Еремей 1:2 - Коми Библия 2023

² Иудаса Иосей ӧксылӧн, Амон пилӧн, дас коймӧд веськӧдлан воӧ Еремейлы вӧлі Господьсянь кыв.

Еремей 1:2 Kruisverwysings

Ӧксыяслӧн 3 небӧг 13:2

Сійӧ горӧдӧмӧн шуис висьпуктанінлы Господьлысь кывсӧ: «Висьпуктанін, висьпуктанін! Господь тадзи висьталӧ: ”Давид рӧдын чужас Иосей нима пи. Мылькъяс вылын кесъялысь попъясӧс сійӧ ваяс вись пыдди тэ вылын, сотас тэ вылын тшынӧдчысьяслысь лыяссӧ”».

Ӧксыяслӧн 3 небӧг 13:20

Пызан саяс пукаліганыс пророклы вӧлі Господьсянь кыв.

Ӧксыяслӧн 4 небӧг 21:18

Манассей куліс да вуджис батьясыс дінӧ. Сійӧс дзебисны аслас ӧксы керка йӧрӧ – Уззайлӧн сад йӧрӧ. Манассей бӧрти ӧксыӧ пуксис сылӧн Амон пиыс.

Ӧксыяслӧн 4 небӧг 21:24

Но Иуда войтыр виис ставнысӧ, кодъяс кыпӧдчисны Амон ӧксылы паныд. Амон бӧрти найӧ пуктісны ӧксыӧ сылысь Иосей писӧ.

Ӧксыяслӧн 4 небӧг 22:3

Аслас дас кӧкъямысӧд веськӧдлан воӧ Иосей ӧксы ыстіс Господьлӧн крамӧ ассьыс Шафан гижалысьӧс. Шафан вӧлі Ацалийлӧн пи, Ацалий – Мешулламлӧн. Иосей шуис Шафанлы:

Еремей 1:11

Меным вӧлі Господьсянь кыв: «Еремей, мый тэ аддзан?» Ме вочавидзи: «Аддза миндаль пулысь вожсӧ».

Еремей 1:4

Меным, Еремейлы, вӧлі Господьсянь кыв:

Еремей 25:3

«Иудаса Иосей ӧксылӧн, Амон пилӧн, дас коймӧд веськӧдлан восянь да ӧніӧдз, кызь куим во чӧж меным вӧлі Господьсянь кыв. Выльысь и выльысь ме висьтавлі тіянлы, но ті энӧ кывзӧй.

Еремей 28:12

Сы бӧрти, кор Хананей пророк жугӧдіс Еремей пророк сьылі вылысь сийӧссӧ, Еремейлы вӧлі Господьсянь кыв:

Еремей 3:6

Иосей ӧксылӧн веськӧдлан кадӧ Господь шуис меным: «Аддзылін-ӧ тэ, мый вӧчис Израиль войтыр, коді эновтіс Менӧ? Сійӧ ветлывліс быд джуджыд керӧс вылӧ да быд пашкыр пу улӧ, и сэні кырсалысь ань моз сетчис мукӧд енъяслы.

Еремей 36:2

«Босьт гижӧд тубрас да гиж сэтчӧ ставсӧ, мый Ме висьтавлі тэныд Израиль войтыр йылысь, Иуда войтыр йылысь да став войтыръяс йылысь сійӧ лунсяньыс, кор Ме шыасьлі тэ дінӧ Иосейлӧн веськӧдлан кадӧ да ӧніӧдз.

Осий 1:1

Берлӧн Осий пилы вӧлі Господьсянь кыв, кор Иуда муын сьӧрсьӧн-бӧрсьӧн юралісны Озей, Иотам, Ахаз да Езекей ӧксыяс, а Израиль муын юраліс Еровам ӧксы, Йоаслӧн пиыс.

Йоиль 1:1

Петуэллӧн Йоиль пилы вӧлі Господьсянь кыв.

Иона 1:1

Амиттайлӧн Иона пилы вӧлі Господьсянь кыв:

Микей 1:1

Морешетса Микейлы вӧлі Господьсянь кыв. Сійӧ кадӧ иудаса ӧксыӧн вӧлі Иотам, сэсся – Ахаз, а Ахаз бӧрын – Езекей. Микей аддзыліс Самария да Ерусалим йылысь петкӧдчылӧм.

Софоний 1:1

Софоний вӧлі Кушилӧн пи. Кушилӧн батьыс вӧлі Гедалий, Гедалийлӧн – Амарей, Амарейлӧн – Езекей. Иудаса Иосей ӧксылӧн, Амон пилӧн, веськӧдлан кадӧ Софонийлы вӧлі Господьсянь кыв: