Еремей 13:19 - Коми Библия 2023

¹⁹ Негевын пӧдлалӧмаӧсь кар дзиръяяссӧ, некодлы найӧс восьтнысӧ. Иуда войтырӧс нуӧдӧны пленӧ, ставнысӧ ӧтитӧг босьтӧмаӧсь.

Еремей 13:19 Kruisverwysings

Ӧксыяслӧн 4 небӧг 25:21

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

1 Каднебӧг 9:1

Тадзи став Израиль войтырсӧ вӧлі лыддьӧдлӧма рӧд сертиныс да гижалӧма израильса ӧксыяслӧн небӧгӧ. Енсӧ эновтӧм вӧсна Иуда войтырӧс вӧлі нуӧдӧма пленӧ Вавилонӧ.

Иов 12:14

Сійӧ кӧ жугӧдас, выльысь он лэпты, пуксьӧдас кӧ мортсӧ иган сайӧ, сэтысь сійӧ оз пет.

Еремей 17:26

Иудаса каръясысь, Ерусалим гӧгӧрысь, Венямин муысь, Негев муысь, керӧсбердса да керӧсвыв муясысь локтасны йӧз да ваясны Господьлӧн керкаӧ сотан да мукӧд висьяс, нянь висьяс, чӧскыд ӧвтанторъяс да Господьӧс аттьӧалӧм могысь вайӧмторъяс.

Еремей 20:4

Ӧд Господь тадзи висьталӧ: ”Ме вӧча тэнӧ повзьӧдчанторйӧн аслыд и став тэнад ёртъясыдлы. Тэнад син водзын найӧ усясны вӧрӧглӧн шыпуртысь. Иуда войтырӧс Ме сета вавилонса ӧксы киӧ. Ӧтиясӧс сійӧ нуӧдас Вавилонӧ, а мӧдъясӧс виас шыпуртӧн.

Еремей 24:1

Вавилонса Навукодоносор ӧксы нуӧдіс Ерусалимысь Вавилонӧ пленӧ иудаса Еконей ӧксыӧс, Ехоякимлысь писӧ, тшӧтш иудаса юралысьясӧс, пуысь да кӧртысь вӧчасьысьясӧс. Та бӧрти Господь петкӧдліс меным инжир тыра кык чуман, мый вӧлі пуктӧма Господьлӧн крам водзӧ.

Еремей 28:4

Иудаса Еконей ӧксыӧс, Ехоякимлысь писӧ, да ставнысӧ, кодъясӧс Иудаысь вӧлі нуӧдӧма пленӧ Вавилонӧ, Ме бӧр вайӧда тайӧ муас, – висьталӧ Господь, – ӧд Ме жугӧда вавилонса ӧксылысь сийӧссӧ».

Еремей 32:44

эзысь вылӧ видз-му, аддзылысь-висьталысьяс дырйи кутасны гижавны видз-му ньӧбӧм йылысь кабалаяс да тупкыны найӧс сёйысь вӧчӧм печатьӧн. Тадзи кутасны вӧчны Венямин муын, Ерусалим кар гӧгӧрын, иудаса, негевса, керӧсвывса да керӧсбердса каръясын. Ӧд Ме бӧр бергӧда найӧс пленысь, – висьталӧ Господь».

Еремей 33:13

Керӧсвывса, керӧсбердса да негевса каръяс гӧгӧр, Венямин муын, Ерусалим да мукӧд иудаса каръяс гӧгӧр ыж видзысьяс бара кутасны лыддьыны ыжъяслысь лыдсӧ, – висьталӧ Господь».

Еремей 39:9

Карсьыс коляс войтырсӧ да вавилонса ӧксы дор вуджысьясӧс Навузардан, ӧксыӧс видзысьяслӧн юралысь, нуӧдіс пленӧ Вавилонӧ.

Еремей 52:27

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Еремей 52:28

Аслас сизимӧд веськӧдлан воӧ Навукодоносор нуӧдіс Иуда муысь пленӧ куим сюрс кызь куим мортӧс.

Еремей 52:30

Навукодоносорлӧн кызь коймӧд веськӧдлан воӧ Навузардан, ӧксыӧс видзысьяслӧн юралысь, нуӧдіс Иуда муысь пленӧ сизимсё нелямын вит мортӧс. Ставнас вӧлі нуӧдӧма нёль сюрс квайтсё мортӧс.

Бӧрданкыв 1:3

Иудаӧс нуӧдісны йӧз муӧ, сійӧ шогсьӧ, нартитӧмсьыс сьӧкыдалӧ. Сійӧ олӧ мукӧд войтыръяс пӧвстын, оз тӧд шойччӧгсӧ. Дзескӧдысьяс суӧдісны Иудаӧс, сійӧ эз вермы пышйыны.

Закар 7:7

Та йылысь Господь важӧн нин висьтавліс пророкъяс пыр, кор Ерусалим вӧлі уна йӧза да лӧнь карӧн, и кор сыгӧгӧрса каръясын, Негев муын да керӧсбердса муын олісны йӧз.

Индӧд 28:15

«Став тайӧ ёрӧмыс локтас тіян вылӧ, онӧ кӧ кутӧй кывзысьны Господьлысь, асланыд Енлысь, да овны Сылӧн став индӧд-тшӧктӧмыс серти, мый талун висьтала тіянлы.

Индӧд 28:52

Сійӧ муас, мый Господь, тіян Енныд, сетас тіянлы, найӧ кытшаласны тіянлысь каръяснытӧ да кисьтасны джуджыд ён стенъяснытӧ, мый вылӧ ті лачанытӧ кутанныд.

Нав Исус 18:5

Налы колӧ юкны му сизим пельӧ. Иуда чужанкотыр мед кольччас аслас лунвыв муӧ, и Ӧсипсянь чужысьяс мед кольччасны асланыс войвыв муӧ.