Еремей 15:21 - Коми Библия 2023

²¹ Ме мезда тэнӧ лёк йӧзлӧн киысь, нетшышта тэнӧ дзескӧдысьяслӧн кабырысь.

Еремей 15:21 Kruisverwysings

Олӧм 48:16

Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.

Псалтыр 27:2

Кор ме шыася Тэ дінӧ, кыпӧда киӧс Тэнад вежа крамлань, кыв менсьым кевмӧмӧс.

Исай 29:20

сыысь, мый водзӧ оз нин лоны дзескӧдысьяс, омӧльтысьяс бырасны, лёк вӧчысьясӧс лоӧ бырӧдӧма,

Исай 29:5

Тэнад уна лыда вӧрӧгыд лоӧ бусӧн, тэнӧ дзескӧдысьяс – разалӧм кыд кодьӧн. Зэв ӧдйӧ, виччысьтӧг

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Исай 60:16

Мукӧд войтыръяс кутасны йӧлӧн пӧткӧдны тэнӧ, налӧн ӧксыясыс – вердны тэнӧ. Сэки тэ тӧдмалан, мый Ме, Господь, – тэнӧ Мездысьыс, Яковлӧн вына Енмыс – тэнӧ Видзысьыс.

Еремей 16:1

Меным вӧлі Господьсянь кыв:

Еремей 20:13

Сьылӧй Господьлы, ошкӧй Господьӧс! Сійӧ мездӧ коньӧр мортӧс лёк вӧчысьяслӧн киысь.

Еремей 26:24

Но Еремейӧс дорйис Шафанлӧн Ахикам пиыс, эз сет войтырлы вины сійӧс.

Еремей 31:11

Господь вештысяс Яковлӧн рӧд вӧсна, мездас найӧс вынаджыклӧн киысь.

Еремей 38:28

Еремей оліс ӧксы керка видзысьяслӧн йӧрын сійӧ лунӧдзыс, кор калдеяса тышкайӧз босьтісны Ерусалим кар.

Еремей 39:11

Навузарданлы, ӧксыӧс видзысьяслӧн юралысьлы, вавилонса Навукодоносор ӧксы Еремей йылысь шуис:

Еремей 39:12

«Босьт сійӧс да тӧждысь сы вӧсна, эн вӧч сылы некутшӧм лёктор. Вӧч сідзи, мый шуас сійӧ».

Еремей 50:34

Но найӧс Мездысьыс вына, Сылӧн нимыс – Господь Саваоф. Сійӧ доръяс найӧс да налӧн мулы сетас лӧньлун, а Вавилонын олысьяслы ыстас полӧм-тіралӧм.

Даниил 3:17

Миян Енным, кодлы ми кесъялам, вермас мездыны миянӧс ыпъялысь пачысь. Сійӧ мездас миянӧс и тэнад киысь, ӧксыӧй.

Даниил 3:25

Азарий сувтіс кевмысьны би пытшкас. Сійӧ шуис:

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Римӧ 16:20

Лӧньлунсӧ сетысь Ен регыд песовтас сӧтанасӧ тіян кокъяс улӧ. Миян Господь Исус Кристослӧн буралӧмыс тіянкӧд. Аминь.

2 Коринфӧ 1:10

Сійӧ видзис миянӧс кулӧмысь да водзӧ на видзас. Ті кӧ отсаланныд миянлы кевмысьӧмнаныд, ми лача кутам, мый Енмыс нӧшта на видзас. Сэки унаӧн кутасны ошкыны Енсӧ миян дінӧ Сылӧн буралӧмысь.