Еремей 1:17 - Коми Библия 2023

¹⁷ Но тэ чеччы, вӧнясь да висьтав Иуда муын олысьяслы ставсӧ, мый Ме тшӧкта тэныд. Эн пов наысь. А повзян кӧ, сэки Ме повзьӧда тэнӧ налӧн син водзын.

Еремей 1:17 Kruisverwysings

Ӧксыяслӧн 3 небӧг 18:46

Господьлӧн вына киыс вӧлі Илля вылын. Коссӧ вӧнялӧмӧн сійӧ котӧртіс Ахав водзвылын Изреельӧдз.

Ӧксыяслӧн 4 небӧг 1:15

Господьлӧн андел шуис Иллялы: «Мун сыкӧд. Эн пов сыысь». Илля муніс тышкакотырӧн веськӧдлыськӧд ӧксы дінӧ.

Ӧксыяслӧн 4 небӧг 4:29

Сэки Елисей шуис Гезийлы: «Вӧнясь, босьт менсьым беддьӧс да тэрмасьӧмӧн пет туйӧ. Паныдасяс кӧ тэныд кодкӧ, сыкӧд эн чолӧмась, а сійӧ кӧ чолӧмасяс тэкӧд, эн вочавидз. Менсьым беддьӧс пукты зонкаыслы чужӧм вылас».

Ӧксыяслӧн 4 небӧг 9:1

Елисей пророк корис ӧти пророк-велӧдчысьӧс да шуис сылы: «Вӧнясь, босьт тайӧ вый тыра дозсӧ да мун галаадса Рамот карӧ.

Иов 38:3

Вӧнясь тышкаморт моз! Ме кута юасьны, а тэ Меным вочавидз.

Петӧм 3:12

Ен шуис: «Ме лоа тэкӧд. Со тэныд пас, мый Ме мӧдӧді тэнӧ. Кор тэ петкӧдан Менсьым войтырӧс Египетысь, ті юрбитанныд Енлы тайӧ керӧс вылас».

Петӧм 7:2

Тэ висьтав Аарон вокыдлы ставсӧ, мый Ме тшӧкта тэныд, а сійӧ висьталас фараонлы, медым фараон лэдзас Израиль пиянӧс мунны аслас муысь.

Еремей 1:18

Талун Ме вӧчи тэнӧ изкарӧн, кӧрт сюръяӧн да ыргӧн стенмӧн да сувтӧді тайӧ муыслы паныд, иудаса ӧксыяслы да юралысьяслы паныд, попъяслы да войтырлы паныд.

Еремей 17:18

Менӧ дзескӧдысьяс мед яналасны, а менӧ эн лэдз янӧдны! Найӧ мед поласны-тіраласны, а менӧ эн лэдз повзьӧдны! Мӧдӧд налы сьӧкыд кад, дзикӧдз пасьварт-бырӧд найӧс!

Еремей 23:28

Пророк, коді аддзыліс вӧт, мед висьталӧ сійӧс вӧтӧс моз, а пророк, кодлы вӧлі Месянь кыв, мед висьталӧ Менсьым кывйӧс веськыда». Позяс-ӧ идзас ӧткодявны шобді туськӧд? – висьталӧ Господь. –

Еремей 26:12

Еремей шуис юралысьяслы да став войтырыслы: «Господь мӧдӧдіс менӧ пророкавны тайӧ крамыс да тайӧ карыс йылысь ставсӧ, мый ті кывлінныд.

Еремей 26:2

«Господь тадзи висьталӧ: сувт Господьлӧн крам йӧрас. Иуда каръясысь олысьяс кор локтасны сэтчӧ, медым юрбитны Господьлӧн крамын, висьтав налы ставсӧ, мый Ме тшӧкта тэныд висьтавны, нинӧм эн чинты.

Еремей 36:8

Нирийлӧн Барук пиыс ставсӧ вӧчис Еремей пророклӧн тшӧктӧм серти. Господьлӧн крамын гижӧд тубрасысь сійӧ лыддис Господьлысь кывъяссӧ.

Бӧрданкыв 3:57

Кор ме шыаси Тэ дінӧ, Тэ матыстчин ме дінӧ да шуин: «Эн пов».

Иона 3:2

«Мун Ниневияӧ, тайӧ ыджыд карас, да юӧрт сэні, мый Ме тшӧкта».

Лука 12:35

«Вӧнясьӧй да ӧзтӧй бинытӧ.

Ап. уджъяс 20:20

Йӧз водзын да тіян гортъясын велӧдігӧн ме висьталі тіянлы став коланасӧ.

Ап. уджъяс 20:27

ме ӧд ланьтлытӧг висьтавлі тіянлы Енлысь став кӧсйӧмсӧ.

1 Коринфӧ 9:16

Ме кӧ висьтавла Бур Юӧр, меным нинӧмӧн ошйысьнысӧ, ӧд тайӧс меным Енмыс тшӧктіс вӧчны. Курыд шог меным, ог кӧ висьтавлы сійӧс!

1 Фессалоникаӧ 2:2

Ті тӧданныд, мый таысь водзджык Филип карын ми уна сьӧкыд нуим, миянӧс янӧдісны да нӧйтісны. Но та вылӧ видзӧдтӧг, Ен отсӧгӧн, восьсӧн да повтӧг висьтавлім тіянлы Сылысь Бур Юӧрсӧ.

1 Петыр 1:13

Сідзкӧ, лоӧй дасьӧсь да олӧй садь вежӧрӧн. Кутӧй зумыд лача Енлӧн буралӧм вылӧ, коді вичмас тіянлы Исус Кристос локтігӧн.