Еремей 26:2 - Коми Библия 2023

² «Господь тадзи висьталӧ: сувт Господьлӧн крам йӧрас. Иуда каръясысь олысьяс кор локтасны сэтчӧ, медым юрбитны Господьлӧн крамын, висьтав налы ставсӧ, мый Ме тшӧкта тэныд висьтавны, нинӧм эн чинты.

Еремей 26:2 Kruisverwysings

Еремей 1:17

Но тэ чеччы, вӧнясь да висьтав Иуда муын олысьяслы ставсӧ, мый Ме тшӧкта тэныд. Эн пов наысь. А повзян кӧ, сэки Ме повзьӧда тэнӧ налӧн син водзын.

Еремей 1:7

Но Господь шуис меным: – Эн шу, мый тэ том на, а мун, кытчӧ Ме мӧдӧда тэнӧ, висьтав, мый Ме тшӧкта тэныд.

Еремей 19:14

Еремей бӧр локтіс Тофетысь, кытчӧ Господь мӧдӧдліс сійӧс пророкавны. Сэсся сійӧ сувтіс Господьлӧн крам йӧрӧ да шуис став войтырыслы:

Еремей 23:28

Пророк, коді аддзыліс вӧт, мед висьталӧ сійӧс вӧтӧс моз, а пророк, кодлы вӧлі Месянь кыв, мед висьталӧ Менсьым кывйӧс веськыда». Позяс-ӧ идзас ӧткодявны шобді туськӧд? – висьталӧ Господь. –

Еремей 25:2

Со мый Еремей пророк висьталіс став Иуда войтырыслы да Ерусалимын став олысьыслы:

Еремей 28:5

Но Еремей пророк вочавидзис Хананей пророклы попъяс да став войтырыс дырйи, кодъяс сулалісны Господьлӧн крамын.

Еремей 36:10

Господьлӧн крамын, Гемарийлӧн вежӧс бердын, Барук лыддис став войтырыслы гижӧд тубрасысь Еремейлысь кывъяссӧ. Гемарий вӧлі ӧксылӧн гижалысь Шафанлӧн пи. Гемарийлӧн вежӧсыс вӧлі крамбердса вылыс йӧрын, крамӧ пыран выль дзиръя дорын.

Еремей 42:4

Еремей пророк вочавидзис налы: «Ме кылі тіянӧс, ме кевмыся Господьлы, тіян Енлы, тіян корӧмныд серти. Ставсӧ, мый Господь висьталас, ме юӧрта тіянлы, ог дзеб тіянысь ни ӧти кыв».

Еремей 7:2

«Сувт Господьлӧн крам дзиръя дорӧ да юӧрт сэні, мый Ме висьтала. Кывзӧй Господьлысь кывсӧ, Иуда муын олысьяс, кодъяс ветланныд тайӧ дзиръяӧд копыртчыны Господьлы.

Еремей 7:27

Кор тэ висьталан тайӧ войтырыслы став тайӧ кывъяссӧ, найӧ оз кывзыны тэнӧ. Кор тэ чукӧстан найӧс, найӧ оз вочавидзны.

Езекиль 3:10

Сійӧ шуис меным: «Морт пиӧй, кывзы Менсьым кывъясӧс, сибӧд сьӧлӧмад, мый Ме висьтала.

Езекиль 33:7

Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Езекиль 40:4

Сійӧ шуис меным: «Морт пиӧй, бура видзӧд, сюся кывзы да босьт тӧд вылад ставсӧ, мый ме петкӧдла тэныд. Дзик та вӧсна тэнӧ татчӧ вайӧдӧма. Ставсӧ, мый аддзылан, висьтав Израиль войтырлы».

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Лука 19:47

Исус быд лун велӧдіс крамын. Аркирейяс, Индӧдӧ велӧдысьяс да веськӧдлысьяс кӧсйисны вины Сійӧс.

Иоан 18:20

Исус вочавидзис: «Ме ставсӧ висьтавлі восьсӧн. Ме велӧді иудейясӧс синагогаясын да крамын, кӧні найӧ пыр чукӧртчывлӧны. Ме нинӧм эг висьтавлы гусьӧн.

Иоан 8:2

Асывводзнас Сійӧ бара локтіс крамӧ. Сы гӧгӧр чукӧртчис уна йӧз. Исус пуксис да кутіс велӧдны найӧс.

Ап. уджъяс 20:20

Йӧз водзын да тіян гортъясын велӧдігӧн ме висьталі тіянлы став коланасӧ.

Ап. уджъяс 20:27

ме ӧд ланьтлытӧг висьтавлі тіянлы Енлысь став кӧсйӧмсӧ.

Ап. уджъяс 5:25

Сэки локтіс ӧти морт да висьталіс, дзескыдінӧ йӧртӧмаясыд пӧ крамынӧсь, йӧзсӧ велӧдӧны.

Ап. уджъяс 5:42

Быд лун крамын да гортъясаныс найӧ велӧдісны да висьтавлісны Исус Кристос йылысь Бур Юӧр.

Индӧд 12:32

Вӧчӧй сійӧс, мый ме тшӧкта тіянлы, нинӧм энӧ содтӧй сэтчӧ да нинӧм энӧ чинтӧй сэтысь».

Индӧд 12:5

Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Индӧд 4:2

Тайӧ тшӧктӧмъясыс дінӧ, мый ме [талун] висьтала тіянлы, нинӧм энӧ содтӧй да сэтысь нинӧм энӧ чинтӧй. Олӧй асланыд Господь Енлӧн тшӧктӧмъяс серти.

Нав Исус 8:35

Кор Исус ставсӧ лыддис Израиль войтырлы, сійӧс кывзісны айулов, аньяс да челядь, тшӧтш на пӧвстын олысь йӧз муысь локтысьяс. Ставсьыс, мый Мӧисей тшӧктіс, весиг ӧти кыв эз коль лыддьытӧг.

Восьтӧм 22:19

Коді чинтас мыйкӧ тайӧ небӧгас водзвыв висьталӧмсьыс, сылысь нимсӧ Енмыс вуштас Олӧмыслӧн небӧгысь, сылӧн оз ло пайыс вежа карын да сыын, мый йылысь гижӧма тайӧ небӧгас.