Еремей 1:1 - Коми Библия 2023

¹ Тайӧ кывъясыс Еремейлӧн, Хилки пилӧн. Еремей вӧлі поп рӧдысь. Сійӧ оліс Венямин муын, Анатот карын.

Еремей 1:1 Kruisverwysings

Ӧксыяслӧн 3 небӧг 2:26

Авиатар поплы ӧксы шуис: «Мун бӧр Анатотӧ да вӧдит ассьыд видз-мутӧ. Тэнӧ эськӧ тшӧтш колӧ вины, но ме коля тэнӧ ловйӧн, ӧд тэ новлӧдлін Господь Ыджыдлысь кудсӧ менам Давид бать водзын да сыкӧд тшӧтш мунін сьӧкыдлунъяс пыр».

1 Каднебӧг 6:60

Таысь кындзи Венямин чужанкотыр вичмӧдіс налы Гева, Алемет да Анатот каръяс да нагӧгӧрса видзьяс. Ставнас Ааронсянь чужысьяслы вӧлі сетӧма дас куим кар.

2 Каднебӧг 35:25

Еремей сьыліс Иосей йылысь бӧрдан сьыланкыв. Сьылысьяс талунъя лунӧдз сьылӧны Иосей йылысь бӧрдан сьыланкыв. Тайӧ сьыланкывсӧ пыртӧма бӧрдан сьыланкывъяс лыдӧ, Израильын ӧнӧдз сійӧс сьылӧны.

2 Каднебӧг 36:12

Сійӧ вӧчис аслас Господь Ен водзын шогмытӧмсӧ. Сійӧ весиг эз раммӧдчы Еремей пророк водзын, коді сёрнитіс Господьсянь.

2 Каднебӧг 36:21

Тадзи иніс Господьлӧн шуӧмыс, мый Еремей висьтавліс, муыс пӧ лоӧ овтӧминӧн сизимдас во чӧж, сійӧ кутас шойччыны сійӧ кад чӧжыс, мыйта кад сылы шойччӧгсӧ эз сетлыны.

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 2:23

Анатотысь – сё кызь кӧкъямыс морт,

Исай 1:1

Тайӧ небӧгас гижӧма сы йылысь, мый Енмыс петкӧдліс Иуда му да Ерусалим кар йылысь Амослӧн Исай пилы. Тайӧ петкӧдчылӧмъяссӧ сійӧ аддзыліс иудаса Озей, Иотам, Ахаз да Езекей ӧксыяслӧн веськӧдлан кадӧ.

Исай 10:30

Галлим кар, горзы гораджыка! Лаис кар мед кылас тэнсьыд горзӧмтӧ, Анатот кар мед локтас тэныд отсӧг вылӧ!

Исай 2:1

Амослӧн Исай пилы вӧлі Иуда да Ерусалим йылысь восьтӧм.

Еремей 11:21

Господь тадзи висьталӧ: «Анатот карын олысьяс корсьысьӧны босьтны тэнсьыд олӧмтӧ. Найӧ шуалӧны: ”Эн пророкав Господь нимсянь! Кутан кӧ пророкавны, кулан миян ки помысь”.

Еремей 29:27

Сідзкӧ, мыйла он ӧлӧд Анатотысь Еремейӧс, медым сійӧ дугдіс пророкавны тіян пӧвстын?

Еремей 30:1

Еремейлы вӧлі Господьсянь кыв:

Еремей 37:12

Сэки Еремей кӧсйис мунны Ерусалимысь Венямин муӧ, медым дзебсьыны войтыр пӧвстӧ.

Езекиль 1:3

Калдея муын Кевар ю бокын меным, Езекиль поплы, Буз пилы, вӧлі Господьсянь кыв, и Сылӧн киыс вӧлі ме вылын.

Даниил 9:2

Сылӧн медводдза веськӧдлан воӧ ме, Даниил, гӧгӧрвои Гижӧдысь, мый Ерусалим кар лоӧ овтӧминӧн сизимдас во чӧж. Та йылысь Господь водзвыв висьтавліс Еремей пророклы.

Амос 1:1

Тайӧ кывъясыс Амослӧн, коді рӧдмӧдіс ыжъясӧс Текояын. Сійӧ аддзыліс Израиль йылысь петкӧдчылӧм, тайӧ вӧлі му вӧрӧмӧдз кык воӧн водзджык. Сэки Иуда муын юраліс Озей ӧксы, а Израиль муын – Еровам ӧксы, Йоаслӧн пиыс.

Амос 7:10

Вефильса Амасей поп мӧдӧдіс мортӧс израильса Еровам ӧксы дорӧ висьтавны: «Амос кыпӧдӧ Израиль войтырӧс тэныд паныд. Сылӧн сёрниыс бырӧдас мутӧ.

Матвей 16:14

Найӧ вочавидзисны: «Ӧтияс шуӧны, Пыртысь Иоан пӧ, мӧдъяс шуӧны, Илля пӧ, кодсюрӧ шуӧны, Еремей пӧ, а гашкӧ, нӧшта на мӧд пророк».

Матвей 2:17

Тадзи иніс Еремей пророклӧн шуӧмыс:

Матвей 27:9

Тадзи иніс Еремей пророклӧн шуӧмыс: – Босьтісны найӧ комын эзысь сьӧмсӧ, Израиль войтырӧн тайӧ Мортыс вӧсна шуӧм донсӧ,