Ёрдысьяс 1:1 - Коми Библия 2023

¹ Исуслӧн кулӧм бӧрын Израиль пиян юасисны Господьлысь: «Коді миян пӧвстысь медводдзаӧн петас ханаансаяслы паныд тышӧ?»

Ёрдысьяс 1:1 Kruisverwysings

Ӧксыяслӧн 3 небӧг 22:5

Иосафат нӧшта шуис израильса ӧксылы: «Но медводз юав Господьлысь, мый Сійӧ шуас».

Петӧм 18:15

Мӧисей висьталіс тесьтыслы: «Войтырыс локтӧ ме дінӧ юасьны Енлысь кӧсйӧмсӧ.

Петӧм 28:30

Веськыда мыждӧмсӧ петкӧдлан морӧсводзӧ сюй урим да туммим. Тадзи найӧ лоасны Ааронлӧн сьӧлӧм бердас, кор сійӧ [вежаинӧ пыригӧн] локтас Господь водзӧ. Господь водзӧ локтігӧн моросводзсӧ Аарон мед пыр кутас новлӧдлыны сьӧлӧм бердас. Морӧсводзыс петкӧдлӧ Израиль пиянлы веськыда мыждӧмсӧ.

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Ёрдысьяс 1:27

Манассей чужанкотыр эз вермы босьтны Бет-Шеан карсӧ [мӧд ногӧн кӧ, Скифополь карсӧ,] да сыгӧгӧрса сиктъяссӧ, Танак, Дор, Ивлеам да Мегиддо каръяссӧ да нагӧгӧрса сиктъяссӧ. Та вӧсна ханаансаяс кольччисны овны тайӧ муас.

Ёрдысьяс 2:21

Ме ог кут вӧтлыны на водзысь войтыръясӧс, кодъяс колисны тайӧ муас Нав Исуслӧн кулӧм бӧрын.

Ёрдысьяс 2:8

Навлӧн Исус пиыс, Господьлӧн кесйӧг, куліс, кор сылы вӧлі сё дас арӧс.

Ёрдысьяс 2:9

Сійӧс дзебисны аслас муӧ, Ефрем керӧсвывса Тимнат-Херес карӧ, Гааш керӧссянь войвылӧ.

Ёрдысьяс 20:18

Израильсаяс локтісны Вефильӧ да юалісны Енлысь: «Кутшӧм чужанкотырлы колӧ медводдзаӧн петны Венямин чужанкотырлы паныд тышӧ?» Господь вочавидзис: «Иуда чужанкотырлы».

Ёрдысьяс 20:27

Сійӧ кадас Енлӧн Йитӧд кудйыс вӧлі Вефильын, и Пинес, Ааронлӧн Элазар пиыслӧн пиыс, кесъяліс сы водзын. Израиль пиян юалісны Господьлысь: «Колӧ-ӧ миянлы бара на петны тышӧ Венямин чужанкотырлы, миян вокъяслы, паныд?» Господь шуис: «Петӧй. Аски Ме сета найӧс тіян киӧ».

Ӧксыяслӧн 1 небӧг 10:22

Сэки юалісны Господьлысь, локтас оз Саул. Господь вочавидзис, сійӧ пӧ кӧлуй чукӧр пытшкын дзебсясьӧ.