Еремей 16:21 - Коми Библия 2023

²¹ – Та вӧсна Ме ӧні петкӧдла налы Ассьым вынӧс да кыпӧдӧм киӧс, и найӧ тӧдмаласны, мый Менам нимӧй – Господь.

Еремей 16:21 Kruisverwysings

Псалтыр 9:16

Войтыръяс усисны гуӧ, кодӧс асьныс кодйисны. Налӧн кокныс шедіс налькйӧ, кодӧс асьныс пуктісны.

Петӧм 14:4

Ме чорзьӧда фараонлысь сьӧлӧмсӧ, и сійӧ уськӧдчас вӧтчыны израильсаяс бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став тышкайӧзкӧд. Египетса йӧз тӧдмаласны, мый Ме – Господь». Израиль войтыр вӧчис Господьлӧн тшӧктӧм серти.

Петӧм 15:3

Господь – тышын Вермысь, Сылӧн нимыс – Господь!

Петӧм 6:3

”Ставсӧвермысь Ен” ним улын Ме петкӧдчи Ӧвраамлы, Исааклы да Яковлы, но ”Господь” ним улын Ме налы эг воссьыв.

Исай 43:3

Ме – Господь, тэнад Енмыд, Израильлӧн вежа Ен, тэнӧ Мездысь. Ме ньӧби тэнӧ, сеті тэ пыдди Египет, Эфиопия да Сева муяс.

Еремей 33:2

«Господь тадзи висьталӧ: Ме вӧчи мусӧ, сеті сылы мыгӧр да зумыдмӧді сійӧс. Менам нимӧй – Господь.

Езекиль 24:24

Езекиль лоӧ тіянлы пасӧн. Ставсӧ, мый сійӧ вӧчис, ті тшӧтш кутанныд вӧчны. Кор тайӧ збыльмас, сэки ті тӧдмаланныд, мый Ме – Господь Ыджыдыс.

Езекиль 24:27

Сійӧ лунӧ, кор тайӧ пышйӧм мортыс локтас, воссяс тэнад кыв-ворыд, и тэ пондан сёрнитны. Тэ лоан аслад войтырлы пасӧн, и найӧ тӧдмаласны, мый Ме – Господь».

Езекиль 25:14

Аслам Израиль войтыр отсӧгӧн Ме водзӧс перъя эдом войтырлысь. Найӧ вӧчасны эдом войтырлы Менам скӧрлун да ярлун серти. Сэки эдомсаяс тӧдмаласны Менсьым водзӧс перйӧмӧс, – висьталӧ Господь Ыджыдыс.

Езекиль 6:7

Тіян пӧвстысь унаӧс лоӧ виӧма. Сэки ті тӧдмаланныд, мый Ме – Господь!

Амос 5:8

Сійӧ вӧчис Корӧся да Куима кодзув чукӧръяс, сап пемыдсӧ вежӧ асъя югыдӧ, лунсӧ – войӧ. Саридзысь Сійӧ чукӧстӧ васӧ да мусӧ киськалӧ. Сылӧн нимыс – Господь!