Ёрдысьяс 1:18 - Коми Библия 2023

¹⁸ Иуда чужанкотыр босьтіс нӧшта Газа, Аскалон да Экрон каръяс нагӧгӧрса муясӧн [да Азот кар сыгӧгӧрса муӧн].

Ёрдысьяс 1:18 Kruisverwysings

Ӧксыяслӧн 3 небӧг 4:24

Соломон кипод улын вӧліны Ефрат ю таладор муяс – Типсахсянь Газаӧдз. Соломон ыджыдаліс сэтчӧс ӧксыяс вылын. Быдлаын, кӧні сійӧ ыджыдаліс, войтыръяс олісны лӧня.

Петӧм 23:31

Ме сета тіянлы му Гӧрд саридзсянь Филистим саридзӧдз да овтӧминсянь [ыджыд Ефрат] юӧдз. Тайӧ муысь олысьяссӧ Ме сета тіян киӧ, и ті вӧтланныд найӧс.

Еремей 25:20

юктӧді сорласьӧм войтыръясӧс, Уц да Филистим муясысь ӧксыясӧс, филистимса Аскалон, Газа да Экрон каръясын олысьясӧс, тшӧтш Азот карын ловйӧн кольӧмаясӧс.

Еремей 47:5

Газа шырас ассьыс юрсисӧ, Аскалонын олысьясӧс лоӧ бырӧдӧма, лоӧ бырӧдӧма енак войтырлысь коляссӧ. Дыр-ӧ на ті кутанныд пуртӧн вундавны вир-яйнытӧ?

Индӧд 2:23

Аввейяс олісны Газаӧдз паськӧдчӧм сиктъясын, но Кафторысь петӧм войтыр бырӧдіс найӧс да овмӧдчис налӧн муӧ».

Нав Исус 11:22

Израиль муын эз коль енак войтырысь ни ӧти морт, найӧ колисны сӧмын Газаын, Гефын да Азотын.

Нав Исус 13:3

мый пырӧны Ханаан муӧ да паськӧдчӧны Египет мудорын визувтысь Шихор юсянь войвылӧ Экрон карӧдз. Тайӧ му вылас ыджыдалӧны филистимса вит юралысь: газаса, азотса, аскалонса, гефса да экронса юралысьяс. Сэні ыджыдалӧны тшӧтш аввейяс,

Нав Исус 15:11

Сэсянь мудорыс мунӧ Экрон войвывладорті да бергӧдчӧ Шикаронлань, сэсся вуджӧ Баала керӧс вомӧн, воӧ Явнеэлӧ да помасьӧ Ыджыд саридз дорын. Ыджыд саридзыс лоӧ рытыввыв мудорнас.

Ёрдысьяс 14:19

Господьлӧн Лолыс лэччис Самсон вылӧ. Самсон муніс Аскалонӧ да виис сэні комын мортӧс, пӧрччӧдіс на вылысь паськӧмсӧ да сетіс налы, кодъяс тӧдмалісны сылысь нӧдкывсӧ. Скӧрйывсьыс сійӧ бӧр муніс бать керкаас.

Ёрдысьяс 16:21

Филистимсаяс босьтісны Самсонӧс да бытшкисны сылысь кыкнан синсӧ. Сэсся вайӧдісны сійӧс Газа карӧ да кӧрталісны ыргӧн чепъясӧн. Дзескыдінын сылы ковмис изны нянь.

Ёрдысьяс 3:3

Ханаан муӧ вӧлі кольӧма филистимса вит юралысьӧс да ливанса керӧсъяс вылын Ваал-Ермон керӧссянь Лево-Хаматӧдз олысь ханаансаясӧс, сидонсаясӧс да хивейясӧс.

Ӧксыяслӧн 1 небӧг 6:17

Зарниысь вӧчӧм мыльяссӧ филистимсаяс вайисны Господьлы мыж вештан вись пыдди вит филистимса кар вӧсна: Азот, Газа, Аскалон, Геф да Экрон каръяс вӧсна.