Ёрдысьяс 15:2 - Коми Библия 2023

² шуис сылы: «Ме чайті, мый тэ мустӧмтан сійӧс, та вӧсна ме сеті сійӧс тэнад кӧлысьвывса ёртыд сайӧ. Но гӧтырыдлӧн ичӧтджык чой эм, сы дорысь на мичаджык, верман чойсӧ босьтны сы пыдди».

Ёрдысьяс 15:2 Kruisverwysings

Олӧм 38:14

Сэки Фамар пӧрччис дӧва паськӧмсӧ, вевттис чужӧмсӧ да гартыштчис дӧраӧн. Сэсся муніс Тимнаӧ мунан туйӧд Энаим сиктлань да пуксис сэтчӧс дзиръя дорӧ. Фамар тӧдіс, мый Шелай быдмӧма нин, но гӧтырӧ мыйлакӧ сійӧс пыр на эз босьтны.

Ап. уджъяс 26:9

Ме ачым быд ногыс паныд сувтлі Назаретса Исус нимлы. Чайті, тадзи колӧ вӧлі.

Ёрдысьяс 14:16

Самсонлӧн гӧтырыс бӧрдӧмӧн шуис верӧсыслы: «Тэ мустӧмтан менӧ, ме абу муса тэныд. Менам войтырлы висьталӧм нӧдкывтӧ мыйла он гӧгӧрвоӧд меным?» Самсон вочавидзис сылы: «Ме весиг бать-мамлы эг гӧгӧрвоӧд, и тэныд ог».

Ёрдысьяс 14:20

А Самсонлысь гӧтырсӧ сетісны Самсонлӧн кӧлысьвывса ёртыс сайӧ.

Ёрдысьяс 15:3

Самсон шуис сылы: «Ӧні ті, филистимсаяс, асьныд мыжаӧсь, мый ме кута тіянлысь водзӧс перйыны».