Еремей 1:11 - Коми Библия 2023

¹¹ Меным вӧлі Господьсянь кыв: «Еремей, мый тэ аддзан?» Ме вочавидзи: «Аддза миндаль пулысь вожсӧ».

Еремей 1:11 Kruisverwysings

Олӧм 30:37

Оржы, миндаль да платан пуясысь Яков перйис уль ньӧр да вундаліс кырсьсӧ сідз, мый ньӧрйыс лои еджыд визьяса.

Исай 55:11

Тадзи жӧ Менам кывйӧй, мый петӧ Менам вомысь, оз бергӧдчы Ме дінӧ кушӧн, а вӧчӧ Менам кӧсйӧм серти, вӧчӧ ставсӧ, мый могысь Ме мӧдӧді сійӧс.

Еремей 24:3

Господь шуис меным: «Еремей, мый тэ аддзан?» Ме вочавидзи: «Аддза инжир вотӧс. Бур инжир вотӧсыс – зэв бур, а лёк вотӧсыс – зэв лёк, весиг оз позь сёйнысӧ».

Езекиль 12:25

Мый Ме, Господь, висьтала, сійӧ збыльмас, и дыр виччысьны оз ков. Асныра войтырӧй, тіян олан лунъясӧ Ме висьтала Ассьым кывйӧс да збыльмӧда сійӧс, – висьталӧ Господь Ыджыдыс».

Езекиль 12:28

Та вӧсна шу налы, мый Господь Ыджыдыс тадзи висьталӧ: талунсянь Менсьым кывйӧс збыльмӧдӧм оз ло ылыстӧма. Мый висьтала, сійӧ збыльмас, – висьталӧ Господь Ыджыдыс».

Езекиль 7:10

Матыстчӧ сійӧ луныс, суас тіянӧс мыждӧмыс. Дзескӧдӧмӧн юралӧм паськалӧ, ыкшалун быдмӧ,

Амос 7:8

Господь юаліс менсьым: «Мый тэ аддзан, Амос?» Ме вочавидзи: «Изъя кӧв». Господь шуис: «Тайӧ изъя кӧвнас Ме тӧдмала Ассьым Израиль войтырӧс, медым аддзыны, веськыдӧсь-ӧ найӧ. Водзӧ найӧс ог прӧстит».

Амос 8:2

Господь юаліс: «Мый тэ аддзан, Амос?» Ме вочавидзи: «Кисьмӧм яблӧг-груша тыра куд». Господь шуис меным: «Менам Израиль войтырлы пом воис. Водзӧ найӧс ог прӧстит».

Закар 4:2

Сійӧ юаліс менсьым: «Мый тэ аддзан?» Ме вочавидзи: «Аддза зарни бикок. Бикок вылас вый доз. Доз дорыш гӧгӧрыс – сизим би петанін, быд би петанінын ӧзъялӧ сизим петель.

Закар 5:2

Андел юаліс: «Мый тэ аддзан?» Ме вочавидзи: «Аддза, мый гартӧм гижӧд лэбӧ. Сійӧ – кызь гырддза кузьта да дас гырддза пасьта».

Лыд 17:8

Мӧд луннас Мӧисей пырис [Ааронкӧд] вежа чомйӧ да аддзис, мый Левий чужанкотырысь Ааронлӧн беддьыс дзоридзалӧ. Беддьыс гаръялӧма, а гаръяссьыс мыччысьӧма дзоридз да вотӧсалӧма миндаль.