Еремей 22:3 - Коми Библия 2023

³ Господь тадзи висьталӧ: олӧй веськыда да мыждӧй збыльыс серти, увтыртӧмаӧс мездӧй дзескӧдысьлӧн киысь. Йӧз муысь локтысьӧс, батьтӧм-мамтӧмӧс да дӧваӧс энӧ увтыртӧй да энӧ дзескӧдӧй, мыжтӧм мортлысь вирсӧ тайӧ муас энӧ кисьтӧй.

Еремей 22:3 Kruisverwysings

Ӧксыяслӧн 2 небӧг 23:3

Израильлӧн Ен сёрнитіс мекӧд, Израильӧс Дорйысь шуис: «Веськыда ыджыдалысь, Енмысь полӧмӧн юралысь

Ӧксыяслӧн 4 небӧг 24:4

Манассей кисьтіс мыжтӧм йӧзлысь вирсӧ сы мында, мый Ерусалим тырис вирӧн. Та вӧсна Господь эз прӧстит сійӧс.

Иов 22:9

Дӧваясӧс тэ ыстылін куш киӧн, батьтӧм-мамтӧмъясӧс кольлін нинӧмтӧг.

Иов 24:9

Ентӧг олысьяс торйӧдӧны батьтӧг кольӧм кагаӧс мам морӧс бердысь, гӧльлы уджйӧзӧн сетӧмысь босьтӧны сылысь кагасӧ.

Псалтыр 68:5

Помкатӧг менӧ мустӧмтысьыс унджык менам юрси дорысь, менӧ дзескӧдысьяс ёнмӧдчӧны, меным ковмас сетны весиг сійӧ, мый эг босьтлы налысь.

Псалтыр 82:4

Найӧ сёрнитчӧны лёк вӧчны Тэнад войтырлы – налы, кодъясӧс Тэ видзан.

Псалтыр 94:6

Локтӧй да копыртчамӧй Господь водзӧ, сувтамӧй пидзӧс выланым миянӧс Вӧчысь водзӧ.

Петӧм 22:21

Энӧ дзескӧдӧй-кедзовтӧй йӧз муысь локтысьӧс, ӧд ті асьныд вӧлінныд локтысьясӧн Египет муын.

Петӧм 22:22

Дӧваясӧс да батьтӧм-мамтӧмъясӧс энӧ дзескӧдӧй.

Шусьӧгъяс 23:10

Важысянь пуктӧм мудор пассӧ эн вешты, батьтӧм-мамтӧмлысь мусӧ эн мырддьы,

Шусьӧгъяс 6:17

ыкша син, пӧръясьысь кыв, мыжтӧмлысь вир кисьтысь ки,

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Исай 58:6

Ме кӧсъя татшӧм видзалӧм: орӧд ылӧгыслысь кӧртӧдъяссӧ, разь сийӧслысь гӧрӧдъяссӧ, мезды нартитӧмаӧс, жугӧд быдпӧлӧс сийӧссӧ,

Исай 58:7

тшыгъялыськӧд юк няньтӧ, коньӧр шӧйтысьӧс вайӧд гортад, пасьтӧмӧс пасьтӧд, рӧдвужыдлӧн отсӧг корӧмысь эн бергӧдчы.

Еремей 19:4

Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.

Еремей 21:12

ті, Давидлӧн рӧдыс! Господь тадзи висьталӧ: водз асывсяньыс мыждӧй веськыда, увтыртӧмаӧс мездӧй дзескӧдысьлӧн киысь, медым Менам скӧрлунӧй эз ыпнит би моз, медым тіян лёк вӧчӧмъясныд вӧсна Менам скӧрлунӧй эз паськав кусӧдны позьтӧм яр би моз.

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Еремей 26:16

Юралысьяс да став войтырыс шуисны попъяслы да пророкъяслы: «Тайӧ мортсӧ оз ков мыждыны да вины, ӧд сійӧ пророкаліс миян Господь Енлӧн нимсянь».

Еремей 5:28

тшӧгнысла найӧ лӧсталӧны, пӧтлытӧг вӧчӧны лёксӧ, найӧ оз веськыда мыждыны, батьтӧм-мамтӧмъясӧс оз дорйыны, гӧльяслы оз отсавны ёрд вылын.

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Еремей 9:24

Но ошйысьысь мед ошйысьӧ сійӧн, мый сылӧн эм гӧгӧрвоӧмлун тӧдны Менӧ. Ӧд Ме – Господь, Ме бурсьӧлӧмтча да веськыда мыжда му вылас. Ті кӧ тшӧтш тадзи вӧчанныд, тіян уджъясныд лоӧны Меным шогманаӧсь, – висьталӧ Господь.

Бӧрданкыв 3:36

дзескӧдӧны мортӧс ёрд водзын, Господь ӧмӧй оз аддзы тайӧс?

Езекиль 18:12

гӧльӧс да коньӧрӧс дзескӧдӧ, бӧр оз сет, мый босьтіс уджйӧзӧн сетӧмсьыс, мӧдлысь мырддялӧ, идолъяслы юрбитӧ, зывӧксӧ вӧчӧ,

Езекиль 18:7

Сійӧ некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс. Сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ.

Езекиль 22:7

Ерусалимын бать-мамӧс пыдди оз пуктыны, йӧз муысь локтысьясӧс топӧдӧны, батьтӧм-мамтӧмӧс да дӧваӧс дзескӧдӧны.

Езекиль 45:9

Господь Ыджыдыс тадзи висьталӧ: ӧвсьӧй, израильса ӧксыяс! Тырмас виавны-дзескӧдны да бырӧдны! Юралӧй да мыждӧй веськыда, дугдӧй вӧтлавны Менсьым войтырӧс асланыс му юкӧнысь, – висьталӧ Господь Ыджыдыс».

Йоиль 3:19

Иуда войтырӧс виалӧм-дзескӧдӧм понда, налӧн муын мыжтӧм вир кисьтӧм понда Египет му лоӧ кушинӧн, Эдом – овтӧминӧн.

Левит 19:15

Ёрд вылын ло веськыд. Мыжды веськыда, эн видзӧд чужӧм вылӧ. Гӧль и озыр морт мед лоӧны тэныд ӧткодьӧсь.

Амос 5:15

Мустӧмтӧй лёксӧ да радейтӧй бурсӧ, веськыда мыждӧй ёрд вылын. Гашкӧ, Господь Ен Саваоф бурсьӧлӧмтчас Ӧсип рӧдысь ловйӧн кольӧмаяс дінӧ.

Амос 5:24

Но веськыда мыждӧмыс мед визувтас ва моз, веськыдлуныс – ю моз.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 23:23

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті сетанныд исань турунысь, укропысь да тминысь дасӧд юкӧнсӧ. А Индӧдысь коланаджыкторсӧ эновтінныд: веськыда мыждӧмсӧ, буралӧмсӧ да эскӧмсӧ. Тайӧс колӧ вӧчны да мукӧдторсӧ оз ков вунӧдны.

Индӧд 10:18

Сійӧ дорйӧ батьтӧм-мамтӧмъясӧс да дӧваясӧс, радейтӧ йӧз муысь локтысьясӧс, вердӧ да пасьтӧдӧ найӧс.

Индӧд 24:17

Йӧз муысь локтысьлысь да батьтӧм-мамтӧмлысь [да дӧвалысь] могъяссӧ видлалігӧн лоӧй веськыдӧсь. Дӧвалысь паськӧмсӧ уджйӧзӧн сетӧмсьыныд энӧ босьтӧй.

Индӧд 24:7

Коді гусялас мортӧс аслас Израиль войтыр пӧвстысь да видзас сійӧс кесйӧг туйӧ либӧ вузалас, сійӧс колӧ вины. Бырӧдӧй лёксӧ ас пӧвстсьыныд.

Индӧд 25:1

Локтасны кӧ ёрд водзӧ кык вензьысь, сэні мед веськыда мыждасны. Мыжтӧмӧс мед шуасны мыжтӧмӧн, а мыжаӧс мед мыждасны.

Индӧд 27:19

”Ёрӧм улӧ веськалӧ быдӧн, коді йӧз муысь локтысьлысь, батьтӧм-мамтӧмлысь да дӧвалысь могъяссӧ оз веськыда видлав”. И став войтырыс мед шуас: ”Мед лоӧ тадзи!”

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.