Ёрдысьяс 3:9 - Коми Библия 2023

⁹ Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Кеназлысь Отниэл писӧ. Кеназ вӧлі Калевлӧн ичӧт вокыс.

Ёрдысьяс 3:9 Kruisverwysings

Неемий 9:27

та вӧсна Тэ сетін найӧс мустӧмтысьяс киӧ, кодъяс дзескӧдісны найӧс. Но сьӧкыд кад дырйи найӧ горзӧмӧн шыасьлісны Тэ дінӧ, и Тэ кылін найӧс енэжсяньыс, Аслад ыджыд буралӧмыд вӧсна ыстылін дорйысьясӧс, кодъяс мездылісны найӧс дзескӧдысьясысь.

Псалтыр 22:5

Менӧ дзескӧдысьяслӧн син водзын Тэ дасьтан меным чӧскыд пызан, мавтан менсьым юрӧс выйӧн, тыртан менсьым чашаӧс тырӧдзыс.

Нав Исус 15:17

Карсӧ босьтіс Кеназлӧн [медічӧт] Отниэл пиыс. Кеназ вӧлі Калевлӧн вокыс. Калев ассьыс Акса нывсӧ сетіс Отниэл сайӧ.

Ёрдысьяс 1:13

Карсӧ босьтіс Кеназлӧн Отниэл пиыс. Кеназ вӧлі Калевлӧн ичӧт вокыс. Калев ассьыс Акса нывсӧ сетіс Отниэл сайӧ.

Ёрдысьяс 10:10

Израиль пиян шыасисны Господь дінӧ: «Тэныд паныд ми мыжсӧ вӧчим! Ми эновтім ассьыным Енмӧс да юрбитім Ваал идолъяслы!»

Ёрдысьяс 2:16

Господь сувтӧдліс Израиль войтырлы ёрдысьясӧс, кодъяс мездылісны найӧс мырддялысьяслӧн киысь.

Ёрдысьяс 2:18

Господь сувтӧдліс налы ёрдысьясӧс, и Ачыс вӧлі быд ёрдыськӧд. Господь мездывліс войтырсӧ вӧрӧг киысь ёрдысьлӧн олан кад чӧжыс. Ӧд Господьлӧн сьӧлӧмыс нормывліс войтырыслысь дзескӧдӧм вӧсна ойзӧмсӧ кылігӧн.

Ёрдысьяс 3:15

Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Венямин чужанкотырысь Герлысь Эхуд писӧ. Сійӧ вӧлі шуйгун. Израиль пиян мӧдӧдісны Эхудӧс моавса Эглон ӧксы дінӧ мынтыны вот.

Ёрдысьяс 3:8

Господь скӧрмис Израиль войтыр вылӧ. Сійӧ сетіс найӧс Месопотамияысь Кушан-Ришатаим ӧксы киӧ. Израиль пиян кесъялісны Кушан-Ришатаимлы кӧкъямыс во чӧж.

Ёрдысьяс 4:3

Сылӧн вӧлі ӧкмыссё кӧрт тарантас. Кызь во чӧж Сисар чорыда дзескӧдіс Израиль пиянӧс, та вӧсна найӧ бӧрдӧмӧн шыасисны Господь дінӧ.

Ёрдысьяс 6:7

Кор Израиль пиян мадиансаяс вӧсна шыасисны Господь дінӧ,

Ӧксыяслӧн 1 небӧг 12:10

Но батьясныд бӧрдӧмӧн шыасисны Господь дінӧ да шуисны: ”Ми мыж вӧчим – эновтім Господьӧс да кесъялім-юрбитім Ваал да Астарта идолъяслы. Мезды миянӧс вӧрӧг киысь, ми кутам кесъявны Тэныд”.