Еремей 15:4 - Коми Библия 2023

⁴ Сыысь, мый Езекейлӧн Манассей пиыс, иудаса ӧксы, вӧчис Ерусалимын, Ме вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои.

Еремей 15:4 Kruisverwysings

Ӧксыяслӧн 4 небӧг 21:1

Ӧксыӧ пуксигас Манассейлы вӧлі дас кык арӧс. Ветымын вит во чӧж сійӧ юраліс Ерусалимын. Сылысь мамсӧ шуисны Хефциба.

Ӧксыяслӧн 4 небӧг 21:15

Тадзи вӧча Аслам войтыркӧд, мыйла батьясныслӧн Египетысь петӧмсянь найӧ ӧнӧдз вӧчӧны Ме водзын шогмытӧмсӧ да тайӧн скӧрмӧдӧны Менӧ».

Ӧксыяслӧн 4 небӧг 21:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 33:1

Ӧксыӧ пуксигас Манассейлы вӧлі дас кык арӧс. Ветымын вит во чӧж сійӧ юраліс Ерусалимын.

2 Каднебӧг 33:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 34:17

Та вӧсна Господь тадзи висьталӧ: сыысь, мый ті энӧ кывзӧй Менӧ, энӧ лэдзӧй вӧля вылӧ вокъяснытӧ да матыссаяснытӧ, Ме лэдза тіянӧс вӧля вылӧ, – висьталӧ Господь, – ті куланныд шыпуртысь, пӧрӧс висьӧмысь да тшыглунысь. Став мувывса войтыръяслы Ме вӧча тіянӧс повзьӧдчанторйӧн.

Еремей 9:16

Ме разӧда найӧс войтыръяс пӧвстӧ, кодъясӧс эз тӧдлыны ни найӧ, ни батьясныс. Ме мӧдӧда шыпурт виавны найӧс, кытчӧдз ставнысӧ ог бырӧд».

Бӧрданкыв 1:8

Ыджыд мыж вӧчис Ерусалим, та вӧсна сійӧс ӧтдортӧны. Сійӧс пыдди пуктысьяс ӧні мустӧмтӧны сійӧс, ӧд аддзӧны сылысь яналӧмсӧ. Чужӧмсӧ бергӧдӧмӧн Ерусалим сьӧкыда ышлолалӧ.

Езекиль 18:19

Ті юаланныд: ”Мыйла оз пиыс кывкут батьыслӧн мыж вӧсна?” Пиыс ӧд оліс веськыда да Менам индӧд-тшӧктӧмъяс серти. Та вӧсна сійӧ кутас овны.

Езекиль 23:46

Господь Ыджыдыс тадзи висьталӧ: кыпӧдӧй йӧзӧс Оголалы да Оголивалы паныд, медым повзьӧдны найӧс да мырддьыны налысь озырлунсӧ.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.