Еремей 2:18 - Коми Библия 2023

¹⁸ Мый бурыс тэныд сыысь, мый тэ мунан Египетӧ, медым юны Нил юысь васӧ? Мый бурыс тэныд сыысь, мый тэ мунан Ассурӧ, медым юны Ефрат юысь васӧ?

Еремей 2:18 Kruisverwysings

2 Каднебӧг 28:16

Тайӧ кадас Ахаз ӧксы мӧдӧдіс юӧр ассурса ӧксылы да корис отсавны,

Исай 23:3

Помтӧм-дортӧм ва вывті тіян карӧ вайлісны Шихорысь нянь, Нил ю дорысь быдтӧмторъяс. Тіян карныд вӧлі уна войтырлы вузасянінӧн.

Исай 31:1

Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Исай 7:20

Сійӧ лунӧ Господь кушӧдз шырас юрсинытӧ, тошнытӧ да яндзим гӧннытӧ ю мӧдлапӧлысь медалӧм ассурса ӧксылӧн шыранӧн.

Еремей 2:36

Мыйла тэ дугдывтӧг шӧйтан, ӧтарӧ-мӧдарӧ вежлалан ассьыд туйтӧ? Ассур моз Египет янӧдас тэнӧ.

Еремей 31:22

Дыр-ӧ на тэ кутан шӧйтны, нылӧй, тэ, коді кежин Меысь? Господь выльтор вӧчас му вылын: гӧтырыс кутас видзны-дорйыны верӧссӧ.

Бӧрданкыв 4:17

Весьшӧрӧ отсӧгсӧ виччысигӧн миян синным мудзис. Башня вывсянь ми дзӧргим, виччысим войтырӧс, но сійӧ эз лок миянӧс мездыны.

Бӧрданкыв 5:6

Египетлысь ми корим отсӧг, Ассурлысь корим нянь.

Езекиль 16:28

Тэ пӧтлытӧг кырсалін ассурсаяскӧд, но тайӧ тэныд вӧлі этша на.

Езекиль 17:15

Но иудаса ӧксы кыпӧдчис вавилонса ӧксылы паныд. Сійӧ мӧдӧдіс ассьыс йӧзсӧ Египетӧ, медым найӧ ваясны сэтысь вӧвъясӧс да уна лыда тышкайӧзӧс. Но лоӧ-ӧ сылы бур? Сёрнитчӧмсӧ торкысь морт оз пышйы мыждӧмысь.

Езекиль 23:30

Тадзи лоӧ тэкӧд, ӧд тэ кырсалін войтыръяскӧд да пежасин налӧн идолъяссянь.

Осий 5:13

Кор Ефрем аддзис ассьыс висьӧмсӧ, а Иуда – ассьыс дойяссӧ, сэки Ефрем муніс Ассурӧ, ыстіс ассьыс йӧзсӧ Ярев ӧксы дінӧ. Но сійӧ оз вермы сетны тіянлы дзоньвидзалун, оз вермы бурдӧдны дойяснытӧ.

Осий 7:11

Ефрем лои вежӧртӧм гулю кодь, нинӧм оз гӧгӧрво: отсӧг корӧ Египетлысь, мунӧ Ассурӧ.

Нав Исус 13:3

мый пырӧны Ханаан муӧ да паськӧдчӧны Египет мудорын визувтысь Шихор юсянь войвылӧ Экрон карӧдз. Тайӧ му вылас ыджыдалӧны филистимса вит юралысь: газаса, азотса, аскалонса, гефса да экронса юралысьяс. Сэні ыджыдалӧны тшӧтш аввейяс,