Еремей 1:16 - Коми Библия 2023

¹⁶ Ме понда мыждыны Иуда муын олысьясӧс став налӧн лёк вӧчӧмысь, ӧд найӧ эновтісны Менӧ, сотісны висьяс мукӧд енъяслы да копрасисны асланыс киӧн вӧчӧмторъяслы.

Еремей 1:16 Kruisverwysings

Ӧксыяслӧн 4 небӧг 22:17

Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй ыпъялӧ тайӧ карыс вылӧ да оз куслы”.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

2 Каднебӧг 28:2

Сійӧ ветліс израильса ӧксыяслӧн туйӧд, весиг сывдӧмӧн вӧчис Ваал бӧлбанъяс.

2 Каднебӧг 34:25

Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй киссяс тайӧ карыс вылӧ да оз куслы”.

2 Каднебӧг 7:19

Но ті кӧ кежанныд Меысь да эновтанныд Менсьым индӧд-тшӧктӧмъясӧс, мый Ме сеті тіянлы, кутанныд кӧ кесъявны да юрбитны мукӧд енъяслы,

Исай 2:8

Налӧн муыс тырӧма идолъясӧн, найӧ копрасьӧны асланыс киӧн вӧчӧмторъяслы.

Исай 37:19

а налысь енъяссӧ шыблалісны биӧ. Но тайӧ эз вӧвны енъяс, а пуысь да изйысь вӧчӧмторъяс. Та вӧсна и вермисны бырӧдны найӧс.

Исай 44:15

Ломтас вылӧ сійӧ чукӧртӧ пу, сотӧ пусӧ, медым шонтысьны, пестӧ би да пӧжалӧ сы вылын нянь. Тайӧ жӧ пусьыс морт вӧчӧ енмӧс да юрбитӧ сылы, вӧчӧ бӧлбанӧс да копрасьӧ сылы.

Исай 65:3

Ме нюжӧдлі киӧс войтыр дінӧ, коді яндысьтӧг дӧзмӧдліс Менӧ. Расъясын найӧ вайӧны висьяс, тшынӧдчӧны кирпичысь вӧчӧм висьпуктанін вылын,

Еремей 10:15

Найӧ нинӧм дон оз сулавны, найӧ тешкодь вӧчӧмторъяс, мыждан лунӧ найӧ бырасны.

Еремей 10:3

Ӧд войтыръяс эскӧны-юрбитӧны абутӧмыслы. Вӧрын кодкӧ пӧрӧдӧ пу, пуысь вӧчасьысь вӧчӧ бӧлбанӧс,

Еремей 11:12

Сэки Иуда каръясын да Ерусалимын олысьяс шыасясны енъяс дінӧ, кодъяслы найӧ сотӧны висьяс, но налӧн енъясыс оз мездыны найӧс шог дырйиныс.

Еремей 11:17

Господь Саваоф, коді пуктіс да быдтіс Израиль да Иуда войтыръясӧс, шуис мӧдӧдны на вылӧ шог налӧн лёк уджъясныс понда. Зывӧк Вааллы вись сотӧмнас найӧ скӧрмӧдісны Господьӧс. Тадзи аслыныс вӧчисны лёксӧ.

Еремей 15:6

Тэ эновтін Менӧ, – висьталӧ Господь, – тэ кежин Меысь. Та вӧсна Ме лэпта тэ вылӧ Ассьым киӧс да бырӧда тэнӧ, Ме мудзи тэ дінӧ буравны.

Еремей 16:11

Сэки тэ шу налы: тайӧ лои сы понда, мый тіян батьясныд эновтісны Менӧ, – висьталӧ Господь. – Найӧ юрбитісны-копрасисны мукӧд енъяслы да кесъялісны налы, а Менӧ эновтісны да эз овны Менам Индӧд серти.

Еремей 17:13

Господьӧй, Тэ – Израильлӧн лачаыс! Тэнӧ эновтысьяс ставныс яналасны, Тэысь кежысьяс бырасны бус вылӧ гижӧм нимъяс моз, ӧд найӧ эновтісны Господьӧс, ловъя ва петанінсӧ.

Еремей 18:15

Но Менам войтырӧй вунӧдіс Менӧ, найӧ сотӧны висьяс абутӧм енъяслы. Найӧ крукасисны асланыс туй вылын, кежисны важ туй вылысь, ӧні ветлӧдлӧны сэті, кӧні туйыс абу.

Еремей 19:4

Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.

Еремей 2:13

Менам войтырӧй вӧчис кык лёктор: эновтіс Менӧ, ловъя ва петанінсӧ, да кодйис аслыс буждысь юкмӧсъяс, кодъяс оз вермыны ва кутны.

Еремей 2:17

Но таысь тэ ачыд мыжа, ӧд тэ эновтін Господьӧс, ассьыд Ентӧ, кор Сійӧ нуӧдіс тэнӧ.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 2:28

Но кӧні тіян киӧн вӧчӧм енъясныд? Вермӧны кӧ, найӧ мед отсаласны тіянлы шог дырйиныд. Ӧд тэнад, Иуда войтыр, сы мында жӧ енмыс, мыйта тэнад карыд.

Еремей 4:12

Татшӧм ён тӧвныр локтас Менам кӧсйӧм серти, кор Ме понда мыждыны тайӧ войтырсӧ.

Еремей 4:28

Муыс пондас бӧрдны, выліын енэжыс пемдас. Ме шуи тадзи, и ог веж Ассьым кывйӧс.

Еремей 44:17

Ми водзӧ кутам вӧчны ставсӧ, мый кӧсйысим енэжвывса ӧксы-аньлы. Ми кутам тшынӧдчыны да вайны сылы вина вись, кыдзи ми, миян батьясным, ӧксыясным да юралысьясным вӧчлім иудаса каръясын да ерусалимса уличьяс вылын. Сэки ми пӧттӧдз сёйим-юим, бура олім да шогсӧ эгӧ тӧдлӧй.

Еремей 5:29

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Еремей 5:9

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Еремей 51:17

Быд морт мывкыдтӧм, сылӧн тӧдӧмлуныс абу, идолъясӧс сывдысь-вӧчысьӧс лоӧ янӧдӧма, ӧд сылӧн бӧлбанъясыс – ылӧг енъяс, на пытшкын олӧмыс абу.

Еремей 7:17

Тэ ӧмӧй он аддзы, мый найӧ вӧчӧны иудаса каръясын да ерусалимса уличьяс вылын?

Еремей 7:18

Челядь пес чукӧртӧны, батьяс бипур пестӧны, аньяс няньшом дасьтӧны, медым кӧвдум пӧжавны идоллы, кодӧс шуӧны енэжвывса ӧксы-аньӧн. Найӧ вайӧны вина вись мукӧд енъяслы и тадзи дӧзмӧдӧны Менӧ.

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Езекиль 16:18

Серлӧдлӧм паськӧмнад тэ вевттин найӧс, Менсьым олив выйӧс да Менсьым тшынӧдчанторйӧс пуктывлін на водзӧ.

Езекиль 24:14

Тайӧс висьтала Ме, Господь. Мый шуи, вӧча, ог веж Ассьым шуӧмӧс, ог жалит, ог бурсьӧлӧмтчы. Тэнӧ лоӧ мыждӧма лёк оласногыд да уджъясыд серти, – висьталӧ Господь Ыджыдыс».

Осий 11:2

Сійӧс чукӧстісны, и сійӧ муніс Ме дінысь, пондіс вись вайны Ваал идолъяслы, сотны висьяс бӧлбанъяслы.

Осий 8:6

Израиль вӧчис ӧшкӧс, дорччысь вӧчис бӧлбанӧс, но сійӧ абу Ен. Самариялысь ӧшсӧ лоӧ торпыригӧдз жуглӧма!

Йоиль 2:11

Гораа чуксалӧмӧн Господь веськӧдлӧ тышкайӧзнас, Сылӧн тышкайӧзыс лыдтӧм-тшӧттӧм, Сылӧн тшӧктӧм серти вӧчысь вына. Господьлӧн луныс ыджыд да повзьӧдана, вермас-ӧ кодкӧ ловйӧн кольны?

Ап. уджъяс 7:41

Сэки найӧ вӧчисны ӧшкӧс, вайисны тайӧ идолыслы вись да нимкодясисны киӧн вӧчӧмторныс водзын.

Индӧд 28:20

Господь мӧдӧдас тіян вылӧ ёрӧм, шызьӧм да шӧйӧвошӧм быдторйын, кытчӧдз тіянӧс оз ло бырӧдӧма. Ті куланныд лёк вӧчӧмныд вӧсна, ӧд эновтінныд Господьӧс.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Нав Исус 24:20

Ті кӧ эновтанныд Господьӧс да кутанныд кесъявны мукӧд енъяслы, Сійӧ лэдзас лёксӧ тіян олӧмӧ да бырӧдас тіянӧс, мед кӧ весиг водзынсӧ Сійӧ бур вӧчис тіянлы».

Восьтӧм 9:20

Мукӧд йӧзыс, кодъяс тайӧ бырӧданторъяссьыс ловйӧн колины, эз бергӧдчыны асланыс лёк уджъясысь. Найӧ важ мозыс копрасисны мутияслы да зарниысь, эзысьысь, ыргӧнысь, изйысь да пуысь вӧчӧм идолъяслы, кодъяс оз вермыны аддзыны, кывны ни ветлыны.