Ёрдысьяс 4:3 - Коми Библия 2023

³ Сылӧн вӧлі ӧкмыссё кӧрт тарантас. Кызь во чӧж Сисар чорыда дзескӧдіс Израиль пиянӧс, та вӧсна найӧ бӧрдӧмӧн шыасисны Господь дінӧ.

Ёрдысьяс 4:3 Kruisverwysings

Псалтыр 106:42

Тайӧс аддзигӧн веськыда олысьяс нимкодясьӧны, а лёк вӧчысьяс тупкӧны вомнысӧ.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Петӧм 2:23

Уна во коли. Египетса ӧксы куліс. Израиль пиян ойзӧмӧн ойзісны сьӧкыд уджысь. Налӧн горзӧмыс воис Енмӧдз.

Индӧд 28:29

Луншӧрнас ті кутанныд ветлӧдлыны кималасӧн, кыдзи синтӧм ветлӧдлӧ пемыдас. Тіян нинӧм оз кут артмыны. Лунысь-лун тіянӧс кутасны увтыртны да дзескӧдны, и тіянӧс некод оз дорйы.

Индӧд 28:33

Тӧдтӧм войтыр кутас сёйны тэнсьыд мувыв быдтас-вотӧстӧ, сёяс ставсӧ, мый чукӧртін. Став олӧм чӧжныд ті лоанныд дзескӧдӧм да нартитӧм улынӧсь.

Нав Исус 17:16

Ӧсипсянь чужысьяс шуисны: «Тайӧ керӧсвыв муас миянлы дзескыд. Но ковтысын олӧны ханаансаяс, и налӧн эмӧсь тышӧ ветлан тарантасъяс Бет-Шеанын, сыгӧгӧрса сиктъясын да Изреель ковтысын».

Ёрдысьяс 1:19

Господь вӧлі Иуда чужанкотыркӧд. Найӧ босьтісны керӧсвыв му, но ковтысын олысьясӧс эз вермыны вӧтлыны, ӧд налӧн вӧліны кӧрт тарантасъяс.

Ёрдысьяс 10:10

Израиль пиян шыасисны Господь дінӧ: «Тэныд паныд ми мыжсӧ вӧчим! Ми эновтім ассьыным Енмӧс да юрбитім Ваал идолъяслы!»

Ёрдысьяс 10:16

Найӧ эновтісны мукӧд енъясӧс да кутісны кесъявны [сӧмын] Господьлы. Сэки Господь эз нин вермы видзӧдны, кыдзи вӧрӧг дзескӧдӧ Израильӧс.

Ёрдысьяс 3:15

Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Венямин чужанкотырысь Герлысь Эхуд писӧ. Сійӧ вӧлі шуйгун. Израиль пиян мӧдӧдісны Эхудӧс моавса Эглон ӧксы дінӧ мынтыны вот.

Ёрдысьяс 3:9

Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Кеназлысь Отниэл писӧ. Кеназ вӧлі Калевлӧн ичӧт вокыс.

Ёрдысьяс 4:13

Сисар чукӧртіс ассьыс тышкайӧзсӧ да ӧкмыссё кӧрт тарантассӧ. Аслас став тышкайӧзыскӧд сійӧ петіс Харошет-Гоим карысь Кишон ю дорӧ.

Ёрдысьяс 4:4

Сійӧ кадас Израиль войтырлы ёрдысьӧн вӧлі Девора нима ань, пророк, Лаппидотлӧн гӧтырыс.

Ёрдысьяс 5:8

Войтырыс вӧлі бӧрйӧма выль енъясӧс, та вӧсна дзиръя дорӧдз вӧрӧг локтіс. Израильын вӧлі нелямын сюрс тышкаморт, но сайӧдыс-шыпуртыс налӧн эз вӧв.

Ёрдысьяс 6:6

Мадиансаяс понда Израиль войтыр дзикӧдз гӧльмис. Сэки Израиль пиян шыасисны Господь дінӧ.

Ӧксыяслӧн 1 небӧг 7:8

Самуиллы шуисны: «Дугдывтӧг кевмысь миян вӧсна Господьлы, миян Енлы, медым Сійӧ мездас миянӧс филистимсаясысь». [Самуил шуис: «Мед оз ло сэтшӧмторйыс, мый ме кежа Господьысь, аслам Енмысь, да дугда кевмысьны тіян вӧсна».]