Еремей 17:6 - Коми Библия 2023

⁶ Сійӧ лоӧ овтӧминса лежнӧг кодь, бурсӧ оз тӧдлы. Сійӧ кутас овны изъя овтӧминын, солаинын, кӧні некод оз ов.

Еремей 17:6 Kruisverwysings

Ӧксыяслӧн 4 небӧг 7:2

Тышкайӧзӧн веськӧдлысь, коді видзис ӧксыӧс, шуис Енлӧн мортлы: «Весиг кӧ Господь енэжвыв ӧшиньяссӧ восьтас, тадзи оз вермы лоны». Елисей шуис сылы: «Тэ аслад синмӧн тайӧс аддзылан, но сёйнысӧ он кут».

Иов 20:17

Сійӧ оз нин аддзыв визув шоръяс, маа да йӧла юяс.

Иов 39:6

Ме овмӧді сійӧс ласта вылӧ, сеті сылы оланінсӧ солаинысь.

Псалтыр 1:4

Но лёк вӧчысьяслӧн оз ло тадзи. Найӧ лоӧны [му вылысь] тӧвнырӧн нӧбӧдан кыд кодьӧсь.

Исай 1:30

Ӧд ті асьныд лоанныд кортӧм пу кодьӧсь, косьмӧм рас кодьӧсь.

Еремей 29:32

Та вӧсна Господь тадзи висьталӧ: Ме мыжда Нехеламысь Шемайӧс да сысянь чужысьясӧс. Сысянь чужысьяс пӧвстысь некод оз кут овны тайӧ войтырыс пӧвстын, некод оз аддзы сійӧ бурсӧ, мый Ме вӧча Аслам войтырлы, – висьталӧ Господь, – ӧд Шемай ышӧдіс тайӧ войтырсӧ Господьлы паныд кыпӧдчыны».

Еремей 48:6

Пышйӧй, видзӧй олӧмнытӧ, лоӧй овтӧминын быдмысь тусяпу кодьӧсь.

Езекиль 47:11

Нюрын да гӧптаинын ваыс оз бурмы, медым сэтысь позис босьтны сов.

Софоний 2:9

Та вӧсна Ме кыв сетӧмӧн кӧсйыся Аслам олӧмӧн, – висьталӧ Господь Саваоф, Израильлӧн Ен, – Моав лоӧ Содом кодь, аммон войтыр лоӧ Гомора кодь, налӧн муясыс тырасны ёг турунӧн, лоӧны сола гуӧн, пыр кежлӧ лоӧны овтӧминӧн. Менам коляс войтырӧй куштас найӧс, Менам войтырысь ловйӧн кольӧмаяс босьтасны налысь мусӧ.

Индӧд 29:23

Муыс ставнас сотчас, сэні лоӧ сӧмын тэг да сов, весиг турун оз кут быдмыны. Сэні нинӧм он вермы кӧдзны-быдтыны. Сійӧ лоӧ Содом да Гомора, Адма да Севоим каръяс кодь. Тайӧ каръяссӧ Господь бырӧдіс ыджыд скӧрлунӧн.

Ёрдысьяс 9:45

Авимелек тышкасис сикемсаяскӧд лунтыр. Босьтіс карсӧ, а сэтчӧс олысьясӧс виаліс. Сикем карсӧ бырӧдӧм бӧрын кар местасӧ кояліс солӧн.