Еремей 15:18 - Коми Библия 2023

¹⁸ Мыйла менам сьӧлӧмӧй пыр висьӧ, мыйла оз бурд менам дойӧй? Тэ лоин меным косьмӧм ва петанінӧн, мый ылӧдлӧ юны кӧсйысьӧс.

Еремей 15:18 Kruisverwysings

Иов 14:11

Тыясысь ваыс бырӧ, юяс ямӧны да косьмӧны,

Иов 34:6

ме пӧ збыльсӧ висьтала, но менӧ лыддьӧны пӧръясьысьӧн, менам пӧ абу мыжыс, но дойӧй менам оз бурд.

Псалтыр 6:3

Господьӧй, ло бур сьӧлӧма ме дінӧ, ӧд ме жеб. Бурдӧд менӧ, ӧд став лыӧй менам юкалӧ.

Еремей 14:19

– Господьӧй, Тэ ӧмӧй дзикӧдз ӧтдортін Иудаӧс? Тэ ӧмӧй мустӧмтан Сионӧс? Мыйла Тэ сэтшӧма дойдалін миянӧс, мый огӧ вермӧй бурднысӧ? Ми виччысим лӧнь олӧм, но нинӧм бурыс эз ло миянлы. Ми виччысим бурдӧм, но воис повзьӧдан кад.

Еремей 14:3

Ыджыдъяс мӧдӧдӧны ассьыныс кесъялысьяссӧ вала, найӧ мунӧны юкмӧс дорӧ, но ваыс сэні абу. Найӧ бӧр локтӧны куш дозъясӧн, найӧ шӧйӧвошӧмаӧсь, яналӧмӧн вевттьӧны юрнысӧ.

Еремей 20:18

Мыйла ме петі мам кынӧмысь? Сы могысь ӧмӧй, медым аддзыны мырсьӧм да шог, медым олан лунъясӧй помасисны яналӧмӧн?

Еремей 20:7

– Господьӧй, Тэ ылӧдлін менӧ, и менӧ лои ылӧдлӧма. Тэ вермин менӧ, ӧд Тэ меысь вынаджык. Быд лун сералӧны ме вылын, ставныс лёкӧдӧны менӧ.

Еремей 30:12

Господь тадзи висьталӧ: – Тэнад дойыд оз бурд, тэ чорыда доймалӧмыд.

Еремей 30:15

Мыйла тэ ойзан аслад дойыд вӧсна, бурдлытӧм висьӧмыд вӧсна? Тэ вывті уна лёксӧ вӧчин, тэнад мыжъясыд лыдтӧм-тшӧттӧмӧсь, та вӧсна Ме вӧчи тэныд тадзисӧ.

Микей 1:14

Сетӧй козинъястӧ Морешет-Гефын олысьяслы. Шӧйӧвошисны израильса ӧксыяс, ӧд весьшӧрӧ виччысисны Акзив карсянь отсӧгсӧ.

Микей 1:9

Самариялӧн дойыс бурдлытӧм, сійӧ вуджас Иуда муӧдз, менам войтырлӧн дзиръяӧдз, воас Ерусалим карӧдз.