Ёрдысьяс 18:29 - Коми Библия 2023

²⁹ Найӧ сетісны карлы Дан батьыслысь, Израиль пилысь, нимсӧ, тадзи Лаис нимсӧ вежисны Дан ним вылӧ.

Ёрдысьяс 18:29 Kruisverwysings

Ӧксыяслӧн 3 небӧг 15:20

Бен-Хадад вӧчис Аса ӧксылӧн корӧм серти. Сійӧ мӧдӧдіс аслас тышкайӧзӧн веськӧдлысьясӧс израильса каръяслы паныд тышӧ. Найӧ пасьвартісны Ийон, Дан да Авел-Бет-Маака каръяс, Киннерет ты гӧгӧрысь муяс да став Неффалим му.

Нав Исус 19:47

Найӧ петісны тышӧ, уськӧдчисны Лешем кар вылӧ да виалісны шыпуртӧн сэтчӧс олысьясӧс. Найӧ босьтісны карсӧ аслыныс да овмӧдчисны сэтчӧ. Лешем карлы сетісны асланыс батьлысь Дан ним. [Аморейяс кольччисны овны Еломӧ да Саламинӧ. Но найӧс вермис Ефрем чужанкотыр, и аморейяс кутісны вот мынтӧм могысь уджавны Ефрем чужанкотырлы.]

Олӧм 14:14

Ӧврам мыйӧн тӧдмаліс Лотӧс пленӧ босьтӧм йылысь, чукӧртіс куимсё дас кӧкъямыс кесйӧгӧс, кодъяс чужлісны сы ордын, да Лотӧс босьтысьяс бӧрся вӧтчис Данӧдз.

Ёрдысьяс 20:1

Войвыв Дансянь лунвыв Бер-Шеваӧдз став Израиль войтыр, тшӧтш Галаад муын олысьяс, быттьӧ ӧти морт чукӧртчисны Миспаӧ Господь водзӧ.

Ӧксыяслӧн 2 небӧг 17:11

Та вӧсна ме вӧзъя тэныд: войвыв Дансянь лунвыв Бер-Шеваӧдз став Израиль войтырсӧ чукӧрт ас дінад. Налӧн лыдыс мед лоӧ саридздор лыа мында. Ачыд накӧд тшӧтш мун.

Олӧм 32:28

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Олӧм 30:6

Ракель шуис: «Енмыс ме дор, кыліс менӧ да сетіс меным пиӧс». Та вӧсна сійӧ пуктіс пиыслы Дан ним.

Ёрдысьяс 18:7

Тайӧ вит мортыс мунісны водзӧ да воисны Лаис карӧ. Найӧ аддзисны, мый сэтчӧс йӧзыс тӧждысьтӧг да повтӧг олӧны сидонсаяс моз. Сэтчӧс йӧз вылын некод эз ыджыдав, найӧс некод эз дзескӧд. Найӧ олісны сидонсаясысь ылын, и мукӧд йӧзкӧд эз волысьны.

Еремей 8:16

Дан чужанкотырлӧн мусянь кылӧ вӧвъяслӧн корскӧмыс, ужъяслӧн гӧрдлӧмысь муыс тіралӧ. Вӧрӧг локтіс бырӧдны тайӧ мусӧ да ставсӧ, мый тані быдмӧ, сійӧ бырӧдӧ Ерусалим кар да сэні олысьясӧс.

Индӧд 34:1

Мӧисей кайис Моав ласта вывсянь Нево керӧсвывса Фасга йылӧдз, мый Ериконлы воча. Сэтысянь Господь петкӧдліс сылы став мусӧ Галаадсянь Данӧдз,