Ёрдысьяс 8:10 - Коми Библия 2023

¹⁰ Зевей да Салман ӧксыяс сэки вӧліны Каркор карын. Накӧд вӧлі дас вит сюрс морт, кодъяс колисны асыввыв войтыръяслӧн тышкайӧз пӧвстысь. А налӧн сё кызь сюрс тышкаморт усис тышын.

Ёрдысьяс 8:10 Kruisverwysings

Ӧксыяслӧн 4 небӧг 3:26

Моавса ӧксы кор аддзис, мый найӧс вермӧны, босьтіс аскӧдыс сизимсё шыпуртаӧс, мед уськӧдчыны эдомса ӧксы вылӧ да тадзикӧн петны кытшалӧм карсьыс. Но сылӧн тайӧ эз артмы.

2 Каднебӧг 13:17

Авий аслас тышкайӧзкӧд вермис-пасьвартіс израильсаясӧс. Вӧлі виӧма витсё сюрс медбур израильса тышкамортӧс.

2 Каднебӧг 28:6

Израильса ӧксы, Ремальлӧн Пеках пиыс, ӧти лунӧ виис сё кызь сюрс иудаса тышкамортӧс, ӧд найӧ эновтісны Господьӧс, асланыс батьяслысь Енсӧ.

2 Каднебӧг 28:8

Израильсаяс босьтісны пленӧ иудаса аньясӧс да ныв-зонмӧс, налӧн лыдыс вӧлі кыксё сюрс морт. Нӧшта мырддисны Иуда войтырлысь, асланыс вокъяслысь, уна эмбур да нуисны Самарияӧ.

Исай 37:36

Локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Исай 9:4

Найӧс личкысь сийӧссӧ Тэ жуглан, найӧс нӧйтысь бедьсӧ чегъялан, найӧс дзескӧдысьлысь орссӧ орйӧдлан, кыдзи вӧчин мадиан войтырӧс пасьвартан лунӧ.

Ёрдысьяс 20:15

Сійӧ лунӧ лыддисны Венямин чужанкотырлысь тышкайӧзсӧ. Шыпурта тышкайӧзлӧн лыдыс вӧлі кызь квайт сюрс морт, а Гива карын олысь медбур тышкайӧзлӧн лыдыс – сизимсё морт.

Ёрдысьяс 20:17

Израильса тышкайӧзлӧн лыдыс вӧлі нёльсё сюрс шыпурта морт, кодъяс кужисны бура тышкасьны. На лыдӧ эз пыр Венямин чужанкотыр.

Ёрдысьяс 20:2

Сэтчӧ чукӧртчисны Израиль войтырлӧн юралысьяс, чужанкотыръяслӧн юралысьяс да став Енлӧн войтырыс. Ставнас сэні вӧлі нёльсё сюрс шыпурта тышкаморт.

Ёрдысьяс 20:25

Веняминсянь чужысьяс петісны Гива карысь, уськӧдчисны израильсаяс вылӧ да виисны нӧшта дас кӧкъямыс сюрс шыпурта тышкамортӧс.

Ёрдысьяс 20:35

Господь сетіс израильсаяслы вермыны Венямин чужанкотырӧс. Сійӧ лунӧ израильсаяс виисны Венямин чужанкотырысь кызь вит сюрс сё шыпурта тышкамортӧс.

Ёрдысьяс 20:46

Ставнас Венямин чужанкотырлӧн шыпурта тышкайӧз пӧвстысь сійӧ лунӧ куліс кызь вит сюрс вына тышкаморт.

Ёрдысьяс 6:5

Вӧрӧг волывліс аслас ыж-мӧскӧн да чомъясӧн саранча чукӧръяс моз. Найӧ асьныс да налӧн верблюдъясыс вӧліны сы мында, мый весиг он вермы лыддьынысӧ. Найӧ локтісны да куштісны Израиль му.

Ёрдысьяс 7:12

Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.

Ёрдысьяс 7:13

Гедеон матыстчис да кыліс, кыдзи мадианса морт буретш висьталіс ёртыслы ассьыс вӧтсӧ: «Ме вӧтаси, быттьӧ миян чомъяслань гӧгыльтчис ид нянь тупӧсь. Сійӧ гӧгыльтчис ӧти чом дорӧ да пӧрӧдіс сійӧс. Чомйыс ставнас киссис».

Ёрдысьяс 7:22

Куимсё израильса тышкамортлӧн буксігкості Господь вӧчис сідзи, мый мадиансаяс виалісны ӧта-мӧднысӧ. А коляс тышкайӧзыс пышйисны Церера карлань Бет-Шитта карӧдз да Авел-Мехола кар дорӧдз, Табат карсянь матӧ.

Ёрдысьяс 8:11

Гедеон муніс караван туйӧд, Новах да Иогбега каръяс асыввывладорті. Сійӧ уськӧдчис вӧрӧглӧн тышкайӧз вылӧ, кор найӧ повтӧг шойччисны чомъясын.