Еремей 11:12 - Коми Библия 2023

¹² Сэки Иуда каръясын да Ерусалимын олысьяс шыасясны енъяс дінӧ, кодъяслы найӧ сотӧны висьяс, но налӧн енъясыс оз мездыны найӧс шог дырйиныс.

Еремей 11:12 Kruisverwysings

2 Каднебӧг 28:22

Тайӧ сьӧкыд кадас Ахаз ӧксы ёнджыка на мыж вӧчис Господьлы паныд.

Исай 45:20

Чукӧртчӧй да локтӧй, матыстчӧй ставныд, кодъяс ловйӧн колинныд войтыръяс пӧвстысь. Вежӧртӧмӧсь найӧ, кодъяс новлӧдлӧны ассьыныс пу идолъяснысӧ да кевмысьӧны енлы, коді оз мезды.

Исай 46:7

Найӧ лэптӧны ассьыныс енсӧ пельпом выланыс, нуӧны сійӧс да сувтӧдӧны аслас местаӧ. Сійӧ сулалӧ, оз вешйыв места вывсьыс. Найӧ горзӧмӧн шыасьӧны сы дінӧ, но сійӧ оз вочавидз, оз мезды шогъясысь.

Еремей 18:15

Но Менам войтырӧй вунӧдіс Менӧ, найӧ сотӧны висьяс абутӧм енъяслы. Найӧ крукасисны асланыс туй вылын, кежисны важ туй вылысь, ӧні ветлӧдлӧны сэті, кӧні туйыс абу.

Еремей 2:28

Но кӧні тіян киӧн вӧчӧм енъясныд? Вермӧны кӧ, найӧ мед отсаласны тіянлы шог дырйиныд. Ӧд тэнад, Иуда войтыр, сы мында жӧ енмыс, мыйта тэнад карыд.

Еремей 44:8

Ті дӧзмӧданныд Менӧ асланыд киӧн вӧчӧмторъясӧн. Ті сотанныд висьяс мукӧд енъяслы Египет муын, кытчӧ ті овмӧдчинныд. Тадзи ті асьнытӧ бырӧданныд. Мувывса став войтыръяс кутасны ёрны да лёкӧдны тіянӧс.

Индӧд 32:37

Сэки Господь шуас: – Кӧні налӧн енъясыс, кӧні изйыс, код вылӧ найӧ лачасӧ кутісны?

Индӧд 32:38

Кӧні енъясыс, кодъяс сёйисны тіян висьяслысь госсӧ, юисны вина висьнытӧ? Найӧ мед чеччасны да отсаласны тіянлы, найӧ мед видзасны тіянӧс.

Ёрдысьяс 10:14

Мунӧй да корӧй аслыныд бӧрйӧм енъяслысь, мед найӧ мездасны тіянӧс, кор тіянлы лоӧ сьӧкыд».