Еклесиаст 6:12 - Коми Библия 2023

¹² Коді тӧдӧ, мый бурджык мортыслы, кодлӧн олӧмыс мунӧ вуджӧр моз весьшӧрӧ? Коді вермас висьтавны мортлы, мый лоӧ сы бӧрын шонді улас?

Еклесиаст 6:12 Kruisverwysings

1 Каднебӧг 29:15

Тэ водзын ми батьясным моз йӧз муысь локтысьяс. Му вылас миян олан лунъясным вуджӧр кодь, миянлы нинӧм вылӧ лачанымӧс кутны.

Иов 14:2

Дзоридз моз сійӧ мыччысьлӧ да нярмунӧ, вуджӧр моз вешйӧ, оз сувтлы.

Иов 14:21

Нималӧны-ӧ сылӧн челядьыс, сійӧ оз тӧд, увтыртӧны-ӧ найӧс, сійӧ оз аддзы.

Иов 8:9

Ми ӧд тӧрытъя чужысьяс, нинӧм огӧ тӧдӧй, му вылас миян олан лунъясным вуджӧр кодьӧсь.

Псалтыр 102:11

Кутшӧм ыджыд коластыс енэжа-муа костас, сэтшӧм ыджыд Господьлӧн буралӧмыс Сыысь полысьяс дінӧ.

Псалтыр 144:4

Чужысьяссянь чужысьясӧдз кутасны ошкыны Тэнсьыд уджъястӧ, кутасны юӧртны Тэнад ыджыд вын йылысь.

Псалтыр 16:5

Ёнмӧд менсьым воськовъясӧс, медым менам кокӧй эз кеж Тэнад туйысь.

Псалтыр 17:15

Лэдзис Ассьыс гымньӧвъяссӧ да чардбиӧн сявкйис найӧс енэж пасьталаыс.

Псалтыр 4:6

Вайӧй шогмана висьяс да лача кутӧй Господь вылӧ.

Псалтыр 47:4

Сэні олысьяс тӧдӧны, мый Енмыс дорйӧ найӧс.

Еклесиаст 10:14

Вежӧртӧм морт уна сёрнитӧ, оз тӧд, мый сійӧс виччысьӧ. Коді нӧ висьталас сылы, мый лоӧ сылӧн кулӧм бӧрын?

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Еклесиаст 2:24

Мырсян-пессян олӧмас мортлы сёйӧм-юӧм да нимкодясьӧм дорысь бурджыкыс абу. Ме гӧгӧрвои, мый и тайӧ – Енсянь.

Еклесиаст 2:3

Ме шуи гажӧдны ассьым вир-яйӧс винаӧн. Ме сетчи тайӧ йӧйталӧмас, но видзи мывкыдлунӧс аслам сьӧлӧмын. Ме кӧсйи тӧдны, мый вайӧ бурсӧ мортлы, да мый сылы колӧ вӧчны енэж улас ассьыс дженьыд нэмсӧ олігӧн.

Еклесиаст 3:22

Ме гӧгӧрвои, мый мортлы бурджык нимкодясьны аслас уджъясӧн, ӧд тадзи лӧсьӧдӧма олӧмсӧ. Коді нӧ бӧр вайӧдас сійӧс, медым видзӧдлыны, мый лоӧ сылӧн олӧм помасьӧм бӧрын?

Еклесиаст 6:11

Уна сёрни дырйи ставыс весьшӧрӧ. Мый бурыс таысь мортлы?

Еклесиаст 7:15

Быдторсӧ ме аддзылі аслам весьшӧрӧ олан лунъясӧ: веськыда олысь веськыдлунас кулӧ, лёк вӧчысь лёкас дыр олӧ.

Еклесиаст 8:13

А лёк вӧчысьлы бурыс оз ло, ӧд сійӧ оз пов Енсьыс. Сылӧн олан лунъясыс мыччысьлӧм вуджӧр кодьӧсь.

Еклесиаст 9:6

Налӧн радейтӧмыс, мустӧмтӧмыс да вежӧгтӧмыс бырӧма-кольӧма. Некор и нинӧмторйын оз нин ло налы пайыс шонді улас.

Еклесиаст 9:9

Нимкодясь муса гӧтырыдкӧд олӧмнас аслад весьшӧрӧ олан лунъяс чӧжыд, мый тэныд сетӧма Енмыс шонді улас. Татшӧм тэнад пайыд мырсян-пессян олӧмад шонді улас.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Яков 4:14

Но ті весиг онӧ тӧдӧй, мый ваяс тіянлы аскиа луныс. Ӧд тіян олӧмныд ру кодь, петкӧдчылас дженьыдик кад кежлӧ, а сэсся бырас.