Ёрдысьяс 1:27 - Коми Библия 2023

²⁷ Манассей чужанкотыр эз вермы босьтны Бет-Шеан карсӧ [мӧд ногӧн кӧ, Скифополь карсӧ,] да сыгӧгӧрса сиктъяссӧ, Танак, Дор, Ивлеам да Мегиддо каръяссӧ да нагӧгӧрса сиктъяссӧ. Та вӧсна ханаансаяс кольччисны овны тайӧ муас.

Ёрдысьяс 1:27 Kruisverwysings

Ӧксыяслӧн 4 небӧг 23:29

Иосейлӧн ӧксыалігӧн Неко фараон, египетса ӧксы, мӧдӧдчис Ефрат ю дорӧ ассурса ӧксылы отсӧг вылӧ. Иосей ӧксы петіс фараонлы паныд тышӧ, но Мегиддо кар дорын фараон виис сійӧс.

Ӧксыяслӧн 4 небӧг 9:27

Иудаса Ахазий ӧксы кор аддзис Иорамлысь кулӧмсӧ, уськӧдчис пышйыны Бет-Хагганлань. Еху вӧтчис сы бӧрся аслас йӧзлы горзӧмӧн: «Виӧй тшӧтш сійӧс тарантасас!» Ахазийӧс дойдісны Ивлеам кар дорын Гур керӧсын. Но сійӧ воӧдчис на Мегиддо карӧдз, и сэні куліс.

Петӧм 23:32

[Энӧ ӧтувтчӧй накӧд да] энӧ кӧрталӧй йитӧд накӧд да налӧн енъяскӧд.

Еремей 48:10

Ёрӧма быдӧнӧс, коді дышпырысь кесъялӧ-уджалӧ Господьлы. Ёрӧма быдӧнӧс, коді падмӧдӧ Господьлысь шыпуртсӧ вир кисьтӧмысь.

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Нав Исус 21:25

Манассей джын чужанкотырлӧн муысь налы вичмис кык кар: Танак да Гат-Риммон каръяс да нагӧгӧрса видзьяс.

Ёрдысьяс 1:1

Исуслӧн кулӧм бӧрын Израиль пиян юасисны Господьлысь: «Коді миян пӧвстысь медводдзаӧн петас ханаансаяслы паныд тышӧ?»

Ёрдысьяс 1:21

Венямин чужанкотыр эз вӧтлы Ерусалимын олысь евуссаясӧс. Найӧ ӧнӧдз олӧны Ерусалимын Венямин чужанкотыр пӧвстын.

Ёрдысьяс 1:26

Тайӧ мортыс муніс хеттейяслӧн муӧ, кыпӧдіс сэні кар да сетіс карыслы Луз ним. Тайӧ карыс ӧнӧдз тадзи шусьӧ.

Ёрдысьяс 1:28

Бӧрынджык, кор Израиль войтыр вынсяліс, найӧ уджӧдісны ханаансаясӧс вот мынтӧм могысь, но эз вӧтлыны найӧс.

Ёрдысьяс 5:19

Ӧксыяс локтісны вермасьны, Танакын, мегиддоса ваяс дорын, тышкасисны, но ханаанса ӧксыяслы эзысь эз вичмы.

Ӧксыяслӧн 1 небӧг 15:9

Саул аслас йӧзкӧд жалитісны Агаг ӧксыӧс. Амаликъяслысь медбур ыжъяссӧ, ӧшъяссӧ, тшӧгӧдӧм баляяссӧ да став дона эмбурсӧ эз кӧсйыны бырӧдны, бырӧдісны сӧмын ковтӧмсӧ да лёкджыксӧ.

Ӧксыяслӧн 1 небӧг 31:10

Сауллысь тышкасянторъяссӧ пуктісны Астарталы юрбитанінӧ, а шойсӧ ӧшӧдісны Бет-Шеан карса стен бердӧ.