Еремей 2:10 - Коми Библия 2023

¹⁰ Мунӧй киттимса діяс вылӧ, мӧдӧдӧй Кедарӧ йӧзӧс, сюся видзӧдӧй-тӧдмалӧй, вӧчӧны-ӧ сэтчӧс войтыръяс Менам войтыр моз.

Еремей 2:10 Kruisverwysings

Олӧм 25:13

Измаил пиянлӧн нимъясныс чужан во сертиныс: Измаиллӧн медводдза пиыс вӧлі Невайот, нӧшта сылӧн вӧліны Кедар, Адбел, Мивсам,

Ӧксыяслӧн 3 небӧг 9:9

Сылы вочавидзасны: ”Израиль войтыр эновтіс Господьӧс, ассьыс Енсӧ, коді петкӧдіс налысь батьяссӧ Египет муысь. Найӧ сирасисны мукӧд енъяс дінӧ, юрбитісны-кесъялісны налы. Та вӧсна Господь ыстіс налы став тайӧ лёксӧ”».

1 Каднебӧг 1:7

Яванлӧн вӧліны Элиш да Фарсис пиян, сысянь петісны тшӧтш киттимсаяс да доданейяс.

1 Каднебӧг 23:1

Кор Давид пӧрысьмис да пӧтіс олан лунъяснас, сэки пуктіс ассьыс Соломон писӧ Израиль войтырлы ӧксыӧ.

1 Каднебӧг 23:12

Каафлӧн вӧлі нёль пи: Амрам, Ицгар, Хеврон да Узиэл.

Псалтыр 120:5

Господь – тэнӧ Видзысьыс, Господь – тэнад веськыдладорын сайӧдыс.

Исай 21:16

Господь меным тадзи висьталіс: «Коляс нӧшта ӧти во – лыддьыны кӧ сідзи, кыдзи медалӧм морт лыддьӧ ассьыс уджалан восӧ – и бырас ставыс, мыйӧн Кедар ошйысьӧ.

Исай 23:1

Тир йылысь водзвыв висьталӧм. Ырзӧмӧн бӧрдӧй, фарсисса корабльяс! Карыс киссьӧма, эз кольны керкаяс. Та йылысь ті кылінныд Киттим муысь бергӧдчигӧн.

Исай 23:12

Сійӧ шуис: – Сидонын олысьяс, ті, яналӧм войтыр, водзӧ онӧ нин кутӧй нимкодясьны. Чеччӧй да мунӧй Киттимӧ, но весиг сэні тіянлы шойччӧгыс оз ло!

Еремей 49:28

Кедарлӧн рӧд йылысь да хацорса войтыръяс йылысь, кодъясӧс пасьвартіс вавилонса Навукодоносор ӧксы, Господь тадзи висьталӧ: – Чеччӧй, тышӧ петӧй Кедарлы паныд, бырӧдӧй асыввывса олысьясӧс.

Езекиль 16:16

Аслад уна рӧма паськӧмӧн тэ мичмӧдін вись ваян мылькъястӧ, кӧні тэ кырсалін. Татшӧмторйыс некор на эз вӧвлы, и водзӧ оз ло.

Езекиль 27:21

Аравия да кедарса ӧксыяс вузавлісны тэныд ыжъяс, межъяс да кӧзаяс.

Езекиль 27:6

пелысъястӧ – васанса тупуысь, джоджъястӧ – киттимса діяс вылысь вайӧм бук пуысь, тэнӧ мичмӧдісны слӧн лыӧн.

Езекиль 5:7

Та вӧсна Господь Ыджыдыс тадзи висьталӧ: тіян гӧгӧр олысь войтыръяс дорысь ті ёна асныраӧсь, ӧд Менсьым тшӧктӧмъясӧс вештінныд бокӧ, Менам индӧдъяс серти онӧ олӧй, весиг тіян гӧгӧр олысь войтыръяслӧн индӧдъяс серти онӧ олӧй.

Даниил 11:18

Войвывса ӧксы мӧдӧдчас саридздорса муясӧ и уна му босьтас аслас кипод улӧ. Но мукӧд тышкайӧзлӧн юралысь пуктас пом войвывса ӧксылӧн вывтіасьӧмлы и сылысь вывтіасьӧмсӧ бергӧдас сылы паныд.

Даниил 11:30

Сы вылӧ уськӧдчасны киттимса корабльяс вылын локтысьяс, сійӧ повзяс наысь да бӧр бергӧдчас. Ассьыс скӧрлунсӧ сійӧ кисьтас вежа йитӧд вылӧ. Гортас бергӧдчӧм бӧрын сійӧ сёрнитчас вежа йитӧд эновтысьяскӧд.

Лыд 24:24

Киттимсянь локтасны корабльяс, вермасны Ассурӧс, вермасны Эверӧс, но и найӧс асьнысӧ лоӧ дзикӧдз бырӧдӧма.

1 Коринфӧ 5:1

Ме кывлі, ӧткымынӧн пӧ тіян пӧвстысь кырсалӧны, и сідзи, мый татшӧмыс оз овлы весиг ентӧдтӧмъяс пӧвстын. Кодкӧ пӧ тіян пиысь узьлӧ весиг батьыслӧн гӧтырыскӧд.

Ёрдысьяс 19:30

[Мӧдӧдӧм йӧзлы левит тшӧктіс юавны Израиль войтырлысь, вӧлі-ӧ коркӧ татшӧмторйыс.] Вир-яй юкӧнъяссӧ аддзылысьяс шуисны: «Израиль пиянлӧн Египетысь петан лунсянь талунъя лунӧдз татшӧмторйыс эз вӧвлы. Видзӧдӧй да мӧвпалӧй, мый водзӧ вӧчны!»