Еремей 14:7 - Коми Библия 2023

⁷ – Мыжъясным мыждӧны миянӧс, но Тэ, Господьӧй, отсав миянлы Аслад нимыд ради. Ми унаысь эновтлім Тэнӧ, мыж вӧчим Тэныд паныд.

Еремей 14:7 Kruisverwysings

Ездра 9:15

Господьӧй, Израильлӧн Енмӧй, Тэ веськыд Ен! Талун ми, войтырлӧн колясыс, асланым мыжъясӧн сулалам Тэ водзын. Дерт, татшӧмтор бӧрын ми огӧ шогмӧй локны Тэнад чужӧмбан водзӧ».

Псалтыр 115:1

Ме эска, та вӧсна висьтала. Кор ме вӧлі шогӧ усьӧма,

Псалтыр 25:11

Но ме ола сӧстӧма. Мезды менӧ, [Господьӧй,] ло бур сьӧлӧма ме дінӧ!

Псалтыр 79:9

Египетысь Тэ вайин виноград вожтӧ, вӧтлін войтыръясӧс, а вожтӧ вужйӧдін.

Исай 48:11

Ас вӧсна, дзик Ас вӧсна Ме вӧча тадзи, Ме ог лэдз янӧдны Ассьым нимӧс, Ассьым дзирдлунӧс Ме некодлы ог сет.

Исай 59:12

Ӧд ми Тэныд паныд уна лёк вӧчим, миян мыжъясным мыждӧны миянӧс, лёк вӧчӧмъясным век миянкӧд, ми тӧдам ассьыным мыжъяснымӧс.

Еремей 10:19

Курыд шог меным! Менам дойӧй ёна висьӧ, но ме шуи, мый тайӧ дойсӧ ме верма нуны.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 3:25

Яналӧмӧн уськӧдчамӧй муас, юръяндзим мед вевттяс миянӧс, ӧд томдырсянь да ӧніӧдз ми да миян батьясным мыж вӧчим асланым Господь Енлы паныд. Ми эгӧ кывзӧй Господьӧс, ассьыным Енмӧс.

Еремей 3:6

Иосей ӧксылӧн веськӧдлан кадӧ Господь шуис меным: «Аддзылін-ӧ тэ, мый вӧчис Израиль войтыр, коді эновтіс Менӧ? Сійӧ ветлывліс быд джуджыд керӧс вылӧ да быд пашкыр пу улӧ, и сэні кырсалысь ань моз сетчис мукӧд енъяслы.

Еремей 5:25

Лёк вӧчӧмъясныд гусялісны тіянлысь зэр да нянь, мыжъясныд мырддисны тіянлысь став бурсӧ.

Еремей 5:6

Та вӧсна сук вӧрысь на вылӧ уськӧдчас лев, овтӧминса кӧин косявлас найӧс, леопард кыйӧдчӧ на бӧрся кар дорын, косявлас найӧс, кодъяс петасны карысь, ӧд налӧн мыжныс лыдтӧм-тшӧттӧм, найӧ унаысь эновтлісны Енсӧ.

Еремей 8:14

– Мый нӧ ми пукалам? Чукӧртчӧй, мунамӧй изкаръясӧ, и сэні кулам. Господь, миян Енным, шуис бырӧдны миянӧс, Сійӧ юктӧдӧ миянӧс яд сора ваӧн, ӧд ми мыж вӧчим Господьлы паныд.

Еремей 8:5

Мыйла тайӧ войтырыс бергӧдчӧма Меысь, мыйла Ерусалимын олысьяс эновтӧмаӧсь Менӧ? Найӧ зумыда кутчысьӧны ылӧгас, оз кӧсйыны бӧр бергӧдчыны.

Езекиль 20:14

Но Аслам нимӧй вӧсна Ме тайӧс эг вӧч, медым Менсьым нимӧс эз ло янӧдӧма мукӧд войтыръяс водзын, кодъяслӧн син водзын Ме петкӧді найӧс Египетысь.

Езекиль 20:22

Но Аслам нимӧй вӧсна Ме эг лэпты киӧс на вылӧ, медым Менсьым нимӧс эз ло янӧдӧма мукӧд войтыръяс водзын, кодъяслӧн син водзын Ме петкӧді найӧс Египетысь.

Езекиль 20:9

Но Аслам нимӧй вӧсна Ме тайӧс эг вӧч, медым Менсьым нимӧс эз ло янӧдӧма мукӧд войтыръяс водзын, кодъяс пӧвстын найӧ вӧлі олӧны. Ӧд тайӧ войтыръясыслӧн син водзын Ме восьті Ачымӧс Израиль войтырлы, кор петкӧді найӧс Египет муысь.

Осий 5:5

Израильлӧн вылӧ кыпӧдчӧмыс бергӧдчӧ аслыс паныд. Израиль да Ефрем усясны мыжныс понда, накӧд тшӧтш усяс Иуда.

Осий 7:10

Израильлӧн вылӧ кыпӧдчӧмыс ас вылас усьӧ, но сійӧ оз бергӧдчы Господь дінӧ, оз корсь ассьыс Енсӧ.

Амос 7:2

Саранча сёйис став турунсӧ. Сэки ме шуи: «Господьӧй Ыджыдӧй, прӧстит! Яков рӧд оз вермы водзсасьны, сійӧ ӧд этша лыда».

Микей 7:9

Ме мыжа Господь водзын, та вӧсна меным колӧ нуны Сылысь скӧрлунсӧ, кытчӧдз Сійӧ оз видлав менсьым мыжӧс да оз бурсьӧлӧмтчы ме дінӧ. Сэки Сійӧ петкӧдас менӧ югыдас, и ме аддза Сылысь веськыдлунсӧ.

Ефесӧ 1:12

Енмыс бӧрйис миянӧс, Кристос вылӧ медводдзаясӧн лача кутысьясӧс, медым миян пыр лоӧ ошкӧма Сылысь дзирдлунсӧ.

Ефесӧ 1:6

Сідзкӧ, ошкамӧй Енсӧ дзирдлуна буралӧмсьыс. Тайӧ буралӧмсӧ Сійӧ козьналіс миянлы Аслас муса Пиыс пыр.

Индӧд 32:27

но вӧрӧглӧн лёкӧдӧм вӧсна ог вӧч тайӧс, медым мустӧмтысь ылӧдлӧмӧн эз шу: «Миян киным ён. Эз Господь тайӧс вӧч».

Нав Исус 7:9

Кор ханаансаяс да тайӧ муас мукӧд олысьыс кыласны та йылысь, найӧ кытшаласны миянӧс да вуштасны нимнымӧс войтыръяс пӧвстысь. Мый Тэ вӧчан, медым дорйыны Ассьыд ыджыд нимтӧ?»