Еремей 12:3 - Коми Библия 2023

³ Господьӧй, Тэ тӧдан да аддзан менӧ, Тэ видзӧдан менам сьӧлӧмӧ да тӧдан, радейта-ӧ ме Тэнӧ. Торйӧд лёк вӧчысьясӧс начкысян лун кежлӧ, ыжъясӧс моз нуӧд найӧс начкӧм вылӧ.

Еремей 12:3 Kruisverwysings

Ӧксыяслӧн 4 небӧг 20:3

«Господьӧй, казьтышт, мый ме олі Тэ водзын веськыда, став сьӧлӧмсянь кесъялі Тэныд да вӧчи Тэ водзын шогманасӧ». Сэсся Езекей ёна бӧрддзис.

1 Каднебӧг 29:17

Енмӧй, ме тӧда, мый Тэ тӧдмалан мортлысь сьӧлӧмсӧ. Тэныд мусаӧсь сӧстӧм сьӧлӧмаяс. Став тайӧ сетӧмторсӧ ме вайи сӧстӧм сьӧлӧмсянь. Ме аддза, мый татчӧ чукӧртчӧм Тэнад войтырыд нимкодьпырысь вайӧны Тэныд сетӧмторъяс.

Иов 23:10

Но Сійӧ тӧдӧ менсьым туйӧс, зарниӧс моз Сійӧ тӧдмалӧ менӧ биӧн.

Псалтыр 11:5

миян кывным пӧ вына, вомнымӧс некод оз вермы тупкыны, некод оз вен миянӧс.

Псалтыр 17:3

Господьӧй, Тэ – менам зумыд изйыс да сайӧдчаніныс, менӧ Мездысьыс. Енмӧй, Тэ – менам изкыртаыс, Тэ вылӧ ме лача кута. Тэ – менам сайӧдыс, вына Дорйысьыс да Видзысьыс.

Псалтыр 26:1

Давидлӧн псалом. [Давид лӧсьӧдіс тайӧ сьыланкывсӧ сійӧс ӧксыӧ мавтышттӧдз.] Господь – менам югыдыс, менӧ Мездысьыс. Кодысь меным повнысӧ? Господь – менсьым олӧмӧс Видзысьыс. Кодысь меным повнысӧ?

Псалтыр 7:9

Господь мыждӧ войтыръясӧс. Мыжды менӧ, Господьӧй, менам веськыдлун да мыжтӧмлун серти.

Еремей 15:15

– Господьӧй, Тэ тӧдан ставсӧ! Эн вунӧд менӧ, отсав меным, водзӧс перйы менӧ дзескӧдысьяслысь. Он кӧ ӧдйӧджык водзӧс перйы, найӧ виасны менӧ. Тэ тӧдан, мый Тэ вӧсна найӧ лёкӧдӧны менӧ.

Еремей 17:16

Господьӧй, Тэ тӧдан, мый ме эг ӧтдортчы Тэнсьыд войтыртӧ видзӧмысь, ме эг кӧсйы, медым воис бырӧдан луныс. Тэ водзын восьса ставыс, мый петіс менам вомысь.

Еремей 17:18

Менӧ дзескӧдысьяс мед яналасны, а менӧ эн лэдз янӧдны! Найӧ мед поласны-тіраласны, а менӧ эн лэдз повзьӧдны! Мӧдӧд налы сьӧкыд кад, дзикӧдз пасьварт-бырӧд найӧс!

Еремей 20:12

Господь Саваоф, Тэ тӧдмалан веськыда олысьӧс, Тэ аддзан сылысь пытшкӧссӧ да сьӧлӧмсӧ. Сет меным аддзыны, кыдзи Тэ водзӧс перъян менӧ мустӧмтысьяслысь, ӧд Тэ водзӧ ме вая ассьым тӧжд-могӧс.

Еремей 48:15

Моавӧс лоӧ пазӧдӧма, сылысь каръяссӧ бырӧдасны, медбур зонъяссӧ начкасны, – висьталӧ Ӧксы, кодлӧн нимыс Господь Саваоф. –

Еремей 50:27

Виӧй вавилонса тышкайӧзӧс, ӧшъясӧс моз начкӧй найӧс. Курыд шог вавилонсаяслы, ӧд воис налӧн луныс, найӧс мыждан кадыс.

Еремей 51:4

Калдея муын кутасны куйлыны виӧмаяс, уличьяс вылын – шыпуртӧн бытшкӧмаяс.

Иоан 21:17

Сэсся коймӧдысь юаліс: «Симон, Ионалӧн пи, муса-ӧ Ме тэныд?» Петыр шогӧ усис, мый Исус коймӧдысь юаліс, муса-ӧ Сійӧ, да вочавидзис: «Господьӧй, Тэ ставсӧ тӧдан. Тэ тӧдан, мый Тэ меным муса». Исус шуис сылы: «Йирсьӧд Менсьым ыжъясӧс.

Яков 5:5

Ті олінныд тайӧ му вылас лышкыда да быдторнас чӧсмасинныд. Ті тшӧгӧдінныд асьнытӧ, кыдзи пемӧсъясӧс тшӧгӧдӧны начкысян лун кежлӧ.

2 Петыр 2:12

Тайӧ йӧзыс лёкӧдӧны сійӧ, мый асьныс оз гӧгӧрвоны. Найӧ вӧрын шӧйтысь кыйӧм-виӧм вылӧ чужӧм пемӧсъяс кодьӧсь. Вежӧртӧм пемӧсъясӧс моз найӧс и лоӧ бырӧдӧма.