Еклесиаст 7:2 - Коми Библия 2023

² Гажӧдчанінӧ мунӧм дорысь бурджык мунны сэтчӧ, кӧні кулӧма вӧсна бӧрдӧны, ӧд сэні ловъя мортыс гӧгӧрвоӧ, мый виччысьӧ быдӧнӧс.

Еклесиаст 7:2 Kruisverwysings

Псалтыр 90:12

Найӧ нуасны тэнӧ ки выланыс, видзасны изйӧ крукасьӧмысь.

Еклесиаст 2:14

Мывкыд морт аддзӧ, кытчӧ мунӧ, а вежӧртӧм шӧйтӧ пемыдас. Но ме тӧдмалі, мый кыкнансӧ виччысьӧ ӧтитор.

Еклесиаст 2:16

Мывкыдаӧс оз кутны казьтывлыны вежӧртӧмӧс дорысь дырджык. Коляс кад, и ставсӧ вунӧдасны. Мывкыдаӧс и вежӧртӧмӧс ӧтмоза кулӧмыс суӧ.

Еклесиаст 3:19

Ӧд мортӧс и пемӧсӧс виччысьӧ ӧти и сійӧ жӧ: ӧтиыс кулӧ, и мӧдыс кулӧ. Ӧтиыс и мӧдыс ловъя дырйиыс лолалӧны, та вӧсна мортыс абу бурджык пемӧсысь – сідзкӧ, ставыс весьшӧрӧ.

Еклесиаст 3:20

Ставыс мунӧ ӧтилаӧ: ставсӧ вӧчӧма муысь, и ставыс бӧр бергӧдчӧ муӧ.

Еклесиаст 6:6

коді оліс эськӧ кык сюрс во да эз нимкодясь аслас эмбурӧн. Оз-ӧ ставныс мунны ӧтилаӧ?

Еклесиаст 9:2

И тайӧ ӧтмоза инмӧ быдӧнлы: веськыда олысьлы и лёк вӧчысьлы, бур [и лёк] мортлы, сӧстӧм и пеж мортлы, вись вайысьлы и сылы, коді оз вай висьяс. Бур мортӧс суӧ сійӧ жӧ, мый мыж вӧчысьӧс, кыв сетысьӧс – сійӧ жӧ, мый кыв сетны полысьӧс.

Еклесиаст 9:3

Тайӧ и эм лёкыс шонді улас, мый став йӧзыскӧд лоӧ ӧтмоза. Мортлӧн сьӧлӧмыс тырӧма лёкнас, йӧйлуныс олӧ сы пытшкын олӧм чӧжыс, и олӧм бӧрас мортыс мунӧ кулӧмаяс дінӧ – тайӧ тшӧтш лёк.

Еклесиаст 9:5

Ловъяяс тӧдӧны, мый куласны, а кулӧмаяс оз тӧдны нинӧм. Налы оз нин ло удждоныс, ӧд найӧс вунӧдӧма.

Исай 47:7

Тэ шуалін: «Ме пыр лоа ӧксы-аньӧн», но тэ эн мӧвпыштлы, эн кӧсйы тӧдны, мый лоӧ бӧрыннас.

Еремей 16:8

Эн мун гажӧдчанінӧ, эн пуксьы гажӧдчысьяскӧд ӧтвыв сёйны-юны.

Аггей 1:5

Господь Саваоф тадзи висьталӧ: – Видзӧдлӧй, кыдзи ті оланныд!

Малакий 2:2

– Ті кӧ онӧ кутӧй кывзысьны Менсьым, онӧ кӧ кутӧй сьӧлӧмсяньныд пыдди пуктыны Менӧ, – висьталӧ Господь Саваоф, – Ме ыста тіян вылӧ ёрӧм, бурсиӧм пыдди ёра тіянӧс. Но Ме тіянӧс ёри нин, ӧд ті онӧ сьӧлӧмсяньныд пыдди пуктӧй Менӧ.

Лыд 23:10

Коді вермас артавны Яковсянь чужысьясӧс, лыддьыны Израильлысь лыдтӧм-тшӧттӧм войтырсӧ? Веськыда олысьяс моз мед ме кула, олӧм помӧй мед лоас налӧн кодь!

Матвей 5:4

Шудаӧсь шогсьысьяс, ӧд найӧс шогсьыс пальӧдасны.

Индӧд 32:29

Вӧліны кӧ мывкыдаӧсь, эськӧ казялісны тайӧс, эськӧ гӧгӧрвоисны, мый найӧс виччысьӧ.

Индӧд 32:46

шуис: «Босьтӧй сьӧлӧманыд кывъяссӧ, мый талун висьтала тіянлы. Тшӧктӧй асланыд ныв-пилы овны тайӧ Индӧдыс серти.

Филипӧ 3:19

Налӧн помыс – кулӧм, налӧн енмыс – рушкуныс, найӧ ошйысьӧны асланыс янӧдан уджъясӧн. Найӧ мӧвпалӧны сӧмын мувывсаыс йылысь.

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.