Еремей 22:21 - Коми Библия 2023

²¹ Бур кадӧ Ме ӧлӧдлі тэнӧ, но тэ шулін, ог пӧ кывзы. Томдырсяньыд тэ тадзи вӧчин, эн кывзы Менӧ.

Еремей 22:21 Kruisverwysings

2 Каднебӧг 33:10

Господь ӧлӧдліс Манассейӧс да Ассьыс войтырсӧ, но найӧ эз кывзыны Сійӧс.

Псалтыр 129:1

Крамӧ мунігӧн сьылӧм. Господьӧй, пыдӧстӧм гусянь ме шыася Тэ дінӧ.

Шусьӧгъяс 30:9

Коланасьыс унджык мед оз ло менам, ӧд сэки ме верма бергӧдчыны Тэысь, верма шуны: «Ог тӧд Господьӧс». А гӧльма кӧ, пета гусясьны да Тэнсьыд нимтӧ, Енмӧй, янӧда.

Исай 48:8

Тэ эн кывлы, эн тӧдлы та йылысь, тэнад пельыд важысянь тупкыса. Ме тӧді, мый тэ ылӧдчысь, мам кынӧмсяньыд нин тэнӧ шуӧны паныд кыпӧдчысьӧн.

Еремей 13:10

Тайӧ лёк войтырыс оз кӧсйы кывзыны Менсьым кывъясӧс. Найӧ олӧны асланыс чорыд сьӧлӧмныс серти, юрбитӧны-копрасьӧны да кесъялӧны мукӧд енъяслы. Найӧ лоӧны сісьмӧм вӧнь кодьӧсь, нинӧм вылӧ оз нин шогмыны.

Еремей 19:15

«Господь Саваоф, Израильлӧн Ен, тадзи висьталӧ: тайӧ карыс вылӧ да став иудаса каръяс вылӧ Ме Аслам шуӧм серти мӧдӧда шог, ӧд тайӧ каръясас олысьясыс асныралӧны, оз кывзыны Менсьым кывъясӧс».

Еремей 2:25

Видзчысь, медым котралігад эн коль кӧмтӧг, медым горшыд дзикӧдз эз косьмы. Но тэ шуин: «Ог кӧсйы кывзыны тайӧс! Меным мусаӧсь мукӧд енъяс, и налы ме юрбита».

Еремей 2:31

Ӧнія олысьяс, гӧгӧрвоӧй Господьлысь кывсӧ: Вӧлі-ӧ Ме Израиль войтырлы овтӧминӧн? Вӧлі-ӧ Ме сылы пемыд муӧн? Мыйла Менам войтырӧй шуӧ, ми пӧ мунам, кытчӧ кӧсъям, огӧ пӧ бергӧдчӧй Тэ дінӧ?

Еремей 25:3

«Иудаса Иосей ӧксылӧн, Амон пилӧн, дас коймӧд веськӧдлан восянь да ӧніӧдз, кызь куим во чӧж меным вӧлі Господьсянь кыв. Выльысь и выльысь ме висьтавлі тіянлы, но ті энӧ кывзӧй.

Еремей 25:4

Господь выльысь и выльысь мӧдӧдліс тіян дінӧ Ассьыс кесйӧгъяссӧ, пророкъясӧс, но ті энӧ кывзӧй да энӧ сибӧдӧй налысь кывъяссӧ.

Еремей 25:7

Но ті энӧ кывзӧй Менӧ! – висьталӧ Господь. – Асланыд киӧн вӧчӧмторъясӧн ті скӧрмӧдінныд Менӧ аслыныд жӧ лёк вылӧ.

Еремей 25:8

Та вӧсна Господь Саваоф тадзи висьталӧ: сыысь, мый ті энӧ кывзӧй Менсьым кывъясӧс,

Еремей 3:24

Миян том кадсянь зывӧк Ваал идол сёйис ставсӧ, мый могысь батьясным уджалісны, сёйис налысь ыжъяссӧ да ӧшъяссӧ, пиянсӧ да нывъяссӧ.

Еремей 3:25

Яналӧмӧн уськӧдчамӧй муас, юръяндзим мед вевттяс миянӧс, ӧд томдырсянь да ӧніӧдз ми да миян батьясным мыж вӧчим асланым Господь Енлы паныд. Ми эгӧ кывзӧй Господьӧс, ассьыным Енмӧс.

Еремей 32:30

Ӧд Израиль войтыр да Иуда войтыр том кадсяньыс вӧчисны сӧмын лёксӧ, вӧчисны Менам син водзын шогмытӧмсӧ. Израиль войтыр сӧмын дӧзмӧдіс Менӧ аслас уджъясӧн, – висьталӧ Господь. –

Еремей 35:15

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы: бергӧдчӧй асланыд лёк туй вылысь, вӧчӧй бурсӧ, энӧ юрбитӧй мукӧд енъяслы да энӧ кесъялӧй налы, сэки ті кутанныд овны сійӧ муас, мый Ме сеті тіянлы да тіян батьяслы. Но ті энӧ сибӧдӧй Менсьым кывъясӧс, энӧ кывзӧй Менӧ.

Еремей 48:11

Том кадсяньыс Моав оліс лӧня, вина моз сулаліс аслас дозйын, дозйысь дозйӧ сійӧс эз кисьтлыны, пленӧ эз нуӧдлыны. Та вӧсна сылӧн кӧрыс эз вежсьыв, сысянь ӧвтіс пыр ӧтмоза.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Езекиль 20:13

Но Израиль войтыр кыпӧдчис Меным паныд овтӧминын. Найӧ бокӧ вештісны Менсьым индӧд-тшӧктӧмъясӧс, на серти эз овны, медым видзны ассьыныс олӧмнысӧ. Менсьым шойччан лунӧс найӧ пежалісны. Сэки Ме шуи, мый овтӧминын кисьта на вылӧ Ассьым скӧрлунӧс да бырӧда найӧс.

Езекиль 20:21

Но найӧ тшӧтш кыпӧдчисны Меным паныд, эз овны Менам индӧд-тшӧктӧмъяс серти, медым видзны ассьыныс олӧмнысӧ. Нӧшта найӧ пежалісны Менсьым шойччан лунӧс. Сэки Ме шуи, мый овтӧминын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Езекиль 20:8

Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Софоний 3:2

Сэні олысьяс оз кывзысьны, оз сибӧдны туйдӧдӧмсӧ, Господь вылӧ лача оз кутны, оз локны асланыс Ен дінӧ.

Закар 7:7

Та йылысь Господь важӧн нин висьтавліс пророкъяс пыр, кор Ерусалим вӧлі уна йӧза да лӧнь карӧн, и кор сыгӧгӧрса каръясын, Негев муын да керӧсбердса муын олісны йӧз.

Индӧд 31:27

Ме тӧда тіянлысь асныралӧмнытӧ да паныд кыпӧдчӧмнытӧ. Весиг ӧні, кор ме ловъя на, ті онӧ кывзысьӧй Господьлысь. А мый лоӧ менам кулӧм бӧрын?

Индӧд 9:24

Мыйта тӧда тіянӧс, ті пыр кыпӧдчинныд Господьлы паныд.

Индӧд 9:7

«Энӧ вунӧдӧй, кыдзи овтӧминын ті скӧрмӧдлінныд Господьӧс, ассьыныд Ентӧ. Египет муысь петан лунсянь да татчӧ вотӧдз ті пыр пыксинныд Господьлы.