Еремей 25:15 - Коми Библия 2023

¹⁵ Господь, Израильлӧн Ен, меным тадзи висьталіс: «Босьт Менам киысь вина чашасӧ, коді тырӧма Менам скӧрлунӧн, да юктӧд сэтысь став войтыръяссӧ, кодъяс дінӧ Ме мӧдӧда тэнӧ.

Еремей 25:15 Kruisverwysings

Иов 21:20

Лёк вӧчысь мед аслас синмӧн аддзылас шогсӧ, олігас мед ачыс юас Ставсӧвермысьлысь скӧрлунсӧ.

Псалтыр 11:6

Но Господь висьталӧ: «Ме сувта, медым мездыны коньӧръясӧс дзескӧдӧмысь, медым отсавны гӧльяслы налӧн шог дырйи. Доръя сійӧс, кодӧс кӧсйӧны кыйны».

Псалтыр 60:3

Му пельӧссянь ме шыася Тэ дінӧ шогсян сьӧлӧмӧн. Нуӧд менӧ изкырта вылӧ, кытчӧ ачым ме ог вермы кайнысӧ.

Псалтыр 75:8

Енмӧй, Тэ повзьӧдана! Тэнад скӧралігӧн коді вермас сулавны Тэ водзын?

Псалтыр 75:9

Енэжсянь Тэ юӧртан мыждӧмтӧ. Муыс повзьӧ да чӧв ланьтӧ,

Исай 14:26

Господьлӧн татшӧм шуӧмыс став муюгыдыс йылысь, Сылӧн киыс нюжӧдӧма став войтыръяс вылӧ.

Исай 34:2

Господь скӧрмӧма став войтыръяс вылӧ, Сійӧ лӧгалӧ налӧн тышкайӧз вылӧ. Господь шуис дзикӧдз бырӧдны найӧс, лэдзис найӧс начкыны.

Исай 51:17

Садьмы, садьмӧдчы, чеччы, Ерусалим! Господьлӧн киысь тэ босьтін Сылысь скӧрлуна дозсӧ, юин сэтысь, юин кушӧдзыс да кутін довъявны.

Исай 51:22

Тэнад Ыджыдыд, Господь Енмыд, коді дорйӧ Ассьыс войтырсӧ, тадзи висьталӧ: – Со, Ме босьта тэнад киысь чашасӧ, Ассьым скӧрлуна дозйӧс. Сэтысь юӧмысь тэ довъялін, но водзӧ сэтысь он нин кут юны.

Исай 51:23

Ме сета сійӧс нартитысьяслы, кодъяс тшӧктісны тэныд нюжӧдчыны му вылас, медым мунны тэ вывті, кодъяс вӧчисны тэнсьыд мышкутӧ кокув муӧн, ветлысь-мунысьяслы туйӧн.

Еремей 1:5

– Сыӧдз, кор Ме вӧчи тэнӧ мам кынӧмад на, Ме вӧлі тӧда нин тэнӧ. Сыӧдз, кор Ме вӧчи тэнӧ, мам кынӧмсьыд петтӧдз на, Ме вежӧді тэнӧ, пукті тэнӧ войтыръяслы пророкӧ.

Еремей 36:2

«Босьт гижӧд тубрас да гиж сэтчӧ ставсӧ, мый Ме висьтавлі тэныд Израиль войтыр йылысь, Иуда войтыр йылысь да став войтыръяс йылысь сійӧ лунсяньыс, кор Ме шыасьлі тэ дінӧ Иосейлӧн веськӧдлан кадӧ да ӧніӧдз.

Еремей 43:11

Сійӧ локтас да пазӧдас Египет му. Кодлы шуӧма кувны, сійӧ кулас. Кодлы шуӧма пленӧ мунны, сійӧ пленӧ мунас. Кодлы шуӧма шыпуртысь кувны, сійӧ шыпуртысь кулас.

Еремей 45:5

Тэ коран аслыд унатор. Дугды корнытӧ, ӧд Ме мӧдӧда шог став йӧзыслы, – висьталӧ Господь, – но тэнсьыд олӧмтӧ Ме видза быдлаын, кытчӧ тэ мунан”».

Еремей 46:1

Еремей пророклы вӧлі мукӧд войтыръяс йылысь Господьсянь кыв.

Еремей 48:26

Юктӧдӧй Моавӧс коддзытӧдзыс, ӧд сійӧ кыпӧдчис Господьлы паныд. Мед сійӧ туплясяс аслас вос пытшкын, мед ачыс лоӧ серамтуйын.

Еремей 49:12

Господь тадзи висьталӧ: «Тайӧ чашасьыс кутасны юны весиг найӧ, кодъясӧс абу мыждӧма сэтысь юны. Эдом, тэ ӧмӧй мыждытӧг колян? Он коль, тэныд ковмас юны тайӧ чашасьыс.

Еремей 51:7

Господь киын Вавилон вӧлі зарни чашаӧн, Вавилон юктӧдіс му вылын олысь став йӧзсӧ. Войтыръяс юисны сэтысь вина да воштісны вежӧрнысӧ.

Езекиль 23:32

Господь Ыджыдыс тадзи висьталӧ: тэ кутан юны чойыдлӧн чашаысь, джуджыд да паськыд дозйысь. Чашаыс тырӧма сералӧмӧн да лёкӧдӧмӧн.

Езекиль 23:33

Тэ коддзан, тыран шогӧн, ӧд Самария чойыдлӧн чашаыс – повзьӧдана да бырӧдана.

Езекиль 29:12

Египет муӧс Ме вӧча кушмӧм муяс пӧвстын овтӧминӧн. Сылӧн каръясын нелямын во чӧж оз ло олысьыс. Найӧ лоӧны мукӧд пазӧдӧм каръяс кодьӧсь. Ме разӧда египетса войтырӧс мукӧд войтыръяс пӧвстӧ, шердъя найӧс мукӧд муясӧ.

Езекиль 36:5

Господь Ыджыдыс тадзи висьталӧ: Аслам ыпъялан скӧрлунӧн Ме сёрнита Эдом войтырлы паныд да мукӧд войтыръяслы паныд. Менсьым муӧс найӧ босьтісны аслыныс, лӧгпырысь нимкодясьӧмӧн да мустӧмтӧмӧн куштісны сійӧс.

Авдий 1:16

Кыдзи Менам вежа керӧс вылын ті юинныд Менам скӧрлуна дозйысь, тадзи войтыръяс век кутасны юны Менам скӧрлуна дозйысь. Найӧ пӧттӧдзныс юасны да бырасны, быттьӧ найӧ эз и вӧвны.

Аввакум 2:16

Тэ пӧтмӧныд яналан, ошкӧмыс тэныд оз ло. Ӧні ю – мед пасьтӧгыд тэнӧ аддзасны. Господь кисьтас Ассьыс скӧрлуна дозсӧ тэ вылӧ, нималӧм пыдди тэныд лоӧ яналӧм.

Восьтӧм 14:10

сійӧ кутас юны Ен скӧрлуна вина, соравтӧм вина, кодӧс сулӧдӧма Ен скӧрлуна дозйын. Сійӧ кутас мучитчыны биын да сотчысь тэгйын вежа анделъяс водзын да Баля водзын.

Восьтӧм 14:19

Андел шыбитіс ассьыс чарласӧ му вылӧ да вундіс му вылысь виноград розъяссӧ. Сійӧ шыбитіс найӧс ыджыд гуӧ, Ен скӧрлуна пычкан гуӧ.