Еремей 24:1 - Коми Библия 2023

¹ Вавилонса Навукодоносор ӧксы нуӧдіс Ерусалимысь Вавилонӧ пленӧ иудаса Еконей ӧксыӧс, Ехоякимлысь писӧ, тшӧтш иудаса юралысьясӧс, пуысь да кӧртысь вӧчасьысьясӧс. Та бӧрти Господь петкӧдліс меным инжир тыра кык чуман, мый вӧлі пуктӧма Господьлӧн крам водзӧ.

Еремей 24:1 Kruisverwysings

Ӧксыяслӧн 4 небӧг 24:10

Сійӧ кадас вавилонса Навукодоносор ӧксылӧн тышкайӧзыс уськӧдчисны Ерусалим вылӧ да кытшалісны сійӧс.

2 Каднебӧг 36:10

Во заводитчигас Навукодоносор ӧксы мӧдӧдіс ассьыс йӧзсӧ, медым вайӧдны Еконейӧс Вавилонӧ. Господьлӧн крамысь Вавилонӧ нуисны дона дозмук-кӧлуй. Иудаын да Ерусалимын юравны Навукодоносор пуктіс Еконей рӧдысь Седекейӧс.

Исай 13:1

Вавилон йылысь водзвыв висьталӧм. Енмыс петкӧдліс тайӧс Амослӧн Исай пилы.

Еремей 13:19

Негевын пӧдлалӧмаӧсь кар дзиръяяссӧ, некодлы найӧс восьтнысӧ. Иуда войтырӧс нуӧдӧны пленӧ, ставнысӧ ӧтитӧг босьтӧмаӧсь.

Еремей 28:4

Иудаса Еконей ӧксыӧс, Ехоякимлысь писӧ, да ставнысӧ, кодъясӧс Иудаысь вӧлі нуӧдӧма пленӧ Вавилонӧ, Ме бӧр вайӧда тайӧ муас, – висьталӧ Господь, – ӧд Ме жугӧда вавилонса ӧксылысь сийӧссӧ».

Еремей 29:1

Еремей пророк мӧдӧдіс Ерусалимысь гижӧд пленӧ нуӧдӧм войтырлӧн юрнуӧдысьяслы, попъяслы, пророкъяслы да став войтырыслы, кодъясӧс Навукодоносор нуӧдіс Ерусалимысь Вавилонӧ.

Еремей 29:2

Еконей ӧксыӧс, ӧксылысь мамсӧ, ыджыд чина йӧзӧс, иудаса да ерусалимса юралысьясӧс, пуысь да кӧртысь вӧчасьысьясӧс Ерусалимысь нуӧдӧм бӧрын

Еремей 37:1

Ехоякимлӧн Еконей пи пыдди вавилонса Навукодоносор ӧксы пуктіс Иуда муын ӧксыӧ Иосейлысь Седекей писӧ.

Езекиль 17:4

нетшыштіс медвылыс петассӧ, лэбӧдіс сійӧс Ханаан муӧ, пуктіс вузасьысьяслӧн карӧ.

Езекиль 19:9

Сійӧс дорисны чептӧн да пуксьӧдісны клеткаӧ, вайӧдісны вавилонса ӧксы дінӧ, йӧртісны изкарса дзескыдінӧ, медым израильса керӧсъяс вылын эз нин кыв сылӧн равзӧм шыыс.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Амос 7:1

Со мый петкӧдліс меным Господь Ыджыдыс. Сійӧ вӧчис саранча чукӧр буретш сэки, кор ӧксылысь турунсӧ вӧлі ытшкӧма, и петіс выль турун.

Амос 7:4

Со мый петкӧдліс меным Господь Ыджыдыс. Сійӧ мӧдӧдіс мыждӧм могысь би. Биыс ньылыштіс пыдӧстӧм йирлысь васӧ да мулысь юкӧнсӧ.

Амос 7:7

Со мый петкӧдліс меным Господь Ыджыдыс. Сійӧ сулаліс карса стен вылын, киас кутіс изъя кӧв.

Закар 1:20

Сэсся Господь петкӧдліс меным нёль дорччысьӧс.

Закар 3:1

Сэсся Господь петкӧдліс меным Исус нима аркирейӧс, коді сулаліс Господьлӧн андел водзын. Исуслӧн веськыдладорын сулаліс сӧтана да мыжаліс сійӧс.