Еремей 2:34 - Коми Библия 2023

³⁴ Тэ эн су коньӧр йӧзӧс гусясиганыс, но паськӧмыд ляксьӧма тайӧ мыжтӧм йӧзлӧн вирнас. И та вылӧ видзӧдтӧг

Еремей 2:34 Kruisverwysings

Ӧксыяслӧн 4 небӧг 21:16

Манассей кежӧдіс Иуда войтырӧс мыжас, и найӧ вӧчисны Господь водзын шогмытӧмсӧ. Тайӧ мыжсьыс ӧтдор Манассей кисьтіс мыжтӧм йӧзлысь вирсӧ сы мында, мый Ерусалим помсянь помӧдзыс тырис вирӧн.

Ӧксыяслӧн 4 небӧг 24:4

Манассей кисьтіс мыжтӧм йӧзлысь вирсӧ сы мында, мый Ерусалим тырис вирӧн. Та вӧсна Господь эз прӧстит сійӧс.

Петӧм 22:1

«Коді гусялас ӧшкӧс либӧ ыжӧс да начкас либӧ вузалас сійӧс, мед сетас ӧти ӧш пыдди вит ӧшкӧс, а ӧти ыж пыдди нёль ыжӧс.

Петӧм 22:2

Коді суас керка помсьыс гусясьысьӧс да кувмӧныс вачкас сійӧс, морт виӧмысь оз ло мыжа.

Исай 57:5

Тіян лёкколӧмныд ӧзъялӧ пашкыр пуяс пӧвстын, быд веж пу улын. Ассьыныд челядьнытӧ ті ваянныд вись пыдди шоръяс дорын да керӧс потасъясын.

Исай 59:3

Тіян киясныд пежасьӧмаӧсь вирӧн, тіян чуньясныд – лёк вӧчӧмӧн. Тіян вомысь петӧ ылӧг, тіян кывныд пӧръясьӧ.

Исай 59:7

Налӧн кокныс котӧртӧ лёксӧ вӧчны, найӧ тэрмасьӧны мыжтӧмлысь вир кисьтны. Налӧн мӧвпъясыс шогмытӧмӧсь, найӧ мырддялӧны да виалӧны.

Еремей 19:4

Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.

Еремей 2:33

Кутшӧм наяна тэ сибӧдчан муслун корсигад, весиг лёк оласнога аньясӧс аслад туйӧ велӧдан!

Еремей 6:15

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 7:31

Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.

Еремей 7:6

онӧ кӧ дзескӧдӧй йӧз муысь локтысьӧс, батьтӧм-мамтӧмӧс да дӧваӧс, онӧ кӧ кисьтӧй мыжтӧм йӧзлысь вирсӧ тайӧ муас, онӧ кӧ юрбитӧй мукӧд енъяслы аслыныд лёк вылӧ,

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Бӧрданкыв 1:9

Бӧждорыс сылӧн няйтчӧма пежнас. Сійӧ эз мӧвпав, мый виччысьӧ сійӧс. Сійӧ дзикӧдз усис, но сійӧс бурӧдысьыс эз вӧв. «Господьӧй, видзӧдлы менам шогсьӧм вылӧ, ӧд вӧрӧг асьсӧ вылӧ кыпӧдӧ».

Бӧрданкыв 4:14

Ӧні найӧ синтӧмъяс моз шӧйтӧны туй вывті, вирӧн пежасьӧмаӧсь, на дінӧ оз позь инмӧдчыны вирӧсь паськӧмныс вӧсна.

Езекиль 20:31

Идолъяслы юрбитӧмнаныд ті ӧнӧдз асьнытӧ пежаланныд, кор ваянныд налы козинъяс да сотанныд вись пыдди ассьыныд пияннытӧ. И та бӧрын ті, израильсаяс, локтанныд юасьны Менсьым! Ме Ачым кыв сетӧмӧн шуа, – висьталӧ Господь Ыджыдыс, – мый ог вочавидз тіянлы.

Езекиль 22:25

Ерусалимса пророкъяслӧн эм гуся сёрнитчӧм. Левъяс моз найӧ равзӧны, чашйӧны да ньылыштӧны кыйдӧссӧ. Найӧ мырддялӧны йӧзлысь озырлунсӧ да донаторъяссӧ. На вӧсна содӧ дӧваяслӧн лыдыс.

Езекиль 23:45

Но веськыда олысь айулов мыждасны найӧс гозъякост олӧм пежалӧмысь да вир кисьтӧмысь, ӧд найӧ пежалісны йитӧдӧс, мый Ме кӧрталі накӧд, и налӧн киныс вирӧсь.

Езекиль 24:7

Ерусалим кар тырӧма вирӧн, вир кисьтісны изъяс вылӧ, муыс эз тупкы сійӧс.

Езекиль 9:9

Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.