Еремей 10:22 - Коми Библия 2023

²² Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.

Еремей 10:22 Kruisverwysings

Исай 34:13

Сылӧн керкаясыс турунзясны бытшкасьысь турунӧн, сылӧн изкаръясыс – петшӧрӧн да йӧнмӧн. Сійӧ лоӧ шакалъяслӧн оланінӧн, страусъяслӧн шойччанінӧн.

Еремей 1:14

Господь шуис меным: «Тайӧ муас олысьяс вылӧ шогыс воас войвывсянь.

Еремей 1:15

Ме чукӧста войвылын олысь войтыръясӧс, – висьталӧ Господь. – Найӧ локтасны да ассьыныс юралан пуклӧснысӧ сувтӧдасны Ерусалим карлӧн дзиръя дорӧ да карса стенъяс гӧгӧр, тшӧтш Иуда му пасьтала быд карӧ.

Еремей 2:15

Том левъяс эргӧны сы вылӧ, кылӧ налӧн равзӧм шыыс. Израиль мусӧ найӧ вӧчисны овтӧминӧн, сылысь каръяссӧ пазӧдісны, сэні эз коль олысьыс.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 4:15

Дан чужанкотырлӧн мусянь кылӧ гӧлӧс шы, Ефрем керӧсвыв мусянь – бырӧдӧм йылысь юӧр.

Еремей 4:6

Лэптӧй дӧрапас Сион керӧс вылын, пышйӧй-котӧртӧй тэрмасьӧмӧн, ӧд войвывсянь Ме вайӧда ыджыд шог да бырӧдӧм.

Еремей 49:33

Хацор лоӧ шакалъяслы оланінӧн, пыр кежлӧ овтӧминӧн, сэні оз ло олысьыс, сэтчӧ некод оз овмӧдчы.

Еремей 5:15

Кывзы, Израиль войтыр! Ме вайӧда тэныд паныд ылі муысь войтырӧс, – висьталӧ Господь. – Тайӧ войтырыс вына, сійӧ вӧлі важысянь нин, сылысь кывсӧ тэ он тӧд, сёрнисӧ он гӧгӧрво.

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

Еремей 6:22

Господь тадзи висьталӧ: – Войвыв муысь локтӧны тышкайӧз, му помсянь локтӧ уна лыда войтыр.

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Бӧрданкыв 1:4

Сионӧ нуӧдан туйяс бӧрдӧны, некод оз лок гажӧдчан лунъяс кежлӧ, сылӧн дзиръяясӧд пырысьыс абу. Попъяс сьӧкыда ышлолалӧны, нывъяс шогысла ойзӧны – Сион тырӧма курыд шогӧн.

Езекиль 12:19

Тайӧ муас олысь Израиль войтырлы висьтав, мый висьталӧ Господь Ыджыдыс Ерусалимын олысьяс да Израиль му йылысь. Найӧ майшасьӧмпырысь кутасны сёйны ассьыныс няньсӧ, полӧмпырысь юны васӧ. Найӧ виалӧны-дзескӧдӧны, та вӧсна налысь мусӧ ставнас лоӧ куштӧма.

Малакий 1:3

а Исавӧс Ме мустӧмті. Исавлысь керӧсвыв мусӧ Ме вӧчи овтӧминӧн, сеті сійӧс шакалъяслы.