Ёрдысьяс 9:57 - Коми Библия 2023

⁵⁷ Енмыс водзӧс перйис тшӧтш Сикем карса олысьяслысь став налӧн лёк вӧчӧмысь. Найӧс суис Ероваал Иотам пилӧн ёрӧмыс.

Ёрдысьяс 9:57 Kruisverwysings

Ӧксыяслӧн 2 небӧг 3:39

Менӧ мавтыштӧмӧн пуктӧма ӧксыӧ, но ӧні ме абу на сэтшӧм вына. А тайӧ йӧзыс, Саруялӧн пияныс, меысь ёна вынаджыкӧсь. Сідзкӧ, Господь мед Ачыс мынтысяс лёк вӧчысьлы сылӧн лёк вӧчӧмысь!»

Ӧксыяслӧн 3 небӧг 16:34

Ахавлӧн юралігӧн вефильса Хиэл выльысь лэптіс Ерикон кар. Карлы подув пуктӧмысь сійӧ воштіс медводдза чужысь Авирам писӧ, а карса дзиръя сувтӧдӧмысь воштіс Сегув нима медічӧт писӧ. Тадзи иніс Господьлӧн шуӧмыс, мый Сійӧ висьталіс Навлӧн Исус пи пыр.

Ӧксыяслӧн 3 небӧг 2:32

Господь водзын сійӧ ачыс мыжа аслас кулӧмысь, ӧд Давид батьӧйлы висьтавтӧг сійӧ виис шыпуртӧн кык мортӧс – Нирлысь Авенир писӧ, израильса тышкайӧзӧн веськӧдлысьӧс, да Етерлысь Амессай писӧ, иудаса тышкайӧзӧн веськӧдлысьӧс. Найӧ вӧліны сыысь веськыдджыкӧсь да бурджыкӧсь.

Псалтыр 7:17

Сылӧн лёк вӧчӧмыс бергӧдчас ас вылас, сылӧн виалӧм-дзескӧдӧмыс усяс сылы юр вылас.

Шусьӧгъяс 5:22

Лёк вӧчысьӧс сылӧн вӧчӧмторъясыс кыйӧны, мыжыслӧн кӧртӧдӧ сійӧ ачыс шедӧ.

Исай 3:11

Но курыд шог лёк вӧчысьлы! Сылы лоӧ мынтысьӧма уджъясыс серти.

Нав Исус 6:26

Исус нималіс став му пасьталаыс, ӧд Господь вӧлі сыкӧд.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.

Ёрдысьяс 10:1

Авимелек кулӧм бӧрын Израильӧс мездыны сувтіс Иссакар чужанкотырысь Тол, Додо Пуахлӧн пиыс. Тол оліс Ефрем керӧсвыв муын, Шамир карын.

Ёрдысьяс 9:20

А энӧ кӧ веськыда вӧчӧй, Авимелексянь мед петас би да ньылыштас Сикем да Бет-Милло каръясын олысьясӧс, и мӧдарӧ, Сикем да Бет-Милло каръясын олысьяссянь мед петас би да ньылыштас Авимелекӧс!»

Ёрдысьяс 9:24

Тадзи лои, медым водзӧс перйыны Авимелеклысь да сикемсаяслысь – Авимелеклысь сы вӧсна, мый сійӧ виис ассьыс вокъяссӧ, Еровааллысь сизимдас писӧ, а сикемсаяслысь сы вӧсна, мый найӧ отсалісны Авимелеклы вины сылысь вокъяссӧ.

Ёрдысьяс 9:45

Авимелек тышкасис сикемсаяскӧд лунтыр. Босьтіс карсӧ, а сэтчӧс олысьясӧс виаліс. Сикем карсӧ бырӧдӧм бӧрын кар местасӧ кояліс солӧн.

Ёрдысьяс 9:56

Енмыс тадзи водзӧс перйис Авимелеклысь сыысь, мый Авимелек лёксӧ вӧчис аслас батьыслы – виис ассьыс сизимдас воксӧ.