Еремей 1:10 - Коми Библия 2023

¹⁰ Талун Ме пукта тэнӧ войтыръяслы юӧртысьӧ, медым нетшкыны да жуглыны, бырӧдны да пазӧдны, выльысь тэчны да вужйӧдны.

Еремей 1:10 Kruisverwysings

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 19:17

Азаиллӧн шыпуртысь пышйысьӧс виас Еху, а Ехулӧн шыпуртысь пышйысьӧс виас Елисей.

Еклесиаст 3:3

эм кад виавны и бурдӧдавны, жуглыны и тэчны,

Еремей 1:5

– Сыӧдз, кор Ме вӧчи тэнӧ мам кынӧмад на, Ме вӧлі тӧда нин тэнӧ. Сыӧдз, кор Ме вӧчи тэнӧ, мам кынӧмсьыд петтӧдз на, Ме вежӧді тэнӧ, пукті тэнӧ войтыръяслы пророкӧ.

Еремей 24:6

Налы бур вылӧ Ме веськӧда Ассьым синмӧс налань да бӧр бергӧда найӧс тайӧ муас. Ме ёнмӧда найӧс, ог пазӧд, Ме вужйӧда найӧс, ог нетшышт.

Еремей 25:13

Ме вӧча Калдея мулы Аслам кывъяс серти, вӧча ставсӧ, мый Еремей водзвыв висьталіс войтыръяс йылысь да мый гижӧма тайӧ небӧгас.

Еремей 31:28

Водзын Ме тӧждыси, медым нетшкыны-пазӧдны, жугӧдны-бырӧдны найӧс да лёксӧ вӧчны налы. Ӧні Ме тадзи жӧ тӧждыся, медым лэптыны да быдтыны найӧс, – висьталӧ Господь.

Еремей 31:40

Став ковтысыс, кытчӧ гуалӧма морт шойяс да шыблалӧма сотӧм висьяслысь пӧимсӧ, тшӧтш асыввылын став видз-муыс Кедрон ковтысӧдз да Вӧв дзиръя пельӧсӧдз лоӧны Господьлӧн вежа карӧн. Тайӧ карсӧ сэсся некор оз ло пазӧдӧма-бырӧдӧма.

Еремей 36:2

«Босьт гижӧд тубрас да гиж сэтчӧ ставсӧ, мый Ме висьтавлі тэныд Израиль войтыр йылысь, Иуда войтыр йылысь да став войтыръяс йылысь сійӧ лунсяньыс, кор Ме шыасьлі тэ дінӧ Иосейлӧн веськӧдлан кадӧ да ӧніӧдз.

Еремей 44:27

Ме кута сюся видзӧдны тіян бӧрся, но тайӧ лоӧ тіянлы лёк вылӧ, а оз бур вылӧ. Египетын олысь Иуда войтыр кулас шыпуртысь да тшыглунысь, кытчӧдз ставнысӧ оз ло бырӧдӧма.

Еремей 45:4

Но Господь тшӧктіс меным юӧртны тэныд, мый Сійӧ тадзи висьталӧ: ”Мый Ме лэпті, жугӧда, и мый Ме вужйӧді, нетшка. Вӧча тайӧс став му пасьталаыс.

Езекиль 21:19

«Морт пиӧй, серпасав кык туй, кыті мунас вавилонса ӧксылӧн шыпуртыс. Кыкнан туйыс мед ӧти муысь петӧ. Кӧні туйяс заводитчӧны, сувтӧд сэтчӧ кык карӧ мунан пас.

Езекиль 23:36

Господь шуис меным: «Морт пиӧй, мыжды Оголаӧс да Оголиваӧс! Уськӧд налы тӧд выланыс зывӧк уджъяснысӧ.

Езекиль 32:18

«Морт пиӧй, ырзӧмӧн бӧрд египетса уна лыда войтыр вӧсна. Колльӧд найӧс да мукӧд вына войтыръясӧс, кодъяс мунасны му пыдӧсас, кулӧмаяс дінӧ.

Езекиль 36:36

Тіян гӧгӧр олысь войтыръяс тӧдмаласны, мый Ме, Господь, киссьӧм каръяссӧ лэпта, овтӧминсӧ ловзьӧда. Тайӧс висьтала Ме, Господь. Мый шуи, вӧча.

Езекиль 43:3

Татшӧм жӧ петкӧдчылӧмъяс ме аддзылі, кор Господь воліс бырӧдны Ерусалим кар, и кор ме вӧлі Кевар ю бокын. Ме кымынь уси муас.

Осий 6:5

Та вӧсна Ме нӧйтлі тіянӧс пророкъяс пыр, Аслам кывъясӧн виавлі тіянӧс. Менам веськыда мыждӧмӧй югдӧдысь югӧр кодь.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Амос 9:11

Сійӧ лунӧ Ме выльысь сувтӧда Давидлысь киссьӧм керкасӧ. Стен потасъяссӧ Ме дзоньтала, жугласьӧминъяссӧ лӧсьӧда, выльпӧв лэпта сійӧс важ мозыс.

Закар 1:6

Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».