Еклесиаст 6:2 - Коми Библия 2023

² Ен сетӧ мортлы озырлун, овмӧс-эмбур да нималӧм – ставсӧ, мый сылы колӧ, и мый сійӧ кӧсйӧ. Но Ен оз лэдз сылы нимкодясьны тайӧ озырлуннас, ӧд сылӧн озырлуныс вичмӧ йӧзлы. Тайӧ, вӧлӧмакӧ, весьшӧрӧ да ыджыд шог.

Еклесиаст 6:2 Kruisverwysings

Ӧксыяслӧн 3 небӧг 3:13

Нӧшта Ме сета тэныд озырлун да нималӧм, мый тэ эн корлы. Тэнад олан лунъяс дырйи Тэ кодь ӧксыыс му вылас оз ло.

1 Каднебӧг 29:25

Господь кыпӧдіс Соломонӧс став Израиль войтыр водзын да сетіс сылы сэтшӧм нималӧм, мый татшӧм нималӧмыс израильса ӧксыяслӧн эз вӧвлы.

1 Каднебӧг 29:28

Сійӧ кувсис ыджыд арлыдаӧн, олӧмнас пӧтӧмаӧн. Сылӧн вӧлі уна озырлун, вӧлі нималӧм. Сы пыдди ӧксынас лои Соломон пиыс.

2 Каднебӧг 1:11

Енмыс шуис Соломонлы: «Аслыд тэ эн кор озырлун, овмӧс-эмбур, нималӧм, эн кӧсйы тэнӧ мустӧмтысьяслы кулӧм, эн кор кузь нэм, но корин мывкыдлун да вежӧр, медым веськӧдлыны Менам войтырӧн, кодлы Ме пукті тэнӧ ӧксыӧ. Сыысь, мый тэнад сьӧлӧмад вӧлі татшӧм кӧсйӧм,

Псалтыр 17:14

Господь муркнитіс енэжас, Медвылыссаыс сетіс Ассьыс гӧлӧс шысӧ, кисьтіс шер да биа ӧгыръяс.

Псалтыр 39:6

Господьӧй, менам Енмӧй, Тэ вӧчин уна шензьӧданатор, Тэ дугдывтӧг мӧвпалан миян йылысь. Кодӧс позяс ӧткодявны Тэкӧд? Ме эськӧ кӧсйи висьтавны Тэнад уджъясыд йылысь, но весиг лыддьӧдлынысӧ ог вермы найӧс.

Псалтыр 73:7

Найӧ сотісны Тэнсьыд вежаинтӧ, пежалісны Тэнад нимлысь оланінсӧ.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 4:8

ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Еклесиаст 5:13

Виччысьтӧг суӧм лёктор вӧсна морт воштӧ озырлунсӧ, и пиыслы нинӧм оз вичмы.

Еклесиаст 5:16

Став олӧмсӧ сійӧ коллялӧ пемыдас, шогсьӧ-майшасьӧ, элясьӧ да скӧралӧ.

Еклесиаст 5:18

Енмыс кӧ сетӧ мортлы озырлун да овмӧс-эмбур, лэдзӧ сы помысь овны-вывны, босьтны ассьыс пайсӧ да нимкодясьны мырсян-пессян олӧмас, тайӧ сылы – Енсянь козин.

Еклесиаст 5:19

Кор Енмыс сетӧ мортлы удж, мортлӧн сьӧлӧмыс нимкодясьӧ, а оз майшась олан лунъяс йылысь.

Исай 55:2

Мыйла ті сьӧм мынтанныд сыысь, мый абу сёян? Мыйла ті удждоннытӧ сетанныд сыысь, мый оз пӧткӧд? Сюся кывзӧй Менӧ да пӧткӧдчӧй бурнас, сэки тіян ловныд пондас нимкодясьны.

Бӧрданкыв 5:2

Миян муным вуджис мукӧдлы, керкаясным – локтысь йӧзлы.

Даниил 5:18

Ӧксыӧй, Медвылысса Ен сетіс тэнад Навукодоносор батьлы юралӧм, ыджыдалан вын да ошкӧм-нимӧдӧм.

Осий 7:9

Локтысьяс чурскисны сылысь вынсӧ, а сійӧ эз казявлы тайӧс. Юрсиыс сылӧн дзормис, а сійӧ оз и тӧд та йылысь.

Индӧд 28:33

Тӧдтӧм войтыр кутас сёйны тэнсьыд мувыв быдтас-вотӧстӧ, сёяс ставсӧ, мый чукӧртін. Став олӧм чӧжныд ті лоанныд дзескӧдӧм да нартитӧм улынӧсь.

Индӧд 28:43

Йӧз муысь локтысьяс пондасны ыджыдавны тіян вылын, а ті пыр улӧджык и улӧджык усянныд.

Ёрдысьяс 18:10

Кор воанныд сэтчӧ, ті аддзанныд повтӧг олысь войтырӧс да налысь паськыд мусӧ. Енмыс сетас тіян киӧ тайӧ мусӧ, кӧні абу некутшӧм тырмытӧмтор».