Еремей 21:4 - Коми Библия 2023

⁴ мый Господь, Израильлӧн Ен, тадзи висьталӧ: тіянлы аслыныд паныд Ме бергӧда шыпуртъяснытӧ, мыйӧн ті тышкасянныд вавилонса ӧксылы паныд да калдеяса тышкайӧзлы паныд, кодъяс кытшалӧмаӧсь тіянӧс. Ме чукӧрта шыпуртъяснытӧ тайӧ кар шӧрас.

Еремей 21:4 Kruisverwysings

Исай 10:4

Пленӧ босьтӧмаяс пӧвстын ті сувтанныд пидзӧс выланыд, кулӧмаяс моз усянныд. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 13:4

Керӧсъяс вылын кылӧ гора шы, сійӧ уна йӧзлӧн ызгысь шы кодь, кылӧ ӧтвыв чукӧртчӧм войтыръяслӧн шы. Господь Саваоф чукӧртӧ Ассьыс тышкайӧзсӧ.

Исай 5:5

Ӧні Ме висьтала тіянлы, мый вӧча Аслам виноград йӧркӧд. Ме кисьта сылысь потшӧссӧ, и сійӧс куштасны. Ме жугӧда сылысь стенъяссӧ, и сійӧс таляласны.

Еремей 20:4

Ӧд Господь тадзи висьталӧ: ”Ме вӧча тэнӧ повзьӧдчанторйӧн аслыд и став тэнад ёртъясыдлы. Тэнад син водзын найӧ усясны вӧрӧглӧн шыпуртысь. Иуда войтырӧс Ме сета вавилонса ӧксы киӧ. Ӧтиясӧс сійӧ нуӧдас Вавилонӧ, а мӧдъясӧс виас шыпуртӧн.

Еремей 21:3

Еремей вочавидзис налы: «Висьталӧй Седекейлы,

Еремей 32:24

Со, кар гӧгӧрыс вӧрӧг кыпӧдӧма тымӧд, медым босьтны сійӧс. Калдеяса тышкайӧз кытшалӧны тайӧ карсӧ, и сійӧс лоӧ сетӧма налӧн киӧ. Карса олысьясӧс лоӧ бырӧдӧма шыпуртӧн, тшыглунӧн да пӧрӧс висьӧмӧн. Инӧ сійӧ, мый Тэ водзвыв висьтавлін, и ӧні Тэ аддзан тайӧс.

Еремей 32:3

Еремейӧс йӧртігӧн иудаса Седекей ӧксы шуис сылы: «Тэ пророкалан, Господь пӧ тадзи висьталӧ: ”Тайӧ карсӧ Ме сета вавилонса ӧксы киӧ, и сійӧ босьтас тайӧ карсӧ.

Еремей 32:5

Навукодоносор нуӧдас Седекейӧс Вавилонӧ. Седекей лоӧ сэні сэтчӧдз, кытчӧдз Ме ог бурсьӧлӧмтчы сы дінӧ, – висьталӧ Господь. – Ті кутанныд тышкасьны калдеяса тышкайӧзкӧд, но онӧ вермӧй найӧс”».

Еремей 33:5

Тайӧ карас олысьяс петасны тышкасьны калдеяса тышкайӧзкӧд, но налӧн керкаясныс тырасны шойясӧн. Ӧд Ме бергӧді Ассьым чужӧмӧс тайӧ карас олысьясысь налӧн лёк вӧчӧмныс вӧсна, Ме пасьварта найӧс Аслам скӧрлунӧн да ярлунӧн.

Еремей 35:17

Та вӧсна Господь Ен Саваоф, Израильлӧн Ен, тадзи висьталӧ: Ме мӧдӧда Иуда войтыр вылӧ да Ерусалимын олысьяс вылӧ став шогсӧ, мый Ме шуи мӧдӧдны. Ме ӧлӧдлі найӧс, но найӧ эз кывзыны, Ме чуксалі найӧс, но найӧ эз вочавидзны».

Еремей 39:3

Вавилонса ӧксылӧн киподувса юралысьяс пырисны Ерусалимӧ да карса шӧр дзиръясянь пондісны юравны. Тайӧ вӧліны: Сим-Магирысь Нергал-Шар-Эцер, ыджыд чина йӧзӧн веськӧдлысь Неву-Сар-Секим, тышкайӧзӧн веськӧдлысь Нергал-Шар-Эцер да вавилонса ӧксылӧн киподувса мукӧд юралысьяс.

Еремей 52:18

Найӧ босьтісны тшӧтш пӧим чукӧртан воръяс, пӧим куралан зыръяс, пуртъяс, вир резан тасьтіяс, кӧшъяс да ыргӧнысь вӧчӧм мукӧд дозмуксӧ, мыйӧн вӧдитчисны крамын кесъялігӧн.

Бӧрданкыв 2:3

Скӧрйывсьыс Сійӧ жугӧдіс Израильлысь вынсӧ, вештіс сы вылысь Ассьыс веськыд кисӧ, эз видз сійӧс вӧрӧгысь. Сійӧ сотіс Яковӧс ыпъялысь биӧн, мый ньылыштӧ ставсӧ.

Бӧрданкыв 2:5

Господь лои вӧрӧг кодь, Сійӧ виис Израильӧс, бырӧдіс сылысь керкаяссӧ, жугліс изкаръяссӧ, содтіс шогсӧ да бӧрдӧмсӧ Иуда нывлы.

Бӧрданкыв 2:7

Ассьыс висьпуктанінсӧ Господь эновтіс, Ассьыс вежаинсӧ колис. Вӧрӧг киӧ сетіс Сион карлысь стенъяссӧ. Гажӧдчан лунӧ моз вӧрӧг кыпӧдіс гора шы Господьлӧн керкаын.

Езекиль 39:3

Ме уськӧда шуйга кисьыд ньӧввужтӧ, веськыд кисьыд – ньӧвъястӧ.

Осий 9:12

Весиг кӧ быдтасны челядьнысӧ, Ме босьта найӧс. Курыд шог лоӧ Ефремлы, кор Ме бергӧдча сыысь.

Закар 14:2

– Ме чукӧрта войтыръясӧс, мед тышкасьны Ерусалимкӧд. Найӧ босьтасны карсӧ, керкаяссӧ куштасны, аньяссӧ мырдӧналасны-янӧдасны. Карсьыс джын олысьсӧ нуӧдасны пленӧ, мукӧдсӧ колясны карас.

Матвей 22:7

Ӧксы кывлас та йылысь да ёна скӧрмас. Сійӧ мӧдӧдас ассьыс тышкайӧзсӧ вины морт виысьясӧс, а карсӧ тшӧктас сотны.