1

Кор Петыр да Иоан сёрнитісны йӧзыскӧд, на дінӧ матыстчисны попъяс, крам видзысьяслӧн веськӧдлысьыс да саддукейяс.

Ап. уджъяс 5:18

Найӧ босьтісны апостолъясӧс да йӧртісны дзескыдінӧ.

Ап. уджъяс 5:24

Тайӧс кылӧмысь крам видзысьяслӧн веськӧдлысь да аркирейяс шай-паймунісны, кыдзи пӧ тайӧ вермис лоны.

Восьтӧм 2:10

Некутшӧм локтана сьӧкыдысь эн пов. Ӧткымынӧс тіян пиысь омӧльыс йӧршитас дзескыдінӧ, медым тӧдмавны тіянӧс. Сэки дас лун чӧж ті кутанныд сьӧкыдавны. Но тэ помӧдзыс ло эскана, и Ме сета тэныд Олӧмыслысь юркытш!