Еремей 1:9 - Коми Библия 2023

⁹ Господь нюжӧдіс кисӧ, инмӧдчыліс менам вомӧ да шуис меным: – Ассьым кывъясӧс Ме пукті тэнад вомӧ.

Еремей 1:9 Kruisverwysings

Исай 49:2

Сійӧ вӧчис менсьым кывйӧс ёсь шыпуртӧн, вевттис менӧ Аслас ки вуджӧрӧн, вӧчис менӧ ёсь ньӧвйӧн, Аслас ньӧвпуртӧсын видзис менӧ.

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Исай 51:16

Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»

Исай 59:21

Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.

Еремей 15:19

Господь меным тадзи висьталіс: – Тэ кӧ бергӧдчан Ме дінӧ, Ме сибӧда тэнӧ, и тэ кутан сулавны Ме водзын. Тэ кӧ кутан висьтавны донаторсӧ, он кӧ кут сёрнитны ковтӧмсӧ, сэки тэ лоан Менам вомӧн. Йӧзыс бергӧдчасны тэ дінӧ, но тэ эн бергӧдчы на дінӧ.

Еремей 34:6

Тайӧ кывъяссӧ Еремей пророк висьталіс иудаса Седекей ӧксылы Ерусалимын.

Еремей 36:2

«Босьт гижӧд тубрас да гиж сэтчӧ ставсӧ, мый Ме висьтавлі тэныд Израиль войтыр йылысь, Иуда войтыр йылысь да став войтыръяс йылысь сійӧ лунсяньыс, кор Ме шыасьлі тэ дінӧ Иосейлӧн веськӧдлан кадӧ да ӧніӧдз.

Еремей 5:14

Господь Ен Саваоф тадзи висьталӧ: – Сыысь, мый найӧ шуалӧны татшӧм кывъяс, Ме пукта Ассьым кывъясӧс тэнад вомӧ, и вӧча найӧс биӧн. А тайӧ войтырыс лоӧ пескӧн, и биыс ньылыштас найӧс.

Езекиль 3:10

Сійӧ шуис меным: «Морт пиӧй, кывзы Менсьым кывъясӧс, сибӧд сьӧлӧмад, мый Ме висьтала.

Даниил 10:10

Но кодлӧнкӧ киыс инмӧдчис меӧ да лэптіс менӧ, ме сувті пидзӧс вылӧ да киӧн мыджси муас.

Даниил 10:16

Но кодкӧ морт кодь инмӧдчис менам вомдорӧ, и ме понді сёрнитны. Ме шуи ме водзын сулалысьлы: «Ыджыдӧй, сыысь, мый ме аддзылі, менӧ топӧдіс чорыд дой, и ме дзикӧдз вынтӧмми.

Лыд 23:5

Господь тшӧктіс Валаамлы бӧр мунны Валак дінӧ да висьтавны сійӧ, мый сетіс сылы шуны.

Матвей 10:19

Кор тіянӧс нуӧдасны ёрдӧ, энӧ майшасьӧй, кыдзи да мый шуны, ӧд сійӧ кадас тіянлы лоӧ сетӧма, мый висьтавнысӧ.

Марк 7:33

Исус нуӧдіс сійӧс йӧз дінсьыс бокӧ, пуктіс чуньяссӧ сылы пеляс да сьӧлыштӧмӧн инмӧдчис сылы кывъяс.

Лука 12:12

Сійӧ кадас Вежа Лов туйдӧдас тіянӧс, мый колӧ шунысӧ».

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Индӧд 18:16

Тадзи збыльмас сійӧ, мый ті коринныд Господьлысь, асланыд Енлысь, кор войтырыс чукӧртчис Хорив керӧс бокын. Ті ӧд шуинныд: ”Водзӧ ми огӧ вермӧй кывзыны асланым Господь Енлысь гӧлӧс шысӧ да видзӧдны тайӧ ыджыд би вылас. Ми полам, мый кулам”.

Индӧд 18:17

Сэки Господь шуис меным: ”Найӧ веськыда висьталӧны.

Индӧд 18:18

Ме сувтӧда налӧн вокъяс пӧвстысь тэ кодь пророкӧс налы да пукта Ассьым кывъясӧс сылӧн вомӧ. Сійӧ висьталас налы ставсӧ, мый Ме тшӧкта сылы.